ട്രെയിനിലെ ശുചിമുറിയിൽ പ്രസവിച്ച യുവതിക്കും കുഞ്ഞിനും രക്ഷകയായി റെയിൽവേ പൊലീസ്​ ഉദ്യോഗസ്ഥ

ട്രെയിനിലെ ശുചിമുറിയിൽ പ്രസവിച്ച യുവതിക്കും കുഞ്ഞിനും രക്ഷകയായി റെയിൽവേ പൊലീസ്​ ഉദ്യോഗസ്ഥ. 26 കാരിയായ ആർ‌.പി‌.എഫ് കോൺ‌സ്റ്റബിൾ, ഒരു സ്വകാര്യ ക്ലിനിക്കിലെ അനുഭവം ഉപയോഗിച്ചാണ്​ ട്രെയിനിന്റെ ലാവറ്ററിയിൽ അരമണിക്കൂറോളം നിസ്സഹായരായി കിടന്ന നവജാതശിശുവിനെയും അമ്മയെയും രക്ഷിച്ചത്​. മഥുര ജില്ലയിൽ നിന്നുള്ള ആർ.പി.എഫ് കോൺസ്റ്റബിൾ സോന നേരത്തെ ഒരു സ്വകാര്യ ക്ലിനിക്കിൽ ജോലി ചെയ്തിരുന്നു.

ചൊവ്വാഴ്ച വൈകീട്ട് ഒഡീഷയിലെ റൂർക്കേലയിലേക്ക് പോവുകയായിരുന്ന ട്രെയിനിലാണ് സംഭവം. യുവതി ട്രെയിനിൽ പ്രസവിക്കുകയായിരുന്നു. സോന എത്തുമ്പോൾ കുഞ്ഞ്​ ശ്വാസം നിലച്ച അവസ്ഥിലായിരുന്നു. പ്രാഥമിക ശുശ്രൂഷകൾ നൽകിയതിനാൽ രക്ഷപെടുത്താനായി. അടുത്ത റെയിൽവേ സ്റ്റഷനിൽനിന്ന്​ ഇവരെ ആശുപത്രിയിലേക്ക്​ മാറ്റി.