Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപാകിസ്​താൻ ഹിസ്​ബുൽ...

പാകിസ്​താൻ ഹിസ്​ബുൽ മുജാഹിദീന്​ രാസായുധം കൈമാറിയെന്ന്​ റിപ്പോർട്ട്​

text_fields
bookmark_border
പാകിസ്​താൻ ഹിസ്​ബുൽ മുജാഹിദീന്​ രാസായുധം കൈമാറിയെന്ന്​ റിപ്പോർട്ട്​
cancel

ശ്രീനഗര്‍: കശ്​മീരിൽ ഭീകരപ്രവർത്തനം നടത്തുന്നതിനായി തീവ്രവാദ സംഘടനയായ ഹിസ്ബുൽ മുജാഹിദീന് പാകിസ്താന്‍ രാസായുധം കൈമാറിയെന്ന്​ തെളിയിക്കുന്ന സംഭാഷണശകലങ്ങള്‍ പുറത്ത്. തീവ്രവാദ പ്രവർത്തനങ്ങൾക്ക്​ പാകിസ്​താൻ  സഹായം നൽകുന്നുണ്ടെന്ന്​ പ്രവർത്തകർ സംസാരിക്കുന്നതി​​​​​െൻറ സംഭാഷണശകലങ്ങളാണ് മാധ്യമങ്ങള്‍ക്ക് ലഭിച്ചത്. ദേശീയമാധ്യമമായ ന്യൂസ് 18 ആണ് സംഭാഷണശകലങ്ങള്‍ സംബന്ധിച്ച വാര്‍ത്ത പുറത്തുവിട്ടത്.

 ഇന്ത്യൻ സുരക്ഷാ സേനകൾക്കു നേരെ പ്രയോഗിക്കാനാണ്​ പാകിസ്താന്‍ ​ രാസായുധങ്ങള്‍ നല്‍കിയിരിക്കുന്നത് എന്നും സംഭാഷണത്തിൽ വ്യക്തമാണ്​. ഇന്ത്യൻ സൈന്യം ശക്തമായ തിരിച്ചടി നൽകുന്നതി​​​​​െൻറ അടിസ്ഥാനത്തിലാണ്​ രാസായുധം തീവ്രവാദ സംഘടനക്ക്​ നൽകയിട്ടുള്ളതെന്നാണ്​ സൂചന. നിലവിൽ തീവ്രവാദികൾക്ക്​ രാസായുധം കൈമാറിയിട്ടുള്ളതായാണ്​ സംഭാഷണങ്ങളിൽ നിന്നും വ്യക്തമാകുന്നത്​.

 കഴിഞ്ഞ ഏതാനും മാസങ്ങളിലായി കാശ്മീരില്‍ നടന്ന സൈനിക ഏറ്റുമുട്ടലിൽ 90 ഒാളം ഹിസ്​ബുൽ പ്രവർത്തകരുടെ ജീവൻ നഷ്​ടപ്പെട്ടു. അതിനു പകരം ആക്രമണങ്ങളുടെ എണ്ണം കുറച്ചുകൊണ്ട് പരമാവധി ഇന്ത്യന്‍ സൈനികരെ വധിക്കുക എന്ന ലക്ഷ്യത്തടെയാണ് പാകിസ്താന്‍ രാസായുധങ്ങള്‍ വിതരണം ചെയ്തിരിക്കുന്നതെന്നും സംഭാഷണത്തില്‍ പറയുന്നുണ്ട്​.

‘‘ദൈവത്തി​​​​​െൻറ അനുഗ്രഹം കൊണ്ട്​ നമ്മുക്ക്​ പാകിസ്​താനിൽ നിന്നും നല്ല സഹായങ്ങൾ ലഭിക്കുന്നുണ്ട്​. വരുംദിവസങ്ങളില്‍ പാകിസ്താന്‍ കൂടുതല്‍ ഇന്ത്യാ വിരുദ്ധ പദ്ധതികള്‍ കാശ്മീരില്‍ നടപ്പാക്കുമെന്നും’’ സംഭഷണത്തിലുണ്ട്.

ഇന്ത്യന്‍ സൈനികര്‍ ഇപ്പോഴും ഗ്രനേഡ്​ ലോഞ്ചറൊക്കെയാണ്​ ഉപയോഗിക്കുന്നത്​. അതിന്​ രണ്ടോ മൂന്നോ പേരെ കൊല്ലാനും പരിക്കേൽപ്പിക്കാനു​​മേ കഴിയൂ. ഇത്​ നമ്മുടെ തന്ത്രങ്ങൾ മാറ്റാനുള്ള സമയമാണ്​. നമ്മുക്ക്​ നേരിട്ട്​ രാസായുധം പ്രയോഗിക്കണം. അത്​ ഒരേ സമയം നിരവധി പേരെ കൊന്നൊടുക്കും’’ –എന്നാണ്​ തീവ്രവാദി മറ്റു പ്രവർത്തകരോട്​ പറയുന്നത്.

 ‘‘പീർ സാഹിബിന്​ (ലശ്​കർ ഇ ത്വയിബ്ബ നേതാവ്​ ഹാഫിസ്​ മുഹമ്മദ്​ സയീദ്​) നമ്മളെ ആവശ്യമുണ്ട്​. എന്നാൽ ജനങ്ങൾക്കും നമ്മെ തിരിച്ചുകിട്ടണമെന്നാണ്​. ഇൗദിന്​ ശേഷമായിരിക്കും അടുത്ത പരിപാടി. ഇൗദിനു ശേഷം അതു സംബന്ധിച്ച പദ്ധതികൾ തയാറാക്കാമെന്നും’’സംഭാഷണത്തിലുണ്ട്​.
കശ്മീരില്‍ തീവ്രവാദ സംഘടനകളെ വര്‍ത്തുന്നതിൽ പാകിസ്​താന്​ പങ്കുണ്ടെന്നും പണവും ആയുധവുമുൾപ്പെടെ കൈമാറുന്നുണ്ടെന്നും വ്യക്തമാക്കുന്ന തെളിവുകളാണ്​ ലഭിച്ചിരിക്കുന്നത്​.
കശ്മീരില്‍ ഏറ്റവും കൂടുതല്‍ നാശം വിതക്കുന്ന ഭീകരസംഘടനയാണ് ഹിസ്ബുൽ മുജാഹിദീന്‍. തിങ്കളാഴ്ച അമര്‍നാഥില്‍ നടന്ന ഭീകരാക്രമണത്തിന് പിന്നിലും ഹിസ്ബുള്‍ മുജാഹിദീന്‍ പ്രവര്‍ത്തകരാണ് എന്നാണ് പ്രാഥമിക നിഗമനം.

Show Full Article
TAGS:hizbul mujahideen chemical weapons india news malayalam news 
News Summary - Revealed: Pak Arming Hizbul Mujahideen With Chemical Weapons
Next Story