ഓടുന്ന ട്രെയിനിൽ കയറാൻ ശ്രമിച്ച ഭിന്നശേഷിക്കാരനെ അടിയിലേക്ക്​ വീണുപോകാതെ രക്ഷിച്ച്​ ആർ.പി.എഫ്​ ഉദ്യോഗസ്​ഥൻ

മുംബൈ: ഓടുന്ന ട്രെയിനിൽ കയറാൻ ശ്രമിക്കുന്നതിനിടെ അടിയിലേക്ക് വീഴാൻപോയ ഭിന്നശേഷിക്കാരനെ രക്ഷിച്ച് റെയിൽ‌വേ പ്രൊട്ടക്‌ഷൻ ഫോഴ്‌സ് (ആർ.‌പി‌.എഫ്) ഉദ്യോഗസ്ഥൻ. മഹാരാഷ്​ട്രയിലെ പൻ‌വേൽ സ്​റ്റേഷനിൽ വെള്ളിയാഴ്ച ഉച്ചകഴിഞ്ഞ്​ മൂന്നേ മുക്കാലോടെയായിരുന്നു സംഭവം.

ഭിന്നശേഷിക്കാരനായ ഒരാൾ ഓടുന്ന ട്രെയിനിൽ കയറാൻ ശ്രമിക്കുന്നതും യാത്രക്കാരിലൊരാൾ അയാളെ സഹായിക്കാൻ ശ്രമിക്കുന്നതും വിഡിയോയിൽ കാണാം. ഇതിനിടയിൽ നില തെറ്റി ട്രെയിനിന്‍റെ അടിയിലേക്ക് വീഴാൻ പോകുന്ന ഇയാളെ ആർ.‌പി.‌എഫ് ഉദ്യോഗസ്ഥൻ തക്കസമ​യത്തെത്തി പിന്നോട്ട് വലിച്ചു രക്ഷിക്കുകയായിരുന്നു.

#WATCH | Maharashtra: Railway Protection Force personnel stopped a differently-abled man from boarding a moving train at Panvel station, yesterday.

(Video Source: RPF) pic.twitter.com/WPGWFa9ICQ

— ANI (@ANI) February 6, 2021