Top
Begin typing your search above and press return to search.
keyboard_arrow_down
Login
exit_to_app
exit_to_app
നിങ്ങളുടെ പ്രധാനമന്ത്രിയെ ബഹുമാനിക്കണം -തിരിച്ചടിച്ച്​ ഹാഷ്​ടാഗ്​
cancel
Homechevron_rightNewschevron_rightIndiachevron_rightനിങ്ങളുടെ...

'നിങ്ങളുടെ പ്രധാനമന്ത്രിയെ ബഹുമാനിക്കണം' -തിരിച്ചടിച്ച്​ ഹാഷ്​ടാഗ്​

text_fields
bookmark_border

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ എഴുപതാം പിറന്നാൾ ദിനത്തിൽ വ്യാഴാഴ്​ച സാമൂഹിക മാധ്യമങ്ങളിൽ നിറഞ്ഞുനിന്നത്​ 'ദേശീയ തൊഴിലില്ലായ്​മ ദിനാചരണം' ആയിരുന്നു. രാജ്യത്ത്​ വർധിച്ചുവരുന്ന തൊഴിലില്ലായ്​മയിൽ അസംതൃപ്​തി പൂണ്ട യുവജനങ്ങളാണ്​ കക്ഷിരാഷ്​ട്രീയ ഭേദമ​േന്യ പ്രതിഷേധവുമായി രംഗത്തിറങ്ങിയത്​.

മോദിയുടെ ജന്മദിനമായ സെപ്​റ്റംബർ 17 ദേശീയ തൊഴിലില്ലായ്​മ ദിനമായി ആചരിക്കുമെന്ന്​ നേരത്തേ യുവജനങ്ങൾ പ്രഖ്യാപിച്ചിരുന്നു. ഇതുപ്രകാരം 'നാഷനൽ അൺഎംപ്ലോയ്മെൻറ്​​ ഡേ' എന്ന ഹാഷ്​ടാഗുമായി ട്വിറ്ററിൽ യുവാക്കൾ അണിനിരന്നപ്പോൾ വളരെപ്പെ​ട്ടെന്നുതന്നെ ഇത്​ ട്രെൻഡിങ്ങായി. ലക്ഷക്കണക്കിനുപേർ ഹാഷ്​ടാഗ്​ ഏറ്റെടുത്തു. ട്വിറ്ററിൽ സമീപകാലത്തെ വൻ ഹിറ്റായി ഇത്​ മാറിയതോടെ ഇതിനെതിരെ 'നിങ്ങളുടെ പ്രധാനമന്ത്രിയെ ബഹുമാനിക്കണം' (RespectYourPM) എന്ന ഹാഷ്​ടാഗുമായി ചിലർ രംഗത്തുവന്നു. യുവജനങ്ങളുടെ കാമ്പയിനെ പ്രതിരോധിക്കുകയായിരുന്നു ഇതി​െൻറ ലക്ഷ്യം. ഈ തലക്കെട്ടിൽ ഒരു ദേശീയ ചാനൽ നടത്തിയ ചർച്ചയിൽനിന്നാണ്​ ഇത്തരമൊരു ഹാഷ്​ടാഗിൽ പ്രധാനമന്ത്രിക്ക്​ ആശംസകൾ നേർന്ന്​ ആരാധകർ രംഗത്തുവന്നത്​.



എന്നാൽ, ഇതും കൈവിട്ടുപോകുകയായിരുന്നു ഫലം. 'റെസ്​പക്​ട്​ യുവർ പി.എം' എന്ന ഹാഷ്​ടാഗിനു കീഴെ നിറഞ്ഞതിൽ അധികവും മോദിക്കെതിരായ കടുത്ത വിമർശനങ്ങളായിരുന്നു. പലരും മൻമോഹൻ സിങ്ങിനെ പ്രകീർത്തിക്കുന്ന ട്വീറ്റുകളാണ്​ ഇൗ ഹാഷ്​ടാഗിനു കീഴെ പോസ്​റ്റ്​ ചെയ്​തത്​. രാജ്യത്തി​െൻറ നിലവിലെ സാമ്പത്തിക സ്​ഥിതിയും തൊഴിലില്ലായ്​മയുടെ രൂക്ഷതയുമെ​ാക്കെ ​ട്വീറ്റുകളിൽ നിറഞ്ഞു. 'ബഹുമാനം നേടിയെടുക്കേണ്ടതാണ്,​ യാചിച്ചുവാങ്ങേണ്ടതല്ല', 'യുവത്വത്തി​െൻറ കരുത്തിനെ കുറച്ചുകാണരുത്​' എന്നിങ്ങനെ ചില ട്വീറ്റുകളിൽ കുറിച്ചു. സംഘ്​പരിവാർ അനുകൂലികൾ പ്രധാനമന്ത്രിക്ക്​ ജന്മദിനാശംസകളുമായി മേൽ​െക്കെ നേടാൻ നടത്തിയ ശ്രമങ്ങളെ വെല്ലുന്നതായിരുന്നു പ്രതിഷേധ ട്വീറ്റുകളുടെ എണ്ണം.



നരേന്ദ്രമോദി സർക്കാർ അധികാരമേറ്റ ശേഷം രാജ്യത്തെ തൊഴിലില്ലായ്​മ നിരക്ക്​ കുത്തനെ ഉയർന്നതും തൊഴിലില്ലാത്ത യുവജനങ്ങളുടെ ആത്​മഹത്യ വർധിച്ചതുമാണ്​ സാമൂഹിക മാധ്യമങ്ങളിൽ പ്രതിഷേധത്തിന്​ വഴിയൊരുക്കിയത്​. ദേശീയ തൊഴിലില്ലായ്​മ ദിനത്തെ പിന്തുണക്കുന്നു എന്ന വാചകങ്ങളോടെ നിരവധിപേർ കുറിപ്പുകൾ പങ്കുവെച്ചു. ദേശീയ തൊഴിലില്ലായ്​മ ദിനത്തോടനുബന്ധിച്ച്​ വരും ദിവസങ്ങളിൽ ദേശീയ പ്രക്ഷോഭവുമായി രംഗത്തിറങ്ങാൻ യുവജനങ്ങളെ ആഹ്വാനം ചെയ്​തും നിരവധി പേർ രംഗത്തെത്തി.




Show Full Article
TAGS:Narendra Modi RespectYourPM NationlUnemploymentDay twitter trending 
Next Story