മന്ത്രവാദികളെ അനുമോദിക്കുന്ന ചടങ്ങിൽ ഗുജറാത്ത്​ മന്ത്രിമാർ

അഹമ്മദാബാദ്​: മന്ത്രവാദികളെ അനുമോദിക്കുന്ന ചടങ്ങിൽ പ​െങ്കടുത്ത്​ രണ്ട്​ ഗുജറാത്ത്​ മന്ത്രിമാർ വിവാദത്തിൽപെട്ടു. ശനിയാഴ്​ച നടന്നപരിപാടിയുടെ ദൃശ്യങ്ങൾ ഇന്നലെ സാമൂഹിക മാധ്യമങ്ങളിൽ പ്രചരിച്ചതോടെയാണ്​ സംഭവം വിവാദമാകുന്നത്​. 

ബോട്ടദ്​ ജില്ലയിലെ ഗധാദ നഗരത്തിലുളള ഒരു ക്ഷേത്രത്തിൽ പ്രദേശിക ബി.​ജെ.പി നേതൃത്വമാണ്​ പരിപാടി സംഘടിപ്പിച്ചത്​. ഗുജറാത്ത്​ വിദ്യാഭ്യാസ –റവന്യൂ മന്ത്രി ഭൂ​േപന്ദ്ര സിങ്​ ചൗദാസമ, പ്രദേശത്തെ എം.എൽ.എയും സമൂഹിക നീതി വകുപ്പ്​ മന്ത്രിയുമായ ആത്​മാരാം പാർമർ എന്നിവരാണ്​ പരിപാടിയിൽ പ​െങ്കടുത്തത്​. ചടങ്ങിനിടെ ചില മന്ത്രവാദികൾ പാട്ടിനൊപ്പം​ സ്വന്തം ശരീരത്തിൽ ചങ്ങലകൊണ്ട്​ അടിക്കുന്നത്​ ഇരുവരും നോക്കി നിൽക്കുന്നതും ദൃശ്യങ്ങളിലുണ്ട്​.  അനുമോദന ചടങ്ങി​​െൻറ ഭാഗമായി 100ഒാളം മന്ത്രവാദികൾ ഇരു മന്ത്രിമാർക്കും കൈ കൊടുക്കുന്നുമുണ്ട്​. 

സംഭവം പുറത്തായതോടെ മന്ത്രിമാർക്കെതിരെ കടുത്ത വിമർശനവുമായി യുക്തിവാദിയും എൻ.ജി.ഒ പ്രവർത്തകനുമായ ജയന്ത് പാണ്ഡ്യ രംഗത്തെത്തി. അന്ധവിശ്വാസങ്ങൾ പ്രചരിപ്പിക്കുന്ന ഇത്തരം പരിപാടികളിൽ നിന്ന്​ മന്ത്രിമാരെ വിലക്കണമെന്ന്​ ആവശ്യപ്പെട്ട്​  മുഖ്യമന്ത്രി വിജയ്​ രൂപാനിക്ക്​​ കത്തയക്കുമെന്ന്​ അദ്ദേഹം പറഞ്ഞു. 

അന്ധവിശ്വാസത്തെ പ്രചരിപ്പിക്കുന്ന പരിപാടിയിലല്ല, ദിവ്യശക്​തിയെ ആരാധിക്കുന്നവരുടെ സമ്മേളനത്തിലാണ്​ പ​െങ്കടുത്തതെന്ന്​ ഭൂ​േപന്ദ്ര സിങ്​ ചൗദാസമ പറഞ്ഞു.