ജമ്മുവിലെ നിയന്ത്രണങ്ങൾ നീക്കും; കശ്​മീരിലേത്​ തുടരും -പൊലീസ്​

ശ്രീനഗർ: ആർട്ടിക്കിൾ 370 റദ്ദാക്കിയതിനെ തുടർന്ന്​ ജമ്മുവിൽ ഏർപ്പെടുത്തിയ നിയന്ത്രണങ്ങൾ പിൻവലിക്കുമെന്ന്​ പെ ാലീസ്​ അറിയിച്ചു. എന്നാൽ കശ്​മീരിലെ നിയന്ത്രണങ്ങൾ കുറച്ച്​ കാലത്തേക്ക്​ കൂടി തുടരും. നിലവിൽ ജമ്മുകശ്​മീരിലെ സ്ഥിതിഗതികൾ നിയന്ത്രണവിധേയമാണെന്ന്​ മുതിർന്ന പൊലീസ്​ ഉദ്യോഗസ്ഥൻ മുനീർ ഖാൻ അറിയിച്ചു​.

ആഗസ്​റ്റ്​ നാല്​ മുതലാണ്​ ജമുകശ്​മീരിൽ സൈന്യവും ​പൊലീസും കടുത്ത നിയന്ത്രണങ്ങൾ ഏർപ്പെടുത്തിയത്​. ആർട്ടിക്കിൾ 370 റദ്ദാക്കുന്നതിന്​ തലേ ദിവസം മുതലായിരുന്നു നിയന്ത്രണങ്ങൾ. ഏകദേശം, 50,000ത്തോളം സൈനികരേയാണ്​ കശ്​മീരിൽ വിന്യസിച്ചിരിക്കുന്നത്​.

ഒറ്റപ്പെട്ട പെല്ലറ്റാക്രമണങ്ങൾ മാത്രമാണ്​ കശ്​മീരിൽ റിപ്പോർട്ട്​ ചെയ്യുന്നത്​. സമാധാനപരമായി സ്വാത​ന്ത്ര്യദിനാഘോഷം നടത്തുന്നതിനുള്ള ശ്രമങ്ങളാണ്​ ഇപ്പോൾ നടത്തുന്നതെന്നും പൊലീസ്​ അറിയിച്ചു.