ബംഗളൂരു ​െഎ.​െഎ.എസ്​.സിയിൽ പൊട്ടിത്തെറി; ഗവേഷകൻ കൊല്ലപ്പെട്ടു

ബംഗളൂരു: നഗരത്തിലെ ഇന്ത്യൻ ഇൻസ്​റ്റിറ്റ്യൂട്ട് ഒാഫ്​​ സയൻസിലുണ്ടായ പൊട്ടിത്തെറിയിൽ ഗവേഷകൻ കൊല്ലപ്പെട്ടു. മൂന്ന്​ പേർക്ക്​ പരിക്കേറ്റു. 32കാരനായ മനോജ്​ കുമാറാണ്​ കൊല്ലപ്പെട്ടത്​​. അതുല്യ ഉദയ്​ കുമാർ, നരേഷ്​ കുമാർ, കാർത്തി ഷേണായ്​ എന്നിവർക്കാണ്​ പരിക്കേറ്റത്​. ഉച്ചക്ക്​ 2.20ഒാടെയാണ്​ സംഭവമുണ്ടായത്​. ഹൈഡ്രജൻ സിലിണ്ടർ പൊട്ടിത്തെറിച്ചതാണെന്നാണ്​ പ്രാഥമിക നിഗമനം.

ഉച്ചക്ക്​ 2.20ന്​ വലിയ സ്​ഫോടനമുണ്ടായെന്ന്​ ഇതി​​​​െൻറ ആഘാതത്തിൽ 20 അടി ദുരേക്ക്​ തെറിച്ച്​ വീണ മനോജ്​ കുമാർ തൽക്ഷണം മരിച്ചുവെന്നും ​െഎ.എ.സി അറിയിച്ചു. പരിക്കേറ്റ്​ മൂന്ന്​ പേരെ ആശുപത്രിൽ പ്രവേശിപ്പിച്ചിട്ടുണ്ടെന്നും സ്ഥാപനത്തി​​​​െൻറ സുരക്ഷാ ചുമതല തലവൻ എം.ആർ ചന്ദ്രശേഖർ വ്യക്​തമാക്കി. സംഭവത്തെ കുറിച്ച്​ വിശദമായ അന്വേഷണം നടത്തുമെന്ന്​ ഫോറൻസിക്​ അധികൃതർ അറിയിച്ചു.