ജനവിധി തമിഴ് ജനതയുടെ മനസെന്ന് ദിനകരൻ

ചെന്നൈ: തമിഴ് ജനതയുടെ മനസാണ് ആർ.കെ നഗറിലെ ജനവിധിയെന്ന് സ്ഥാനാർഥി ടി.ടി.വി ദിനകരൻ. ജനദ്രോഹ സർക്കാറിനെതിരായ വിധിയാണിത്. വൻ ഭൂരിപക്ഷത്തിൽ സന്തോഷമുണ്ട്. ഇ.പി.എസ് സർക്കാർ മൂന്നു മാസത്തിനകം നിലംപതിക്കുമെന്നും ദിനകരൻ മാധ്യമങ്ങളോട് പറഞ്ഞു. 

താൻ സ്വതന്ത്ര സ്​ഥാനാർഥിയാണ്​. എന്നാൽ എല്ലാ എ.​െഎ.എ.ഡി.എം.കെ പ്രവർത്തകരും തന്നോടൊപ്പമായിരുന്നു. തനിക്ക്​ അമ്മയുടെ (ജയലളിതയുടെ) ആശിർവാദവുമുണ്ടെന്നും ദിനകരൻ പറഞ്ഞു. 

ആർ.കെ നഗർ ഉപതെരഞ്ഞെടുപ്പിൽ മികച്ച ഭൂരിപക്ഷമാണ് ടി.ടി.വി ദിനകരനുള്ളത്. അണ്ണാ ഡി.എം.കെ, ഡി.എം.കെ, ബി.ജെ.പി സ്ഥാനാർഥികളെ പിന്തള്ളിയാണ് ദിനകരൻ വിജയത്തിലേക്ക് കുതിക്കുന്നത്.