Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightറീച്ചാർജ്​ ചെയ്യാവുന്ന ...

റീച്ചാർജ്​ ചെയ്യാവുന്ന എൻ95 മാസ്​ക്​ വികസിപ്പിച്ച്​ ഇന്തോ-ഇസ്രയേൽ ഗവേഷകർ

text_fields
bookmark_border
റീച്ചാർജ്​ ചെയ്യാവുന്ന എൻ95 മാസ്​ക്​ വികസിപ്പിച്ച്​ ഇന്തോ-ഇസ്രയേൽ ഗവേഷകർ
cancel

കോവിഡ്​ മഹാമാരിക്ക്​ പിന്നാലെ ലോകത്ത്​ ഏറ്റവും കൂടുതൽ ആവശ്യമേറുന്നത്​ ഫേസ്​ മാസ്​ക്കുകൾക്കാണ്​. പലതരം മാസ്​ക്കുകൾ ഇപ്പോൾ ലഭ്യമാണെങ്കിലും ആരോഗ്യപ്രവർത്തകരും പൊലീസുകാരുമടക്കം മുൻനിരയിൽ നിന്ന്​ പ്രവർത്തിക്കുന്നവർക്ക്​ മികച്ച സുരക്ഷയേകുന്നത്​ എൻ95 എന്ന മാസ്​ക്കുകളാണ്​. ഒരു ഘട്ടത്തിൽ ലോകമെമ്പാടും ഇത്തരം മാസ്​ക്കുകൾക്ക്​ വലിയ കുറവ്​ നേരിട്ടിരുന്നു.

എൻ95 മാസ്​ക്കുകളുടെ ലഭ്യതക്കുറവ്​ പരിഹരിക്കാൻ ഇന്ത്യയിലെയും ഇസ്രയേലിലെയും രണ്ട്​ ഗവേഷകർ പുതിയൊരു ആശയവുമായി എത്തിയിരിക്കുകയാണ്​. റീച്ചാർജ്​ ചെയ്യാവുന്ന പുതിയ എൻ95 മാസ്​ക്കാണ്​ ഗവേഷകർ വികസിപ്പിച്ചിരിക്കുന്നത്​. ചാർജ്​ ചെയ്യുന്നതോടെ അതി​െൻറ ഫലപ്രാപ്​തി വീണ്ടെടുക്കുന്ന മാസ്​ക്​ പുനരുപയോഗിക്കാം. ഇസ്രയേലിലെ ടെക്​നിയൻ ​െഎ.​െഎ.ടിയിലെയും ഇന്ത്യയിലെ ടാറ്റാ ഇൻസ്റ്റിറ്റ്യൂട്ട്​ ഒാഫ്​ ഫണ്ടമെൻറൽ റിസേർച്ചിലെയും ഗവേഷകരായ ഡോവ്​ ലെവിൻ, ശങ്കർ ഘോഷ്​ എന്നിവരാണ്​​ റീചാർജ്​ ചെയ്​ത്​ വീണ്ടും ഉപയോഗിക്കാവുന്ന മാസ്​ക് വ്യാപകമായി​ വിതരണം ചെയ്യാൻ തയാറെടുക്കുന്നത്​.

സാധാരണ മാസ്​ക്കുകളെ അപേക്ഷിച്ച്​ മൈക്രോസ്​കോപ്പിക്​ ഫൈബറുകളുടെയും ഇലക്​ട്രോസ്റ്റാറ്റിക്​ ഫിൽട്ടറിങ്ങി​െൻറയും മെട്രിക്​സ്​ ഉപയോഗിച്ച്​ വായുവിലുള്ള വളരെ ചെറിയ കണങ്ങളെ പോലും പിടികൂടി സംരക്ഷണമേകുന്ന എൻ95 മാസ്​ക്കുകൾ ഒരു ഘട്ടം കഴിഞ്ഞാൽ ഉപയോഗശൂന്യമാകും. ഏറെ വില നൽകേണ്ടി വരുന്ന ഇത്തരം മാസ്​ക്കുകൾ പുതിയ ടെക്​നോളജി ഉപയോഗിച്ച്​ വീണ്ടും ഉപയോഗ യോഗ്യമാക്കുകയാണ്​ ഗവേഷകർ.


Latest Video:

:
Show Full Article
TAGS:N95 mask N95 Face Mask 
Next Story