സ്വ​ത​ന്ത്ര​രാ​യി ജ​യി​ച്ച ശേ​ഷം രാ​ജി​വെ​ച്ച് ബി.​ജെ.​പി​യി​ൽ ചേ​ർ​ന്ന് വീ​ണ്ടും മ​ത്സ​ര​ത്തി​നി​റ​ങ്ങി​യ ര​ണ്ടു​പേർ തോറ്റു

ന്യൂ​ഡ​ൽ​ഹി: നി​യ​മ​​സ​ഭ തെ​ര​ഞ്ഞെ​ടു​പ്പി​ൽ സ്വ​ത​ന്ത്ര​രാ​യി ജ​യി​ച്ച ശേ​ഷം രാ​ജി​വെ​ച്ച് ബി.​ജെ.​പി​യി​ൽ ചേ​ർ​ന്ന് വീ​ണ്ടും മ​ത്സ​ര​ത്തി​നി​റ​ങ്ങി​യ ര​ണ്ടു​പേ​രാ​ണ് ഹി​മാ​ച​ലി​ൽ തോ​റ്റ​ത്. ഹോ​ഷി​യാ​ർ സി​ങ്ങും കെ.​എ​ൽ. ഠാ​കു​റു​മാ​ണ് കോ​ൺ​ഗ്ര​സ് സ്ഥാ​നാ​ർ​ഥി​ക​ളോ​ട് തോ​റ്റ​ത്. ഠാ​കു​റി​നെ പ​രാ​ജ​യ​പ്പെ​ടു​ത്തി​യ ഹ​ർ​ദീ​പ് സി​ങ് ബാ​വ അ​ഞ്ചു​ത​വ​ണ ഐ.​എ​ൻ.​ടി.​യു.​സി അ​ധ്യ​ക്ഷ​നാ​യി​രു​ന്നു. നി​യ​മ​സ​ഭ​യി​ൽ ഒ​രേ സ​മ​യം ദ​മ്പ​തി​ക​ൾ എ​ത്തു​ക എ​ന്ന അ​പൂ​ർ​വ​ത​ക്കും ഹി​മാ​ച​ലി​ലെ ഉ​പ​തെ​ര​ഞ്ഞെ​ടു​പ്പ് കാ​ര​ണ​മാ​യി.

മു​ഖ്യ​മ​ന്ത്രി​യു​ടെ ഭാ​ര്യ ക​മ​ലേ​ഷ് ഠാ​കു​ർ സ​ഭാം​ഗ​മാ​കു​ന്ന​തോ​ടെ​യാ​ണി​ത്. ആ​ശി​ഷ് ശ​ർ​മ​യു​ടെ വി​ജ​യം ബി.​ജെ.​പി​ക്ക് ആ​ശ്വാ​സ​മാ​യി. ആ​ശി​ഷും ആ​ദ്യ ഇ​ന്നി​ങ്സി​ൽ സ്വ​ത​ന്ത്ര​നാ​യി​രു​ന്നു. പി​ന്നീ​ട് ബി.​ജെ.​പി​യി​ൽ എ​ത്തി​യ​താ​ണ്.

ഉ​പ​തെ​ര​ഞ്ഞെ​ടു​പ്പ് ഫ​ലം രാ​ജ്യ​ത്തെ രാ​ഷ്ട്രീ​യ കാ​ലാ​വ​സ്ഥ​യി​ലെ മാ​റ്റ​മാ​ണ് സൂ​ചി​പ്പി​ക്കു​ന്ന​തെ​ന്ന് കോ​ൺ​ഗ്ര​സ് അ​ഭി​പ്രാ​യ​പ്പെ​ട്ടു. ജ​ന​വി​ധി മോ​ദി സ​ർ​ക്കാ​റി​ന്റെ മു​ഖ​ത്തേ​റ്റ ക​ന​ത്ത പ്ര​ഹ​ര​മെ​ന്ന്​ എ.​ഐ.​സി.​സി ജ​ന​റ​ല്‍ സെ​ക്ര​ട്ട​റി കെ.​സി. വേ​ണു​ഗോ​പാ​ൽ എം.​പി പറഞ്ഞു. ഉ​ത്ത​രേ​ന്ത്യ​യി​ൽ കോ​ൺ​ഗ്ര​സി​ന്റെ ശ​ക്ത​മാ​യ തി​രി​ച്ചു​വ​ര​വാ​ണി​ത്. കാ​ലു​മാ​റ്റ​ക്കാ​രെ തെ​ര​ഞ്ഞു​പി​ടി​ച്ച് ജ​നം തോ​ൽ​പി​ക്കും. ഏ​തു​വി​ധേ​ന​യും അ​ധി​കാ​ര​ത്തി​ൽ തു​ട​രു​ക​യെ​ന്നാ​ണ്​ ബി.​ജെ.​പി​യു​ടെ ന​യ​മെ​ന്നും കെ.​സി പ​റ​ഞ്ഞു.

ഉ​ത്ത​രാ​ഖ​ണ്ഡി​ലെ ര​ണ്ട് സീ​റ്റും കോ​ൺ​ഗ്ര​സ് പി​ടി​ച്ച​ത് ഭ​ര​ണ​ക​ക്ഷി​യാ​യ ബി.​ജെ.​പി​ക്ക് തി​രി​ച്ച​ടി​യാ​ണ്.