Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസാറ അലി ഖാനും...

സാറ അലി ഖാനും രാകുൽപ്രീതുമടക്കം വമ്പൻമാർക്കെതിരെ റിയയുടെ മൊഴി

text_fields
bookmark_border
സാറ അലി ഖാനും രാകുൽപ്രീതുമടക്കം വമ്പൻമാർക്കെതിരെ റിയയുടെ മൊഴി
cancel
camera_altരാകുൽപ്രീത്​ സിങ്​, സാറാ അലി ഖാൻ

മുംബൈ: ബോളിവുഡ്​ നടൻ സുശാന്ത്​ സിങ്​ രാജ്​പുത്തിൻെറ മരണവുമായി ബന്ധപ്പെട്ട മയക്ക്​ മരുന്ന്​ കേസ്​ വമ്പൻ വഴിത്തിരിവിലേക്ക്​.

നടിമാരായ സാറ അലി ഖാൻ, രാകുൽ പ്രീത്​ സിങ്​, ഡിസൈനർ സിമോണി കംബട്ട, സുശാന്തിൻെറ സുഹൃത്തും മുൻ മാനേജറുമായിരുന്ന രോഹിണി അയ്യർ, സംവിധായകൻ മുകേഷ്​ ചബ്​ര എന്നിവരോടൊപ്പം മയക്കുമരുന്ന്​ ഉപയോഗിച്ചതായി റിയ ചക്രബർത്തി കുറ്റസമ്മതം നടത്തിയതായാണ്​ റിപ്പോർട്ട്​. നാർകോട്ടിക്​സ്​ കൺട്രോൾ ബ്യൂറോയുടെ ചോദ്യം ചെയ്യലിലാണ്​ റിയയുടെ കുറ്റസമ്മതം.

സെയ്​ഫ്​ അലി ഖാൻെറയും അമൃത സിങ്ങിൻെറയും മകളായ സാറ 2018ൽ സുശാന്തിനൊപ്പം 'കേദാർനാഥ്'​ എന്ന ചിത്രത്തിലൂടെയാണ്​ ബോളിവുഡിൽ അരങ്ങേറിയത്​.

സുശാന്തിനും സുഹൃത്തുക്കൾക്കുമൊപ്പം സാറ തായ്​ലൻഡ്​ യാത്ര നടത്തിയതായി റിയ എൻ.സി.ബിക്ക്​ മൊഴി നൽകിയതായാണ്​ വിവരം. തായ്​ലൻഡ്​ യാത്രക്ക്​ 70 ലക്ഷം രൂപ പൊടിപൊടിച്ചതായി റിയ നേരത്തെ മാധ്യമങ്ങളോട്​ പറഞ്ഞിരുന്നു.

കേദാർനാഥിൻെറ ചിത്രീകരണ വേളയിൽ സുശാന്തും സാറയും തമ്മിൽ പ്രണയത്തിലായിരുന്നുവെന്നും​ നടൻെറ സുഹൃത്ത്​ സാമുവൽ ഹോകിപ്​ അടുത്തിടെ വെളിപ്പെടുത്തിയിരുന്നു.

എൻ.സി.ബിയുടെ ചോദ്യംചെയ്യലിൽ മയക്കുമരുന്ന്​ ഉപയോഗിക്കുന്ന ബോളിവുഡ്​ സെലിബ്രിറ്റികളുടെ പേരുകൾ റിയ വെളിപ്പെടുത്തിയതായി സൂചനയുണ്ടായിരുന്നു. ഇതിൻെറ അടിസ്​ഥാനത്തിൽ 15ഓളം ബോളിവുഡ്​ താരങ്ങൾ നാർകോട്ടിക്​സിൻെറ റഡാറിന്​ കീഴിലായിരുന്നു.

80 ശതമാനത്തോളം ബോളിവുഡ്​ താരങ്ങളും ലഹരി ഉപയോഗിക്കുന്നതായി റിയ മൊഴി നൽകിയതായാണ്​ റിപ്പോർട്ടുകൾ. ഇൻഡസ്​ട്രിയിലെ 25 പ്രമുഖ താരങ്ങളെ കേസുമായി ബന്ധപ്പെട്ട്​ വിസ്​തരിക്കുമെന്നാണ്​ സൂചന.

റിയയുടെ വാട്​സാപ്പ്​ ചാറ്റിൻെറ ഉള്ളടക്കം പുറത്തായതോടെയാണ്​ നടിയും സഹോദരൻ ശൗവിക്​ ചക്രബർത്തിയും സുശാന്തിൻെറ മാനേജർ ദീപേഷ്​ സാവന്തുമടക്കമുള്ളവർ അറസ്​റ്റിലായത്​. റിയ നൽകിയ ജാമ്യാപേക്ഷ വെള്ളിയാഴ​്​ച മുംബൈ പ്രത്യേക കോടതി തള്ളിയിരുന്നു.

ജൂൺ 15നാണ്​ സുശാന്തിനെ മുംബൈയിലെ ഫ്ലാറ്റിൽ മരിച്ച നിലയിൽ കണ്ടെത്തിയത്​. മരണം ആത്മഹത്യയാണെന്ന്​ വ്യക്തമാക്കിയ മുംബൈ പൊലീസ്​ കാരണം ചികഞ്ഞ്​ അന്വേഷണം ആരംഭിച്ചിരുന്നു.

നിലവിൽ പൊലീസിന്​ പുറമേ സി.ബി.ഐ, എൻ.സി.ബി, എൻഫോഴ്​സ്​മെൻറ്​ ഡയറക്​ടറേറ്റ്​ എന്നീ ഏജൻസികളും അന്വേഷിക്കുന്നുണ്ട്​.

Show Full Article
TAGS:Rhea Chakraborty Sara Ali Khan Rakul Preet Singh 
Next Story