You are here

ഋഷി കപൂറിൻെറ സഹോദരി ഋതു നന്ദ അന്തരിച്ചു

14:49 PM
14/01/2020
Ritu-nanda

ന്യൂഡൽഹി: നടനും സംവിധായകനുമായ ഋഷി കപൂറിൻെറ സഹോദരി ഋതു നന്ദ അന്തരിച്ചു. 71 വയസായിരുന്നു. ന്യൂഡൽഹിയിൽ ചൊവ്വാഴ്​ച പുലർച്ചെ 1.15ഓടെയായിരുന്നു അന്ത്യം. അർബുദം ബാധിച്ച്​ ഏറെക്കാലമായി ചികിത്സയിലായിരുന്നു. 

ബോളിവുഡ്​ ചലച്ചിത്രകാരനായിരുന്ന രാജ്​ കപൂറിൻെറ മൂത്ത മകളാണ്​ ഋതു നന്ദ. രന്ദീർ കപൂർ, രാജീവ്​ കപൂർ എന്നിവർ സഹോദരങ്ങളാണ്​. അന്തരിച്ച എസ്​കോർട്​സ്​ ഗ്രൂപ് ചെയർമാൻ രാജൻ നന്ദ ഭർത്താവായിരുന്നു​. ഋതുനന്ദ ഇൻഷൂറൻസ്​ സർവീസിൻെറ സി.ഇ.ഒ ആയിരുന്നു.

അമിതാബ്​ ബച്ചൻെറ മകൾ ശ്വേത ബച്ചൻ നന്ദയുടെ ഭർതൃമാതാവായ​ ഋതു നന്ദയ​ുടെ മരണവിവരം അമിതാബ്​ ബച്ചൻ തൻെറ​ ഔദ്യോഗിക ട്വിറ്റർ അക്കൗണ്ടിലൂടെ അറിയിച്ചു​. ഋതു നന്ദയുടെ മരണം ആകസ്​മികമായിരുന്നുവെന്ന്​ ബച്ചൻ ട്വീറ്റ്​ ചെയ്​തു.

Loading...
COMMENTS