അലഹാബാദിൽ റിട്ട. എസ്​.​െഎയെ മൂന്ന്​ പേർ മർദിച്ചു കൊന്നു VIDEO

ലക്​നോ: ഉത്തർ പ്രദേശിലെ അലഹാബാദിൽ വിരമിച്ച ​െപാലീസ്​ ഉദ്യോഗസ്​ഥനെ നടുവഴിയിൽ മൂന്നു പേർ ചേർന്ന്​ തല്ലിക്ക ൊന്നു. 70കാരനായ അബ്​ദുൽ സമദ്​ ഖാനാണ്​ കൊല്ലപ്പെട്ടത്​. റോഡിലുള്ളവർ നോക്കി നിന്നതല്ലാതെ അക്രമികളെ തടയാൻ ശ്രമിച്ചില്ല. തിങ്കളാഴ്​ച രാവി​െല നടന്ന സംഭവം സി.സി.ടി.വി ദൃശ്യങ്ങളിൽ പതിഞ്ഞിട്ടുണ്ട്​.

വിരമിച്ച സബ്​ ഇൻസ്​പെക്​ടറാണ്​ അബ്​ദുൽ സമദ്​ ഖാൻ. ഇയാൾ സൈക്കിളിൽ സഞ്ചരിക്കു​േമ്പാൾ ചുവന്ന ഷർട്ടിട്ട ഒരാൾ വടികൊണ്ട്​ മർദിക്കുന്നത്​ ദൃശ്യങ്ങളിൽ പതിഞ്ഞിട്ടുണ്ട്​. സൈക്കിളിൽ നിന്ന്​ വീണ ഖാൻ അടി തടയാൻ ശ്രമിക്കുന്നതും സമീപത്തെ വീടുകളിൽ നിന്നും ആളുകൾ എത്തിനോക്കുന്നതും ദൃശ്യങ്ങളിലുണ്ട്​​. വാഹനങ്ങൾ സംഭവ സ്​ഥലത്തുകൂടെ പതിയെ നീങ്ങുകയും ചിലത്​ തിരികെ പോവുകയും ചെയ്യുന്നു. പെ​െട്ടന്ന്​ രണ്ടു പേർകൂടി വന്ന്​ വടികൊണ്ട്​ അടിക്കുന്നു. അവശനായ ഖാന്​ അടി തടയാൻ പോലും സാധിച്ചിരുന്നില്ല. ഇയാൾ ചലനമറ്റ്​ വീണപ്പോഴാണ്​ അക്രമികൾ അടി നിർത്തി മടങ്ങിയത്​.

ഒരു കൈയുടെ ചലന ശേഷി പൂർണമായും നഷ്​ടപ്പെട്ട്​ ദേഹമാസകലം ചോര വാർന്ന അവസ്​ഥയിൽ പിന്നീട്​ ഖാനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ജുനൈദ്​ എന്നയാളാണ്​ സംഭവത്തിലെ മുഖ്യപ്രതിയെന്ന്​ സംശയിക്കുന്നു. ഇയാൾക്കെതിരെ പ്രാദേശിക സ്​റ്റേഷനിൽ 10 ക്രിമിനൽ കേസുകൾ നിലവിലുണ്ട്​. പൊലീസി​​​​​െൻറ പ്രാഥമികാന്വേഷണത്തിൽ സ്വത്ത്​ തർക്കമാണ്​ കൊലപാതകത്തിൽ കലാശിച്ചതെന്നാണ്​ നിഗമനം. പൊലീസ്​ അന്വേഷണം തുടുരുന്നു.