റിപ്പബ്ലിക്​ ദിനത്തിലെ കിസാൻ പരേഡ്​: കൂടുതൽ നിയന്ത്രണങ്ങളുമായി ഡൽഹി പൊലീസ്​

ന്യൂഡൽഹി: റിപ്പബ്ലിക്​ ദിനത്തിലെ കിസാൻ പരേഡിന്​ കർഷകർ നടത്തുന്ന വിപുലമായ ഒരുക്കത്തിനിടയിൽ കൂടുതൽ നിയന്ത്രണങ്ങളുമായി ഡൽഹി പൊലീസ്​. കർഷകരുടെ ആവശ്യത്തോടുള്ള ആദരവ്​ പരിഗണിച്ചാണ്​​ ഡൽഹിയിൽ ട്രാക്ടറുകളുമായി പ്രവേശിക്കാൻ അനുമതി നൽകിയതെന്നും എന്നാൽ അത് ഔദ്യോഗിക​ റിപ്പബ്ലിക്​ ദിന പരേഡിനെ ബാധിക്കരുതെന്നും പൊലീസ്​ വ്യക്​തമാക്കി.

സമരം ചെയ്യുന്ന കർഷകർക്ക്​ ഡൽഹിയിൽ പ്രവേശിക്കാമെങ്കിലും റിപ്പബ്ലിക്​ പരേഡിന്​ പ്രയാസമാകാൻ അനുവദിക്കില്ല. രാവിലെ രാഷ്​ട്രപതി ഭവനിൽ നിന്ന്​ തുടങ്ങുന്ന റിപ്പബ്ലിക്​ പരേഡ്​ രാജ്​പഥിലൂടെ ഉച്ചയോടെ ചെ​ങ്കോട്ടയിൽ എത്തിയ ശേഷം മാത്രമേ അതിർത്തിയിൽ നിന്ന്​ കർഷകരുടെ കിസാൻ പരേഡ്​ തുടങ്ങാൻ അനുവദിക്കൂ. ഡൽഹിക്കുള്ളിൽഏതാനും കിലോമീറ്റർ പ്രവേശിച്ച്​ അവർക്ക്​ നിശ്ചയിച്ചുകൊടുത്ത സ്​ഥാനങ്ങളിലേക്ക്​ തന്നെ മടങ്ങണമെന്ന ഉപാധിയും പൊലീസ്​ വെച്ചു.

ഇത്തവണ പരേഡിന്​ വിശിഷ്​ടാതിഥി ഇല്ല. ഔദ്യോഗിക പരേഡി​െൻറ വാർത്താകവറേജ്​ കിസാൻ പരേഡിൽ നഷ്​ടപ്പെടാതിരിക്കാനാണ്​ ഡൽഹി പൊലീസി​െൻറ മുൻകരുതൽ. റിപ്പബ്ലിക്​ പരേഡിനെ പോലെ കിസാൻ പരേഡിനും കർശന സു​രക്ഷ ഏർപ്പെടുത്തുമെന്നും പൊലീസ്​ അറിയിച്ചിട്ടുണ്ട്​. റിപ്പബ്ലിക്​ പരേഡി​െൻറ സുരക്ഷാ ചുമതലയിലുള്ളവർ അത്​ കഴിഞ്ഞാൽ കിസാൻ പരേഡിന്​ ഒരു​ങ്ങി നിൽക്കണമെന്ന്​ പൊലീസുകാർക്ക്​ നിർ​േദശം നൽകിയിട്ടുണ്ട്​.

റാലി മുടക്കാൻ നടത്തിയ എല്ലാ പരിശ്രമങ്ങളും പരാജയപ്പെട്ടതോടെയാണ്​ സർക്കാറിന്​ കർഷകർക്ക്​ മുമ്പാകെ വഴങ്ങേണ്ടി വന്നത്​. റിപ്പബ്ലിക്​ ദിനത്തിൽ നടത്തുന്ന ഈ പരിപാടി ലോകരാഷ്​ട്രങ്ങൾക്ക്​ മുന്നിൽ രാജ്യത്തി​െൻറ അന്തസിടിക്കുമെന്ന്​ സർക്കാർ സുപ്രീംകോടതിയോട്​ പറയുകയും ചെയ്​തു. എന്നാൽ കിസാൻ പരേഡ്​ ക്രമസമാധാന പ്രശ്​നമാണെന്നും ഡൽഹി പൊലീസിന്​ വേണ്ടത്​ ചെയ്യാമെന്നും പറഞ്ഞ്​ തീരുമാനം കേന്ദ്ര ആഭ്യന്തര മന്ത്രാലയത്തിന്​ വിടുകയാണ്​ സുപ്രീംകോടതി ചെയ്​തത്​.