ഹരിയാനയിലെ കൂട്ടമാനഭംഗം: വിചാരണക്ക്​ അതിവേഗ കോടതി വേണമെന്ന്​ വനിത-ശിശുക്ഷേമ മന്ത്രി

ഛണ്ഡിഗഢ്​: ഹരിയാനയിലെ റോത്തഗിൽ കൂട്ടമാനഭംഗത്തിനിരയായ യുവതി കൊല്ലപ്പെട്ട സംഭവത്തിൽ വിചാരണക്കായി അതിവേഗ​ കോടതി വേണമെന്ന ആവശ്യവുമായി ഹരിയാന വനിത-ശി​ശുക്ഷേമ വകുപ്പ്​ മന്ത്രി കവിത ജെയിൻ. സ്​ത്രീകൾക്കെതിരായ നടക്കുന്ന അതിക്രമ കേസുകളിൽ വിചാരണ നടത്തുന്നതിന്​ പ്രത്യേക കോടതികൾ ആവശ്യമാണെന്നും ഇത്​ കുറ്റകൃത്യത്തിന്​ മുതിരുന്നവർക്ക്​ ശിക്ഷയെ കുറിച്ചുള്ള ഭയമുണ്ടാക്കുമെന്നും മന്ത്രി പറഞ്ഞു. കൊല്ലപ്പെട്ട പെൺകുട്ടിയുടെ വീട്ടിൽ സന്ദർശനം നടത്തിയതിന്​ ശേഷം മാധ്യമ പ്രവർത്തകരോട്​ സംസാരിക്കുകയായിരുന്നു ജെയിൻ.

അതേസമയം, സംഭവുമായി ബന്ധപ്പെട്ട്​ രണ്ട്​ പേർ അറസ്​റ്റിലായെന്ന്​ കേസ്​ അന്വേഷിക്കുന്ന ​െഎ.ജി അറിയിച്ചു. അന്വേഷണം നടന്നുകൊണ്ടിരിക്കുന്ന സാഹചര്യത്തിൽ അറസ്​റ്റിലായവരെ കുറിച്ചുള്ള കൂടുതൽ വിവരങ്ങൾ പുറത്ത്​ വിടാൻ സാധിക്കില്ലെന്നും അദ്ദേഹം പറഞ്ഞു. ഇന്ത്യൻ ശിക്ഷാ നിയമത്തിലെ 376, 365, 302 വകുപ്പുകൾ പ്രകാരമാണ്​ പ്രതികൾക്കെതിരെ കേസെടുത്തിരിക്കുന്നത്​.

മെയ്​ ഒമ്പതിനാണ്​ കൂട്ടമാനംഭഗത്തിനിരയായി റോത്തഗിൽ യുവതി കൊല്ലപ്പെട്ടത്​. മാനഭംഗത്തിന്​ ശേഷം യുവതിയുടെ മുഖത്ത്​ കാർ കയറ്റി​ കൊലപ്പെടുത്തുകയായിരുുന്നു​. തങ്ങളുടെ അയൽവാസികളാണ്​ കൊലപാതകത്തിന്​ പിന്നിലെന്ന്​​ യുവതിയുടെ ബന്ധുക്കൾ ആരോപിച്ചു.