അശോക് ചവാൻ കോൺഗ്രസ് വിട്ടു; ബി.ജെ.പിയിൽ ചേർന്നേക്കും

മും​ബൈ: മു​തി​ർ​ന്ന​ നേ​താ​വും മു​ൻ മ​ഹാ​രാ​ഷ്ട്ര മു​ഖ്യ​മ​ന്ത്രി​യു​മാ​യ അ​ശോ​ക്​ ച​വാ​ൻ കോ​ൺ​ഗ്ര​സ്​ വി​ട്ടു. എം.​എ​ൽ.​എ സ്ഥാ​ന​വും രാ​ജി​വെ​ച്ചു. ബി.​ജെ.​പി​യി​ൽ ചേ​രു​മെ​ന്നാ​ണ്​ സൂ​ച​ന. എ​ന്നാ​ൽ, ബി.​ജെ.​പി​യി​ലേ​ക്ക്​ പോ​കു​ന്ന കാ​ര്യം തീ​രു​മാ​നി​ച്ചി​ട്ടി​ല്ലെ​ന്നും ര​ണ്ടു​ ദി​വ​സ​ത്തി​ന​കം പു​തി​യ ദി​ശ വ്യ​ക്ത​മാ​കു​മെ​ന്നും അ​ദ്ദേ​ഹം പ​റ​ഞ്ഞു.

27 ന്​ ​ന​ട​ക്കു​ന്ന രാ​ജ്യ​സ​ഭ തെ​ര​ഞ്ഞെ​ടു​പ്പി​ൽ ച​വാ​ൻ ബി.​ജെ.​പി സ്ഥാ​നാ​ർ​ഥി​യാ​കു​മെ​ന്നും സൂ​ച​ന​യു​ണ്ട്. 2022ൽ ​ഏ​ക്​​നാ​ഥ്​ ഷി​ൻ​ഡെ വി​ശ്വാ​സ വോ​ട്ട്​ തേ​ടി​യ​പ്പോ​ൾ നി​യ​മ​സ​ഭ​യി​ൽ ‘താ​മ​സി​ച്ചെ​ത്തി​യ’ ച​വാ​ന്​ വോ​ട്ട്​​ചെ​യ്യാ​നാ​യി​രു​ന്നി​ല്ല. അ​ന്നു തൊ​ട്ട്​ അ​ദ്ദേ​ഹം സം​ശ​യ​നി​ഴ​ലി​ലാ​യി​രു​ന്നു.

തി​ങ്ക​ളാ​ഴ്ച രാ​വി​ലെ മ​ഹാ​രാ​ഷ്ട്ര കോ​ൺ​ഗ്ര​സ് അ​ധ്യ​ക്ഷ​ൻ നാ​ന​പ​ടോ​ലെ​ക്കാ​ണ്​ ച​വാ​ൻ​ രാ​ജി​ക്ക​ത്ത് ന​ൽ​കി​യ​ത്. ഒ​രു മാ​സ​ത്തി​നി​ടെ കോ​ൺ​ഗ്ര​സ് വി​ടു​ന്ന മൂ​ന്നാ​മ​ത്തെ നേ​താ​വാ​ണ്​ ച​വാ​ൻ. ലോ​ക്​​സ​ഭ തെ​ര​ഞ്ഞെ​ടു​പ്പി​ന്​ മാ​സ​ങ്ങ​ൾ ബാ​ക്കി​യി​രി​ക്കെ ച​വാ​ന്റെ കൂ​റു​മാ​റ്റം കോ​ൺ​ഗ്ര​സി​ന്​ വ​ലി​യ തി​രി​ച്ച​ടി​യാ​കും. അ​ദ്ദേ​ഹ​ത്തോ​ടൊ​പ്പ​മു​ള്ള 11 എം.​എ​ൽ.​എ​മാ​രെ കു​റി​ച്ചും അ​ഭ്യൂ​ഹ​ങ്ങ​ൾ പ്ര​ച​രി​ക്കു​ന്നു​ണ്ട്.

മു​ൻ മ​ഹാ​രാ​ഷ്ട്ര മു​ഖ്യ​മ​ന്ത്രി ശ​ങ്ക​ർ​റാ​വു ച​വാ​ന്റെ മ​ക​നാ​ണ്​ അ​ശോ​ക്​ ച​വാ​ൻ. 2008​ലെ ​മും​ബൈ ഭീ​ക​രാ​ക്ര​മ​ണ​ത്തി​ന് പി​ന്നാ​ലെ വി​ലാ​സ്റാ​വു ദേ​ശ്മു​ഖ്​ രാ​ജി​വെ​ച്ച​തോ​ടെ​യാ​ണ്​ ച​വാ​ൻ മു​ഖ്യ​മ​ന്ത്രി​യാ​യ​ത്.

എ​ന്നാ​ൽ, ആ​ദ​ർ​ശ്​ ഫ്ലാ​റ്റ് കും​ഭ​കോ​ണ കേ​സി​നെ തു​ട​ർ​ന്ന് ​2010ൽ ​രാ​ജി​വെ​ക്കേ​ണ്ടി വ​ന്നു. 2014ൽ ​മോ​ദി തം​രം​ഗ​ത്തി​ൽ പി​ടി​ച്ചു​നി​ന്ന ര​ണ്ട്​ കോ​ൺ​ഗ്ര​സ്​ എം.​പി​മാ​രി​ൽ ഒ​രാ​ളാ​യി​രു​ന്നു. 2019ൽ ​ലോ​ക്​​സ​ഭ തെ​ര​ഞ്ഞെ​ടു​പ്പി​ൽ തോ​റ്റു. പി​ന്നീ​ട് എം.​എ​ൽ.​എ​യാ​യി.