Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightശർജീൽ ഇമാമി​െൻറ...

ശർജീൽ ഇമാമി​െൻറ ഹരജിയിൽ സുപ്രീം കോടതി ഡൽഹി സർക്കാറി​െൻറ പ്രതികരണം തേടി

text_fields
bookmark_border
Sharjeel-Imam
cancel

ന്യൂഡൽഹി: പൗരത്വ പ്രക്ഷോഭ പ്രസംഗത്തി​​െൻറ പേരിൽ ശർജീൽ ഇമാമിനെതിരെ ചുമത്തിയ കേസുകൾ ഒന്നായി പരിഗണിക്കണമെന്ന ഹരജിയിൽ സുപ്രീം കോടതി ഡൽഹി സർക്കാറി​​െൻറ അഭിപ്രായം തേടി. 10 ദിവസത്തിനകം മറുപടി നൽകാനാണ്​ ജസ്റ്റിസ് അശോക് ഭൂഷ​​െൻറ നേതൃത്വത്തിലുള്ള ബെഞ്ച്  സർക്കാറിനോട്​ ആവശ്യപ്പെട്ടത്​. 

തനിക്കെതിരെ വിവിധ സംസ്ഥാനങ്ങളിൽ രജിസ്റ്റർ ചെയ്ത അഞ്ച് രാജ്യദ്രോഹ കേസുകൾ ഒന്നായി പരിഗണിച്ച് ഒറ്റ ഏജൻസി അന്വേഷിക്കണമെന്നവശ്യപ്പെട്ടാണ്​​ ശർജീൽ  കോടതിയെ സമീപിച്ചത്​. എന്നാൽ, പ്രസംഗത്തി​​െൻറ പേരിൽ വിവിധ സംസ്​ഥാനങ്ങളിൽ കേസ്​ രജിസ്​റ്റർ ചെയ്​തതിൽ തെറ്റില്ലെന്ന്​ കോടതി പരാമർശിച്ചു. 

അതേസമയം, സമാന സ്വഭാവത്തിൽ മാധ്യമപ്രവർത്തകനായ അർണബ് ഗോസ്വാമി നൽകിയ അപേക്ഷ സുപ്രീം കോടതി അടിയന്തിരമായി കേട്ടത് എങ്ങനെയെന്ന് ശർജീലിന്​ വേണ്ടി ഹാജരായ മുതിർന്ന അഭിഭാഷകൻ സിദ്ധാർത്ഥ് ദേവ് ചോദിച്ചു. അർണബിനെതിരെ മറ്റു സംസ്​ഥാനങ്ങളിൽ രജിസ്​റ്റർ ചെയ്​ത എഫ്​.ഐ.ആറുകൾ മരവിപ്പിച്ച്​ നാഗ്പൂരിലെ കേസ്​ മാത്രം ​പരിഗണിച്ചാൽ മതിയെന്നായിരുന്നു കോടതിയുടെ ഉത്തരവ്​. വ്യക്തിസ്വാതന്ത്ര്യം പോലും അപകടത്തിലായ ത​​െൻറ കക്ഷിക്ക്​ സമാനമായ ആശ്വാസം നൽകാത്തത് എന്തുകൊണ്ടാണെന്ന് സിദ്ധാർത്ഥ് ദേവ്​ ചോദിച്ചു.

പൗരത്വ പ്രക്ഷോഭത്തിനിടെ ജാമിയ മില്ലിയ ഇസ്​ലാമിയ, അലിഗഡ് എന്നിവിടങ്ങളിൽ പ്രകോപനപരമായ പ്രസംഗം നടത്തിയെന്നാരോപിച്ച് ജനുവരി 28 ന് ബീഹാറിലെ ജഹനാബാദിൽ നിന്നാണ്​ ശർജീലിനെ ഡൽഹി പൊലീസ്​ ക്രൈംബ്രാഞ്ച് കസ്​റ്റഡിയിലെടുത്തത്​. ദില്ലി, ഉത്തർപ്രദേശ്, അസം, മണിപ്പൂർ, അരുണാചൽ പ്രദേശ് എന്നിവിടങ്ങളിൽ ഇദ്ദേഹത്തി​െനതിരെ എഫ്‌.ഐ.ആർ രജിസ്റ്റർ ചെയ്തതായി വീഡിയോ കോൺഫറൻസിലൂടെ നടത്തിയ വാദം കേൾക്കലിൽ അഭിഭാഷകൻ പറഞ്ഞു.​

ഡൽഹി ജവഹർലാൽ നെഹ്‌റു യൂണിവേഴ്‌സിറ്റിയിൽ പിഎച്ച്.ഡി വിദ്യാർത്ഥിയായ ശർജീലിനെതി​രെ യു.എ.പി.എയും രാജ്യദ്രോഹക്കുറ്റവും ഉൾപ്പെടെ ചുമത്തിയാണ്​ കേസെടുത്തത്​. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:JNUarnabNRCCitizenship Amendment ActSharjeel Imamsupreme court
News Summary - Respond to anti-CAA activist’s appeal, court tells Delhi govt.
Next Story