സംവരണം ട്രെയിൻ കമ്പാർട്ട്മെന്‍റ് പോലെ; കയറിപ്പറ്റിയവർ മറ്റുള്ളവ​​രെ കയറ്റുന്നില്ല -സുപ്രീം കോടതി

ന്യൂ​ഡ​ൽ​ഹി: രാ​ജ്യ​ത്ത് ജാ​തി അ​ടി​സ്ഥാ​ന​മാ​ക്കി​യു​ള്ള സം​വ​ര​ണം ട്രെ​യി​ൻ ക​മ്പാ​ർ​ട്ടു​മെ​ന്റ് പോ​ലെ​യാ​യി മാ​റി​യി​രി​ക്കു​ന്നു​വെ​ന്ന് സു​പ്രീം​കോ​ട​തി. ട്രെ​യി​ൻ ക​മ്പാ​ർ​ട്ടു​മെ​ന്റി​ൽ ക​യ​റു​ന്ന ആ​ളു​ക​ൾ മ​റ്റു​ള്ള​വ​രെ അ​ക​ത്തേ​ക്ക് ക​യ​റ്റാ​ൻ ആ​ഗ്ര​ഹി​ക്കു​ന്നി​ല്ലെ​ന്നും മ​ഹാ​രാ​ഷ്ട്ര ത​ദ്ദേ​ശ സ്വ​യം​ഭ​ര​ണ സ്ഥാ​പ​ന തെ​ര​ഞ്ഞെ​ടു​പ്പു​ക​ളി​ൽ ഒ.​ബി.​സി സം​വ​ര​ണ​വു​മാ​യി ബ​ന്ധ​പ്പെ​ട്ട കേ​സ് പ​രി​ഗ​ണി​ക്കു​ന്ന​തി​നി​ടെ ജ​സ്റ്റി​സ് സൂ​ര്യ​കാ​ന്ത് നി​രീ​ക്ഷി​ച്ചു.

രാ​ഷ്ട്രീ​യ​മാ​യും സാ​മ്പ​ത്തി​ക​മാ​യും സാ​മൂ​ഹി​ക​മാ​യും പി​ന്നാ​ക്കം നി​ൽ​ക്കു​ന്ന ആ​ളു​ക​ൾ സ​മൂ​ഹ​ത്തി​ലു​ണ്ട്. അ​വ​ർ​ക്ക് എ​ന്തു​കൊ​ണ്ട് സം​വ​ര​ണ​ത്തി​ന്റെ ആ​നു​കൂ​ല്യം ല​ഭി​ക്കു​ന്നി​ല്ല. കു​റ​ച്ച് വി​ഭാ​ഗ​ങ്ങ​ൾ​ക്കും കു​ടും​ബാം​ഗ​ങ്ങ​ൾ​ക്കും മാ​ത്ര​മാ​ണ് ആ​നു​കൂ​ല്യം ല​ഭി​ക്കു​ന്ന​ത്. സം​വ​ര​ണ​ത്തി​ന്റെ ആ​നു​കൂ​ല്യ​ങ്ങ​ൾ ന​ഷ്ട​പ്പെ​ടു​ന്നി​ല്ലെ​ന്ന് ഉ​റ​പ്പാ​ക്കാ​ൻ സം​സ്ഥാ​ന​ങ്ങ​ൾ കൂ​ടു​ത​ൽ വി​ഭാ​​ഗ​ങ്ങ​ളെ തി​രി​ച്ച​റി​യാ​ൻ ബാ​ധ്യ​സ്ഥ​രാ​ണെ​ന്നും നി​രീ​ക്ഷി​ച്ചു.

മ​ഹാ​രാ​ഷ്ട്ര​യി​ലെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള ഒ.​ബി.​സി ക്വോ​ട്ട സം​ബ​ന്ധി​ച്ച നി​യ​മ​യു​ദ്ധം ന​ട​ക്കു​ന്ന​തി​നാ​ൽ തെ​ര​ഞ്ഞെ​ടു​പ്പ് അ​ന​ന്ത​മാ​യി നീ​ണ്ടു​പോ​കു​ക​യാ​ണ്. 2016-17 വ​ർ​ഷ​ത്തി​ലാ​ണ് അ​വ​സാ​ന​മാ​യി തെ​ര​ഞ്ഞെ​ടു​പ്പ് ന​ട​ന്ന​ത്. ഒ.​ബി.​സി വി​ഭാ​​ഗ​ത്തി​ന് 27 ശ​ത​മാ​നം സം​വ​ര​ണം ഉ​റ​പ്പാ​ക്കി മ​ഹാ​രാ​ഷ്ട്ര സ​ർ​ക്കാ​ർ പു​റ​പ്പെ​ടു​വി​ച്ച ഓ​ർ​ഡി​ന​ൻ​സ് 2021ൽ ​സു​പ്രീം കോ​ട​തി റ​ദ്ദാ​ക്കി​യി​രു​ന്നു.

ഇ​തേ​ത്തു​ട​ർ​ന്ന് വി​ഷ​യം പ​ഠി​ക്കാ​ൻ നി​യോ​​ഗി​ക്ക​പ്പെ​ട്ട ജെ.​കെ. ​ബാ​ന്തി​യ ക​മീ​ഷ​ൻ സ​മ​ർ​പ്പി​ച്ച റി​പ്പോ​ർ​ട്ടും അ​തി​ലെ ശി​പാ​ർ​ശ​ക​ളും നീ​ണ്ട നി​യ​മ​യു​ദ്ധ​ത്തി​ലേ​ക്ക് ന​യി​ച്ച​തു​മൂ​ല​മാ​ണ് 2022ൽ ​ന​ട​ക്കേ​ണ്ട പ്രാ​ദേ​ശി​ക തെ​ര​ഞ്ഞെ​ടു​പ്പ് അ​നി​ശ്ചി​ത​കാ​ല​ത്തേ​ക്ക് നീ​ളാ​നും കാ​ര​ണ​മാ​യ​ത്. ഒ.​ബി.​സി സം​വ​ര​ണ വി​ഷ​യം മൂ​ലം കേ​സു​ക​ൾ ഇ​നി​യും നീ​ട്ടി​ക്കൊ​ണ്ടു​പോ​കാ​ൻ ക​ഴി​യി​ല്ലെ​ന്നു വ്യ​ക്ത​മാ​ക്കി​യ കോ​ട​തി നാ​ലാ​ഴ്ച​ക്ക​കം തെ​ര​ഞ്ഞെ​ടു​പ്പ് വി​ജ്ഞാ​പ​നം പു​റ​ത്തി​റ​ക്കാ​ൻ തെ​ര​ഞ്ഞെ​ടു​പ്പ് ക​മീ​ഷ​നോ​ട് നി​ർ​ദേ​ശി​ച്ചു.