Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightതനിക്കും ഭാര്യക്കും...

തനിക്കും ഭാര്യക്കും നേരെ അക്രമം; പിന്നിൽ സോണിയയെന്ന്​ അർണബ്​

text_fields
bookmark_border
തനിക്കും ഭാര്യക്കും നേരെ അക്രമം; പിന്നിൽ സോണിയയെന്ന്​ അർണബ്​
cancel

ന്യൂഡൽഹി: തനിക്കും ഭാര്യ സമ്യപ്രദ റായിക്കും നേരെ ആക്രമണം നടന്നതായി റിപ്പബ്ലിക്​ ടി.വി എഡിറ്റർ ഇൻചീഫ്​ അർണബ് ​ ഗോസ്വാമി. ചാനലിൽ നിന്ന്​ ജോലി കഴിഞ്ഞ് കാറിൽ​ വീട്ടിലേക്ക്​ പോകും വഴി ബുധനാഴ്​ച അർധരാത്രി 12.15ഓടെയായിരുന്നു ആക്രമണം നടന്നതെന്ന്​ കാട്ടി അർണബ്​ ഗോസ്വാമി മുംബൈ എൻ.എം ജോഷി മാർഗ്​ പൊലീസ്​ സ്​റ്റേഷനിൽ പരാതി നൽകി. സംഭവത് തിൽ രണ്ട്​ പേരെ പൊലീസ്​ അറസ്​റ്റ്​ ചെയ്​തിട്ടുണ്ട്​.

കാർ ഗണപത്​ റാവു കദം മാർഗിൽ എത്തിയപ്പോൾ ബൈക്കിൽ വന്ന രണ്ട്​ പേർ കാർ തടയുകയും അശ്ലീല ആംഗ്യങ്ങളോടെ അസഭ്യ വർഷം ചൊരിഞ്ഞ്​ കാറിന്​ ശക്തിയായി ഇടിച്ചതായും അക്രമികളിലൊരാൾ പോക്കറ്റിൽസൂക്ഷിച്ച ദ്രാവകം കാറിലൊഴിച്ചതായും പരാതിയിൽ പറയുന്നു. അക്രമികളിൽ നിന്ന് രക്ഷ​പ്പെട്ട്​ ഏകദേശം 50 മീറ്റർ മുന്നോട്ട്​ നീങ്ങിയ​തിനു ശേഷം പിന്നിലേക്ക്​ നോക്കിയപ്പോൾ ​അക്രമികൾ മുംബൈ പൊലീസിൻെറ പിടിയിലാവുന്നത്​ കണ്ടു.

അഞ്ച്​ മിനുട്ടിനുള്ളിൽ തന്നെ പൊലീസ്​ തനിക്കരികിലെത്തിയെന്നും അക്രമികൾ കോൺഗ്രസ്​ നേതൃത്വത്തിൽ നിന്നയച്ച യൂത്ത്​ കോൺഗ്രസ്​ പ്രവർത്തകരാണെന്ന്​ അറിയാൻ സാധിച്ചുവെന്നും പരാതിയിൽ പറയുന്നു.

ആക്രമണം നടന്ന്​ രണ്ടേമുക്കാൽ മണിക്കൂറിനുള്ളിൽ ‘യുവ കോൺഗ്രസ്​ സിന്ദാബാദ്​’ എന്ന്​ കോൺഗ്രസ്​ നേതാവ്​ അൽക ലാംബ അവരുടെ ഔദ്യോഗിക ട്വിറ്റർ ഹാൻഡിലിൽ നിന്ന്​ ട്വീറ്റിട്ടിട്ടുണ്ട്​. കോൺഗ്രസ്​ അധ്യക്ഷ സോണിയ ഗാന്ധിയും അവരുമായി അടുപ്പമുള്ള കോൺഗ്രസ്​ നേതാക്കളുമാണ്​ ആക്രമണം ആസൂത്രണം ചെയ്​തതിന്​ പിന്നിലെന്ന തൻെറ വിശ്വാസം ഊട്ടിയുറപ്പിക്കുന്നതാണ്​ അക്രമത്തിലുള്ള അൽക ലാംബയുടെ ആഘോഷമെന്നും അർണബ്​ ഗോസ്വാമി പാരാതിയിൽ ആരോപിച്ചു.

പൽഘറിൽ ഹിന്ദു സന്യാസിമാർക്കെതിരെ നടന്ന ആ​ക്രമണത്തതിലു​ൾപ്പെടെ പല സംഭവത്തിലും സോണിയ ഗാന്ധി മൗനം പാലിക്കുന്നതിനെ​ താൻ ചോദ്യം ചെയ്​തതാണ്​ അ​ക്രമത്തിന്​ കാരണമെന്നും അദ്ദേഹം ആരോപിക്കുന്നു.

Show Full Article
TAGS:republic tv arnab goswami sonia gandhi india news malayalam news 
News Summary - Republic TV editor-in-chief Arnab Goswami and his wife were attacked -india news
Next Story