അദാനിക്കെതിരായ റിപ്പോർട്ടുകൾ: ഫിനാൻഷ്യൽ ടൈംസിന് താൽക്കാലിക​ സംരക്ഷണം

ന്യൂ​ഡ​ൽ​ഹി: അ​ദാ​നി ഗ്രൂ​പ്പി​നെ​തി​​രെ ലേ​ഖ​ന​മെ​ഴു​തി​യ​തി​ന്റെ പേ​രി​ൽ ഗു​ജ​റാ​ത്ത് പൊ​ലീ​സി​ന്റെ അ​റ​സ്റ്റി​ൽ​നി​ന്ന് ഫി​നാ​ന്‍ഷ്യ​ല്‍ ടൈം​സ് മാ​ധ്യ​മ​പ്ര​വ​ര്‍ത്ത​ക​രാ​യ ബെ​ഞ്ച​മി​ന്‍ നി​ക്കോ​ളാ​സ് ബ്രൂ​ക് പാ​ര്‍ക്കി​ന്‍, കോ​ള്‍ നി​ന കോ​ര്‍ണി​ഷ് എ​ന്നി​വ​ർ​ക്ക് താ​ൽ​ക്കാ​ലി​ക സം​ര​ക്ഷ​ണം ന​ൽ​കി സു​പ്രീം​കോ​ട​തി. ചോ​ദ്യം ചെ​യ്യ​ലി​ന് ഹാ​ജ​രാ​ക​ണ​മെ​ന്ന് കാ​ണി​ച്ച് ഇ​വ​ര്‍ക്ക് ഗു​ജ​റാ​ത്ത് പൊ​ലീ​സ് സ​മ​ന്‍സ് അ​യ​ച്ചി​രു​ന്നു.

ഡി​സം​ബ​ര്‍ ഒ​ന്നി​ന് ഹ​ര​ജി വീ​ണ്ടും പ​രി​ഗ​ണി​ക്കു​ന്ന​തു​വ​രെ ന​ട​പ​ടി​ക​ള്‍ ഉ​ണ്ടാ​വ​രു​തെ​ന്ന് വ്യ​ക്ത​മാ​ക്കി ഗു​ജ​റാ​ത്ത് പൊ​ലീ​സി​ന് ജ​സ്റ്റി​സു​മാ​രാ​യ ബി.​ആ​ര്‍ ഗ​വാ​യ്, പ്ര​ശാ​ന്ത് കു​മാ​ര്‍ മി​ശ്ര എ​ന്നി​വ​ര​ട​ങ്ങി​യ ബെ​ഞ്ച് നോ​ട്ടീ​സ് അ​യ​ച്ചു. ഹ​ര​ജി​ക്കാ​ര്‍ അ​ന്വേ​ഷ​ണ​ത്തോ​ട് സ​ഹ​ക​രി​ക്ക​ണ​മെ​ന്ന് കോ​ട​തി ആ​വ​ശ്യ​പ്പെ​ട്ടു. ​ഹൈ​കോ​ട​തി​യെ സ​മീ​പി​ക്കാ​തെ ഇ​രു​വ​രും സു​പ്രീം​കോ​ട​തി​യെ​ നേ​രി​ട്ട് സ​മീ​പി​ച്ച​തി​ൽ ബെ​ഞ്ച് നീ​ര​സം പ്ര​ക​ടി​പ്പി​ച്ചു.

അ​ദാ​നി​ക്കെ​തി​രെ ലേ​ഖ​ന​മെ​ഴു​തി​യ​തി​ന്റെ പേ​രി​ൽ ഗു​ജ​റാ​ത്ത് പൊ​ലീ​സി​ന്റെ അ​റ​സ്റ്റി​ൽ​നി​ന്ന് മാ​ധ്യ​മ​പ്ര​വ​ര്‍ത്ത​ക​രാ​യ ര​വി നാ​യ​ര്‍ക്കും ആ​ന​ന്ദ് മ​ഗ്നാ​ലെ​ക്കും കോ​ട​തി നേ​ര​ത്തെ സം​ര​ക്ഷ​ണം ന​ൽ​കി​യി​രു​ന്നു. ‘സീ​ക്ര​ട്ട് പേ​പ്പ​ര്‍ ട്ര​യ​ല്‍ റി​വീ​ല്‍സ് ഹി​ഡ​ന്‍ അ​ദാ​നി ഇ​ന്‍വ​സ്റ്റേ​ഴ്‌​സ്’ എ​ന്ന പേ​രി​ൽ ഓ​ഹ​രി കൃ​ത്രി​മ​വു​മാ​യി ബ​ന്ധ​പ്പെ​ട്ട ലേ​ഖ​നം എ​ഴു​തി​യ​തി​നാ​യി​രു​ന്നു ഇ​രു​വ​രും ഭീ​ഷ​ണി നേ​രി​ടു​ന്ന​ത്.