Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമോദിക്ക്​ സ്​തുതി,...

മോദിക്ക്​ സ്​തുതി, കോൺഗ്രസിന്​ വിമർശനം; പുതിയ സിന്ധ്യ ഇങ്ങനെ

text_fields
bookmark_border
മോദിക്ക്​ സ്​തുതി, കോൺഗ്രസിന്​ വിമർശനം; പുതിയ സിന്ധ്യ ഇങ്ങനെ
cancel

ന്യൂഡൽഹി: ബി.ജെ.പിയിൽ ചേർന്നതിനുപിന്നാലെ കോൺഗ്രസിനെ രൂക്ഷമായി വിമർശിച്ചും നരേന്ദ്രമോദിയെ പുകഴ്​ത്തിയും​ ജ്യോതിരാദിത്യ സിന്ധ്യ. ഡൽഹിയിലെ ബി.ജെ.പി ആസ്ഥാനത്ത്​ ദേശീയ പ്രസിഡൻറ്​ ജെ.പി നദ്ദയുടെ സാന്നിധ്യത്തിൽ മാധ്യമങ് ങൾക്ക്​ മുന്നിലാണ്​​​ സിന്ധ്യ പാർട്ടി മാറാനുള്ള കാരണം വിശദീകരിച്ചത്​. എന്നാൽ കൂടെയുള്ള എം.എൽ.എമാരെക്കുറിച്ച്​ സിന്ധ്യ യാതൊരു പരാമർശവും നടത്തിയില്ല.

മധ്യപ്രദേശ്​ സർക്കാർ തെരഞ്ഞെടുപ്പ്​ പ്രകടനപത്രികയിൽ പരാമർശിച്ച കർഷക​ സുരക്ഷയും യുവാക്കൾക്കുള്ള തൊഴിൽ വാഗ്​ധാനവും പാലിക്കുന്നതിൽ പരാജയപ്പെട്ടു. അതേ സമയം ഡൽഹിയിൽ നരേന്ദ്രമോദി സത്യത്തി​​​െൻറ പാതയിൽ മുന്നോട്ട്​പോകുകയാണ്​.

ജന്മദിനം പോലെ പ്രധാനപ്പെട്ട ദിവസമാണ്​ ബി.ജെ.പിയിൽ ചേർന്ന ദിനവും. കഴിഞ്ഞ 18 വർഷത്തോളം രാജ്യത്തിനും ജനങ്ങൾക്കും വേണ്ടി പ്രവർത്തിച്ചു. എന്നാൽ കോൺഗ്രസ്​ നേതൃത്വത്തിൽ നിന്നും മാന്യത ലഭിച്ചില്ല. നരേന്ദ്രമോദിയുടേയും അമിത്​ഷായുടേയും പാതയിലേക്ക്​ വരാൻ സാധിച്ചത്​ ഭാഗ്യമായി കരുതുന്നു. മോദിയുടെ കീഴിൽ രാജ്യം സുരക്ഷിതമാണെന്നും സിന്ധ്യ കൂട്ടിച്ചേർത്തു.

ജനസംഘത്തി​​​െൻറയും ബി.ജെ.പിയുടെയും സ്ഥാപക നേതാക്കളിൽ ഒരാളായ വിജയരാജ്യ സിന്ധ്യയുടെ പൗത്രൻ ബി.ജെ.പിയിൽ എത്തിയതിൽ സന്തോഷിക്കുന്നുവെന്ന്​ ദേശീയ പ്രസിഡൻറ്​ ജെ.പി നദ്ദ അഭിപ്രായപ്പെട്ടു. ബി.ജെ.പി ജനാധിപത്യമുള്ള പാർട്ടിയാണ്​. പാർട്ടിയിൽ സിന്ധ്യക്ക്​ അവസരങ്ങൾ കിട്ടുമെന്നും ജെ.പി നദ്ദ അറിയിച്ചു.

മാധ്യമപ്രവർത്തകരുടെ ചോദ്യത്തിന്​ മറുപടി നൽകാതെ പെ​ട്ടെന്ന്​ ചടങ്ങ്​ അവസാനിപ്പിച്ചാണ്​ സിന്ധ്യയും നദ്ദയും മടങ്ങിയത്​.

Latest Video:

Show Full Article
TAGS:scindia bjp inc politics madhyapradesh 
News Summary - Rich Praise For PM Modi From Jyotiraditya Scindia As He Joins BJP
Next Story