കോവിഡ്​: ദുർഗപൂജക്കായി ഝാർഖണ്ഡിലെ ഗ്രാമത്തിലേക്ക്​ ആദ്യമായി വൈ-ഫൈ എത്തുന്നു

റായ്​പൂർ: ഝാർഖണ്ഡിലെ വ്യവസായ നഗരമായ ബോക്കാറോയിൽ നിന്ന്​ 30 കിലോ മീറ്റർ അകലെയാണ്​ മാറാഹ്​ എന്ന ഗ്രാമം സ്ഥിതി ചെയ്യുന്നത്​. ഏകദേശം 2,000 ആളുകളാണ്​ ഇവിടെ വസിക്കുന്നത്​. ഇതിൽ 700 ബംഗാളി കുടുംബങ്ങളും ഉൾപ്പെടുന്നു. 300 വർഷത്തോളം പാരമ്പര്യമുള്ള ഇവിടത്തെ ദുർഗപൂജ പ്രശസ്​തമാണ്​.

ഗ്രാമത്തിലെ ഘോഷ്​ കുടുംബമാണ്​ പൂജ നടത്തുന്നത്​. രത്​നങ്ങൾ പതിച്ച ദുർഗ വിഗ്രഹമുപയോഗിച്ചാണ്​ പൂജ. എന്നാൽ കോവിഡി​െൻറ പശ്​ചാത്തലത്തിൽ ഘോഷ്​ കുടുംബത്തിലെ കുറേ പേർക്ക്​ ഇക്കുറി പൂജയിൽ പ​ങ്കെടുക്കാനാവില്ല. ഇതോടെ ഇതിനൊരു പരിഹാരവും അവർ കണ്ടെത്തി. ദൂരെ സ്ഥലങ്ങളിലുള്ളവർക്ക്​ വിർച്വലായി പൂജയിൽ പ​ങ്കെടുക്കാനുള്ള സൗകര്യമാണ്​ കുടുംബം ഒരുക്കുന്നത്​.

അ​ങ്ങനെ ഇലക്​ട്രിസിറ്റി പോലും പൂർണമായും എത്താത്ത ഗ്രാമത്തിലേക്ക്​ ഇൻറർനെറ്റ്​ എത്തുകയാണ്​. ജനറേറ്റർ ഉപയോഗിച്ച്​ വൈദ്യുതി ലഭ്യമാക്കി വൈ-ഫൈയിലൂടെ ഇൻറ​ർനെറ്റെത്തിച്ച്​ ദുർഗ പൂജ നടത്താനാണ്​ ഘോഷ്​ കുടുംബത്തി​െൻറ പദ്ധതി. ഇതാദ്യമായാണ്​ ഗ്രാമത്തിലേക്ക്​ വൈ-ഫൈ എത്തുന്നത്​. സമീപത്ത്​ നിന്ന്​ മീറ്റ​റുകളോളം കേബിൾ വലിച്ചാണ്​ വൈ-ഫൈ കണക്ഷൻ ഗ്രാമത്തിലേക്ക്​ എത്തിച്ചത്​. പുതിയ സാ​ങ്കേതിക വിദ്യയുപയോഗിച്ച്​ എല്ലാവർക്കും ദുർഗ പൂജയിൽ പ​ങ്കെടുക്കാൻ അവസരമൊരുക്കുന്നതിനെ കുടുംബത്തിലെ പഴയ തലമുറയും അനുകൂലിക്കുന്നു. കോവിഡ്​ എങ്ങനെയാണ്​ വർഷങ്ങളായുള്ള ആചാരങ്ങളെ പോലും മാറ്റുന്നുവെന്നതി​െൻറ ഉത്തമ ഉദാഹരണമായി മാറുകയാണ്​ മാറാഹ്​ ഗ്രാമത്തിലെ ദുർഗപൂജ.