പ്ര​ധാ​ന​മ​ന്ത്രി​യു​ടെ വി​ദേ​ശ​യാ​ത്ര ബി​ല്ലു​ക​ൾ ര​ഹ​സ്യ​മ​ല്ലെ​ന്ന്​ വി​വ​രാ​വ​കാ​ശ ക​മീ​ഷ​ൻ

ന്യൂ​ഡ​ൽ​ഹി: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ വി​ദേ​ശ​യാ​ത്ര ബി​ല്ലു​ക​ളു​മാ​യി ബ​ന്ധ​പ്പെ​ട്ട എ​ല്ലാ രേ​ഖ​ക​ളും എ​യ​ർ ഇ​ന്ത്യ വെ​ളി​പ്പെ​ടു​ത്ത​ണ​മെ​ന്ന്​ മു​ഖ്യ വി​വ​രാ​വ​കാ​ശ ക​മീ​ഷ​ൻ. പ​ണം ചെ​ല​വാ​ക്കി​യ​ത്​ സ​ർ​ക്കാ​ർ ഖ​ജ​നാ​വി​ൽ നി​ന്നാ​ണെ​ന്നി​രി​ക്കേ, പ​ല ന്യാ​യ​ങ്ങ​ൾ നി​ര​ത്തി ഉ​ത്ത​ര​വാ​ദി​ത്ത​ത്തി​ൽ​നി​ന്ന്​ ഒ​ഴി​ഞ്ഞു​മാ​റാ​ൻ എ​യ​ർ ഇ​ന്ത്യ​ക്ക്​ ക​ഴി​യി​ല്ലെ​ന്ന്​ ക​മീ​ഷ​ണ​ർ അ​മി​ത​വ ഭ​ട്ടാ​ചാ​ര്യ ഒാ​ർ​മി​പ്പി​ച്ചു.

വാ​ണി​ജ്യ​പ​ര​മാ​യ ര​ഹ​സ്യാ​ത്മ​ക​ത, പൊ​തു​മേ​ഖ​ല സ്​​ഥാ​പ​ന​ത്തി​​​െൻറ വി​ശ്വ​സ്​​ത​ത തു​ട​ങ്ങി എ​യ​ർ ഇ​ന്ത്യ​യു​ടെ വി​വ​രാ​വ​കാ​ശ ഒാ​ഫി​സ​ർ ഉ​ന്ന​യി​ച്ച ന്യാ​യ​വാ​ദ​ങ്ങ​ൾ വി​വ​രാ​വ​കാ​ശ ക​മീ​ഷ​ൻ ത​ള്ളി. പ്ര​ധാ​ന​മ​​ന്ത്രി​യു​ടെ യാ​ത്ര തീ​യ​തി, താ​മ​സി​ച്ച ദി​വ​സ​ങ്ങ​ൾ, സ​ന്ദ​ർ​ശി​ച്ച സ്​​ഥ​ല​ങ്ങ​ൾ എ​ന്നി​വ​യൊ​ക്കെ വെ​ളി​പ്പെ​ടു​ത്തു​ന്ന​തി​ൽ അ​പാ​ക​ത​യി​ല്ല. ഇ​തൊ​ക്കെ മാ​ധ്യ​മ​ങ്ങ​ളി​ലൂ​ടെ എ​ല്ലാ​വ​രു​മാ​യി പ​ങ്കു​വെ​ക്കു​ന്നു​ണ്ട്. ഒാ​രോ ഇ​ന​ത്തി​ലും ചെ​ല​വാ​യ തു​ക​യും ര​സീ​തി​യു​മൊ​ക്കെ പൊ​തു​ജ​ന​ങ്ങ​ളു​ടെ അ​റി​വി​ലേ​ക്ക്​ ന​ൽ​കേ​ണ്ട​തു ത​ന്നെ​യാ​ണ്. പൊ​തു​പ​ണ​മാ​ണ്​ പ്ര​ധാ​ന​മ​ന്ത്രി ഒൗ​ദ്യോ​ഗി​ക യാ​ത്ര​ക​ൾ​ക്ക്​ ചെ​ല​വാ​ക്കു​ന്ന​ത്.

എ​യ​ർ ഇ​ന്ത്യ​യു​ടെ പ്ര​ത്യേ​ക വി​മാ​ന​ത്തി​ലാ​ണ്​ പ്ര​ധാ​ന​മ​ന്ത്രി വി​ദേ​ശ​യാ​ത്ര ന​ട​ത്തു​ന്ന​ത്. 2016-17 കാ​ല​യ​ള​വി​ൽ ഇൗ​യി​ന​ത്തി​ൽ എ​യ​ർ ഇ​ന്ത്യ പ്ര​ധാ​ന​മ​ന്ത്രി​യു​ടെ ഒാ​ഫി​സി​ലേ​ക്ക്​ കൈ​മാ​റി​യ ബി​ല്ലു​ക​ളു​ടെ​യും മ​റ്റും വി​ശ​ദാം​ശ​ങ്ങ​ൾ തേ​ടി ലോ​കേ​ഷ്​ ബ​​ത്ര​യാ​ണ്​ വി​വ​രാ​വ​കാ​ശ നി​യ​മ​പ്ര​കാ​രം അ​പേ​ക്ഷ ന​ൽ​കി​യ​ത്. വി​വ​ര​ങ്ങ​ൾ ന​ൽ​കു​ന്ന​തി​ൽ​നി​ന്ന്​ കാ​ര​ണം കൂ​ടാ​തെ ഒ​ഴി​ഞ്ഞു​മാ​റു​ന്ന​ത്​ അം​ഗീ​ക​രി​ക്കാ​നാ​വി​ല്ലെ​ന്ന്​ ക​മീ​ഷ​ൻ വ്യ​ക്ത​മാ​ക്കി. പ്ര​ധാ​ന​മ​ന്ത്രി​യു​ടെ വി​ദേ​ശ​യാ​ത്ര സം​ബ​ന്ധി​ച്ച വി​വ​ര​ങ്ങ​ൾ പ​ങ്കു​വെ​ക്ക​രു​തെ​ന്ന്​ പ്ര​ധാ​ന​മ​ന്ത്രി​യു​ടെ ഒാ​ഫി​സ്​ നി​ർ​ദേ​ശി​ച്ചി​ട്ടു​ണ്ടെ​ന്ന്​ നേ​ര​ത്തെ മ​റ്റൊ​രു വി​വ​രാ​വ​കാ​ശ അ​പേ​ക്ഷ​ക്കു​ള്ള മ​റു​പ​ടി​യി​ൽ എ​യ​ർ ഇ​ന്ത്യ വി​ശ​ദീ​ക​രി​ച്ചി​രു​ന്നു. 2016 ഡി​സം​ബ​ർ 16ന്​ ​എ​യ​ർ ഇ​ന്ത്യ​ക്ക്​ പ്ര​ധാ​ന​മ​ന്ത്രി​യു​ടെ ഒാ​ഫി​സ്​ അ​യ​ച്ച ഇ-​മെ​യി​ലി​ലാ​ണ്​ ഇ​ക്കാ​ര്യം പ​റ​ഞ്ഞ​ത്. സു​ര​ക്ഷാ​പ​ര​മാ​യ പ്ര​ശ്​​ന​ങ്ങ​ളു​ണ്ടാ​കു​മെ​ന്നാ​യി​രു​ന്നു ന്യാ​യം.