Top
Begin typing your search above and press return to search.
keyboard_arrow_down
Login
exit_to_app
exit_to_app
കോൺഗ്രസ്​ നേതാവ്​ അധീർ രജ്ഞൻ ചൗധരി
cancel
Homechevron_rightNewschevron_rightIndiachevron_rightറിയ ഒരു ബംഗാളി...

'റിയ ഒരു ബംഗാളി ബ്രാഹ്​മണ യുവതി, അറസ്​റ്റ്​ അസംബന്ധം' -കോൺഗ്രസ്​ നേതാവ്​

text_fields
bookmark_border

ന്യൂഡൽഹി: ബോളിവുഡ്​ താരം സുശാന്ത്​ സിങ്​ രാജ്​പുത്തി​െൻറ മരണവുമായി ബന്ധപ്പെട്ട മയക്കുമരുന്നു കേസിൽ റിയ ചക്രബർത്തിയെ അറസ്​റ്റ്​ ചെയ്​ത നടപടി അസംബന്ധമാണെന്ന്​ കോൺഗ്രസ്​ നേതാവ്​ അധീർ രജ്ഞൻ ചൗധരി. റിയ ഒരു ബംഗാളി ബ്രാഹ്​മണ യുവതിയാണ്. അവരുടെ പിതാവ്​ വിരമിച്ച ആർമി ഉദ്യോഗസ്​ഥനും. തങ്ങളുടെ മക്കൾക്ക്​ നീതി ലഭ്യമാക്കണമെന്ന്​ ആവശ്യപ്പെടാൻ അദ്ദേഹത്തി​ന്​ അവകാശമുണ്ടെന്നും ലോക്​സഭാഗം കൂടിയായ കോൺഗ്രസ്​ നേതാവ്​ പറഞ്ഞു.

അധീർ ചൗധരിയുടെ പരാമർശം വിവാദമാകുകയും സാമൂഹിക മാധ്യമങ്ങളിൽ വിമർശനമുയരുകയും ചെയ്​തു. ബിഹാർ തെരഞ്ഞെടുപ്പിൽ ബി.ജെ.പിക്ക്​്​ നേട്ടമുണ്ടാക്കുന്നതിനായി ഹിന്ദി നടനായ സുശാന്തിനെ ബിഹാറി നടനാക്കി മാറ്റി. ഇതി​െൻറ ഭാഗമായാണ്​ ബി​.ജെ.പി ബിഹാർ യൂനിറ്റ്​ 'ജസ്​റ്റിസ്​ ഫോർ സുശാന്ത്​ സിങ്​ രാജ്​പുത്'​ പോസ്​റ്ററുകളും ബാനറുകളും പുറത്തിറക്കിയതെന്നും ​കുറ്റപ്പെടുത്തി. സുശാന്തി​െൻറ മരണവുമായി ബന്ധപ്പെട്ട അന്വേഷണം സി.​ബി.ഐക്ക്​ വിട്ടതിൽ എൻ.ഡി.എയുടെ ഭാഗമായ നിതീഷ്​ കുമാർ ക്രഡിറ്റ്​​ നേടിയെടുക്കാൻ ഒരുങ്ങുന്നതായും ​അദ്ദേഹം പറഞ്ഞു.

'റിയ ചക്രബർത്തിക്കെതിരെ ആത്മഹത്യ, കൊലപാതകം, സാമ്പത്തിക ക്രമക്കേട്​ എന്നിവയിൽ കേസെടുത്തിട്ടില്ല. അവരെ മയക്കുമരുന്നുകേസിൽ അനധികൃതമായി അറസ്​റ്റ്​ ചെയ്യുകയായിരുന്നു. രാഷ്​ട്രീയ കക്ഷികളെ പ്രീതിപ്പെടുത്തുന്നതിനായി ​േകന്ദ്ര ഏജൻസികൾ അവരുടെ പങ്ക്​ വഹിക്കുന്നു. ശേഷം കടലിൽ ഇറങ്ങി അമൃതിന്​ പകരം മയക്കുമരുന്ന്​ തിരയുന്നു. ഒരിക്കൽ ഇരുൾ മാറി ആരാണ്​ കൊലയാളി എന്നത്​ പുറത്തുവരും' -ചൗധരി കൂട്ടിച്ചേർത്തു.

ചൊവ്വാഴ്​ചയാണ്​ മയക്കുമരുന്നുമായി ബന്ധപ്പെട്ട കേസിൽ റിയ ചക്രബർത്തിയെ അറസ്​റ്റ്​ ചെയ്യുന്നത്​. അതിനുമുമ്പ്​ സഹോദരൻ ശൗവിക്​ ചക്രബർത്തിയെയും അറസ്​റ്റ്​ ചെയ്​തിരുന്നു. കൂടാതെ സുശാന്തി​െൻറ ​മാനേജർ ഉൾപ്പെടെ പത്തോളം പേരും കേസിൽ അറസ്​റ്റിലായിട്ടുണ്ട്​.

Show Full Article
TAGS:Rhea Chakraborty Adhir Ranjan Chowdhury Sushant Singh Rajput Congress BJP 
Next Story