ലാലു പ്രസാദിനെ ആശുപത്രിയിൽ പ്രവേശിപ്പിച്ചു

മുംബൈ: രാഷ്ട്രീയ ജനതാ ദൾ (ആർ.ജെ.ഡി) നേതാവ് ലാലു പ്രസാദ് യാദവിനെ മുംബൈയിലെ ആശുപത്രിയിൽ പ്രവേശിപ്പിച്ചു. നെഞ്ചുവേദനയും ഹീമോഗ്ലോബിന്‍റെ അളവ് കുറവും കാരണം മുംബൈയിലെ ഏഷ്യൻ ഹാർട്ട് ഇൻസ്റ്റിറ്റ്യൂട്ടിലാണ് പ്രവേശിപ്പിച്ചത്. 

മകൻ തേജസ്വനി യാദവും മകൾ മിസ ഭാരതിയും ലാലുവിനൊപ്പം ആശുപത്രിയിലുണ്ട്. ഹൃദയ രോഗ പരിശോധനക്കായി ഈ മാസം ആദ്യം ലാലു പ്രസാദ് ഏഷ്യൻ ഹാർട്ട് ഇൻസ്റ്റിറ്റ്യൂട്ടിൽ എത്തിയിരുന്നു. 

നേരത്തെ, റാഞ്ചിയിലെ രാജേന്ദ്ര ഇൻസ്റ്റിറ്റ്യൂട്ട് മെഡിക്കൽ സയൻസിലെ ചികിത്സയിലായിരുന്നു.