Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകൈകൾ...

കൈകൾ അണുവിമുക്തമാക്കണം, ഒത്തുകൂടലുകൾ ഒഴിവാക്കണം; വിദ്യാർഥികൾ ശ്രദ്ധിക്കാൻ

text_fields
bookmark_border
കൈകൾ അണുവിമുക്തമാക്കണം, ഒത്തുകൂടലുകൾ ഒഴിവാക്കണം; വിദ്യാർഥികൾ ശ്രദ്ധിക്കാൻ
cancel

ന്യൂഡൽഹി: സ്​കൂൾ വിദ്യാർഥികളിൽ കൊറോണ വൈറസ്​ പടരാതിരിക്കാൻ നാഷനൽ കമീഷൻ ഫോർ പ്രൊട്ടക്ഷൻ ഓഫ്​ ചൈൽഡ്​ റൈറ്റ ്​സ്​ (എൻ.സി.പി.സി.ആർ) മാർഗനിർദേശം പുറപ്പെടുവിച്ചു. എല്ലാ സംസ്​ഥാനങ്ങളിലെയും കേന്ദ്രഭരണ പ്രദേശങ്ങളിലെയും ചീഫ്​ സെക്രട്ടറിമാർക്കും ഭരണകർത്താക്കൾക്കും ഇതുസംബന്ധിച്ച നിർദേശം അയച്ചു. സ്​കൂൾ വിദ്യാർഥികളിൽ വൈറസ്​ ബാധ പടർന്നു പിടിക്കാതിരിക്കാനാവശ്യമായ മുൻകരുതലിൻെറ ഭാഗമായാണ്​ നടപടി.

േകന്ദ്ര ആരോഗ്യ മ​ന്ത്രാലയം സ്​കൂളുകൾ സ്വീകരിക്കേണ്ട മുൻകരുതൽ നടപടികൾ സംബന്ധിച്ച്​ നേരത്തേതന്നെ മാർഗനിർദേശം പുറപ്പെടുവിച്ചിരുന്നു. ഇതുപ്രകാരം സ്​കൂളുകളിൽ ഏതെങ്കിലും തരത്തിലുള്ള പൊതുപരിപാടികളോ ഒത്തുകൂടലോ സംഘടിപ്പിക്കാൻ പാടില്ല. ഏതെങ്കിലും വിദ്യാർ​ഥിയോ, അധ്യാപക-അനധ്യാപക ജീവനക്കാരോ കൊറോണ ബാധിത രാജ്യങ്ങളിൽ 28 ദിവസങ്ങൾക്കുള്ളിൽ യാത്ര ചെയ്​തിട്ടുണ്ടെങ്കിൽ അവർ 14 ദിവസം വീട്ടുനിരീക്ഷണത്തിൽ കഴിയണം.

കൂടാതെ കൈ അണുനാശിനി ഉപയോഗിച്ചു കഴുകൽ, തുമ്മു​േമ്പാഴും ചുമക്കു​േമ്പാഴും വായ്​ ​ടവൽ ഉപയോഗിച്ച്​ െപാത്തിപിടിക്കൽ തുടങ്ങിയ ചെറിയ കാര്യങ്ങളിൽ ശ്രദ്ധ പുലർത്തണമെന്നും മാർഗനിർദേശത്തിൽ പറയുന്നു. കൂടാതെ വാതിൽപിടി, സ്വിച്ചുകൾ, കമ്പ്യൂട്ടർ ഡെസ്​ക്​ടോപ്പ്​, കൈവരികൾ തുടങ്ങിയവ അണുവിമുക്തമാണെന്ന്​ ഉറപ്പുവരുത്താൻ ശ്രദ്ധിക്കണമെന്നും പറയുന്നു.

ലോക​െമമ്പാടും കൊറോണ വൈറസിനെതിരായ പോരാട്ടത്തിലാണ്​. രാജ്യത്തും കൊറോണ ബാധിതരുടെ എണ്ണം കൂടിവരികയാണ്​. രാജ്യത്ത്​ ഒരു സ്​കൂൾ വിദ്യാർഥിക്കും രോഗം സ്​ഥിരീകരിച്ചിരുന്നു. പരീക്ഷക്കാലമായതിനാൽ വിദ്യാർഥികൾ ഏറ്റവുമധികം ജാഗ്രത പാലി​േക്കണ്ട സമയം കൂടിയാണ്​. അതിനാൽ വൈറസ്​ ബാധ പടരാതിരിക്കാൻ കൃത്യമായ മുൻകരുതൽ സ്വീകരിക്കണമെന്ന്​ എൻ.സി.പി.സി.ആറിൻെറ നിർദേശത്തിൽ പറയുന്നു. സംസ്​ഥാന വിദ്യാഭ്യാസ വകുപ്പുകളും ആരോഗ്യവകുപ്പും കുട്ടികൾക്ക്​ ബോധവൽക്കരണം നൽകുകയും ൈ​വറസ്​ ബാധ പിടിപെടാതിരിക്കാൻ ആവശ്യമായ നടപടികൾ സ്വീകരിക്കണമെന്നും ആവശ്യപ്പെട്ടു. ​

Show Full Article
TAGS:corona covid 19 corona virus india NCPCR india news malayalam news 
News Summary - Rights Body Issues Advisory To Prevent Coronavirus Among Schoolchildren -India news
Next Story