Begin typing your search above and press return to search.
proflie-avatar
Login
exit_to_app
exit_to_app
amnesty and sasi tharoor
cancel
Homechevron_rightNewschevron_rightIndiachevron_rightആംനസ്​റ്റിയോടുള്ള...

ആംനസ്​റ്റിയോടുള്ള പകപോക്കൽ ജനാധിപത്യ​ത്തെ ദുർബലപ്പെടുത്തും -തരൂർ

text_fields
bookmark_border

ന്യൂഡൽഹി: ആ​ംനസ്​റ്റി പോലുള്ള സംഘടനകളോട്​ പകപോക്കുന്ന കേന്ദ്ര സർക്കാർ നടപടി രാജ്യത്തിൻെറ ജനാധിപത്യ യശസ്സിനെ ദുർബലപ്പെടുത്തുമെന്ന്​ ശശി തരൂർ എം.പി.

മാധ്യമങ്ങളും വിവിധ സംഘടനകളും ചേർന്ന സ്വന്തന്ത്ര സ്​ഥാപനങ്ങളും ലിബറൽ ജനാധിപത്യവുമാണ്​ രാജ്യത്തിൻെറ ഔന്നത്യം വർധിപ്പിക്കുന്നത്​. ഇവ ലോകത്തിന്​ മുന്നിൽ രാജ്യത്തിൻെറ ശക്​തിയും വർടിപ്പിക്കുന്നു. എന്നാൽ, ആംനസ്​റ്റിയോടുള്ള പകപോക്കൽ പോലുള്ള പ്രവർത്തനങ്ങൾ ജനാധിപത്യമെന്ന നമ്മുടെ പ്രശസ്തിയെ ദുർബലപ്പെടുത്തുകയും രാജ്യത്തിൻെറ ശക്​തി ക്ഷയിപ്പിക്കുകയും ചെയ്യുമെന്ന്​ എം.പി കൂട്ടിച്ചേർത്തു.

ചൊവ്വാഴ്​ചയാണ്​ അന്തരാഷ്​ട്ര മനുഷ്യാവകാശ സംഘടനയായ ആംനസ്​റ്റി ഇൻറർനാഷണൽ ഇന്ത്യയിലെ പ്രവർത്തനം അവസാനിപ്പിച്ചതായി അറിയിച്ചത്​. ബാങ്ക്​ അക്കൗണ്ടുകൾ കേന്ദ്ര സർക്കാർ മരവിപ്പിച്ചതോടെയാണ്​ പ്രവർത്തനം നിർത്തിയത്​.

സംഘടനക്കു​ നേരെ സർക്കാർ പ്രതികാര നടപടി സ്വീകരിക്കുകയാണെന്ന്​ നേരത്തെ തന്നെ മനുഷ്യാവകാശ പ്രവർത്തകർ ആരോപിച്ചിരുന്നു. ഈ മാസം പത്തിന്​ സംഘടനയുടെ അക്കൗണ്ടുകൾ പൂർണമായും മരിവിപ്പിച്ചു. വിദേശ ഫണ്ട്​ സ്വീകരിക്കുന്നതുമായി ബന്ധപ്പെട്ട്​ സംഘടന വിവിധ അന്വേഷണങ്ങളും നേരിടുന്നുണ്ട്​.

ആംനസ്​റ്റി ഇൻറർനാഷണൽ അനധികൃതമായി ഫണ്ട്​ സ്വീകരിക്കുന്നുണ്ടെന്നും 'ഫോറിൻ കോൺട്രിബ്യൂഷൻ റഗുലേഷൺ ആക്​റ്റ്​' പ്രകാരം സംഘടന ഇതുവരെ രജിസ്​റ്റർ ചെയ്​തിട്ടില്ലെന്നുമാണ്​ സർക്കാർ വാദം. നേരത്തെ, ആംനസ്​റ്റി സ്വീകരിക്കുന്ന പല ഫണ്ടുകൾക്കും കൃത്യമായ കണക്കും ഉറവിടവും ഇല്ലെന്ന്​ കാണിച്ച്​ എൻഫേഴ്​സ്​മെൻറ്​ ഡയറക്​ടറേറ്റ് (ഇ.ഡി) കേസെടുത്തിരുന്നു.

വിദേശ ഫണ്ട്​ സ്വീകരിക്കാനാവാതെ ഇന്ത്യയിൽ പ്രവർത്തിക്കാൻ കഴിയില്ലെന്ന്​ സംഘടന മേധാവികൾ അറിയിച്ചു. തങ്ങളുമായി ബന്ധപ്പെട്ട്​ പ്രവർത്തിക്കുന്ന​വർ​ പ്രവർത്തനം അവസാനിപ്പിക്കണമെന്നും അവർ നിർദേശം നൽകി. നിരവധി വിഷയങ്ങളിൽ ആംനസ്​റ്റി നടത്തുന്ന വിവിധ ഗവേഷണങ്ങളും ഇതോ​െട അവസാനിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:amnesty internationalamnesty india
News Summary - Revenge against Amnesty will weaken democracy: Tharoor
Next Story