Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകശ്​മീർ വിഷയം...

കശ്​മീർ വിഷയം ഇസ്രായേലിനോടുപമിച്ച്​ ഇന്ത്യൻ സ്ഥാനപതി; തെറ്റായി വാഖ്യാനിച്ചുവെന്ന്​ വിശദീകരണം

text_fields
bookmark_border
കശ്​മീർ വിഷയം ഇസ്രായേലിനോടുപമിച്ച്​ ഇന്ത്യൻ സ്ഥാനപതി; തെറ്റായി വാഖ്യാനിച്ചുവെന്ന്​ വിശദീകരണം
cancel

ന്യൂഡൽഹി: കേന്ദ്രസർക്കാറി​​​െൻറ ജമ്മു കശ്​മീരിലെ നടപടിയെ ഇസ്രായേലിൻെറ ഫലസ്​തീൻ അധിനിവേശത്തോട്​ ഉപമിച്ച്​ ഇന്ത്യൻ കോൺസുൽ ജനറൽ സന്ദീപ്​ ചക്രബർത്തി നടത്തിയ പരാമർശം വിവാദത്തിൽ. ‘‘കശ്​മീരിലെ സുരക്ഷ സാഹചര്യങ്ങൾ മെച്ചപ ്പെട്ടു. അഭയാർത്ഥികളായി ക്യാമ്പുകളിൽ കഴിയുന്ന കശ്​മീരികൾക്ക്​ ഇനി തിരിച്ചുപോകാം. അവർക്ക്​ സുരക്ഷിതമായി ജീ വിക്കാനുള്ള സാഹചര്യം നിലവിലുണ്ട്​. പശ്ചി​മേഷ്യയിൽ ഇതിനൊരു മാതൃകയുണ്ട്​. ഇസ്രായേലി ജനതക്ക്​ അങ്ങനെ ചെയ്യാമെങ്കിൽ നമ്മൾക്കും കഴിയും’’ -എന്നതായിരുന്നു സന്ദീപ്​ ചക്രബർത്തിയുടെ പ്രസ്​താവന. കശ്​മീരി പണ്ഡിറ്റുകളുടെ സ്വകാര്യ ചടങ്ങിൽ സംസാരിക്കവെയാണ്​ അദ്ദേഹം ഈ പ്രസ്​താവന നടത്തിയത്​.

കശ്​മീരി​ലുള്ളത്​ ഹിന്ദു സംസ്​കാരമാണ്​. കശ്​മീർ ഒഴിവാക്കിയുള്ള ഇന്ത്യ നമുക്കാർക്കും ഭാവനയിൽ കൂടി കാണാനാവില്ല. കശ്​മീരിൽ നിന്നും പുറത്താക്കിയ പണ്ഡിറ്റുകൾക്ക്​ ഉടൻ തിരിച്ചുപോകാൻ കഴിയു​െമന്ന്​ വിശ്വസിക്കുന്നു- ചക്രബർത്തി പറഞ്ഞു.

കശ്​മീർ വിഷയത്തിൽ ഐക്യരാഷ്​ട്രസഭയു​ടേയും യു.എസ്​ കോൺഗ്രസി​​​െൻറയും ഇടപെടലിനെയും അദ്ദേഹം വിമർശിച്ച​ു. ഐക്യരാഷ്​ട്ര സഭ മനുഷ്യാവകാശ സമിതിയിലേക്കും യു.എസ്​ കോൺഗ്രസിലേക്കും ഈ വിഷയം തള്ളിവിടുന്നു. എന്നാൽ മറ്റ്​ സ്ഥലങ്ങളിലേക്ക്​ പോകു. സിറിയ, ഇറാഖ്​, അഫ്​ഗാനിസ്ഥാൻ എന്നിവടങ്ങളിൽ പോകുകയോ സംസാരിക്കുകയോ ചിത്രങ്ങളെടുക്കുകയോ ചെയ്യാത്തത്​ എന്തുകൊണ്ടാണ്​. എന്തുകൊണ്ടാണ്​ നമ്മുടെ സ്ഥലത്തേക്ക്​ വരുന്നത്​. നമ്മുടെ ദൃഢനിശ്ചയത്തിൽ അവർ അസന്തുഷ്​ടരാണെന്നും അദ്ദേഹം പറഞ്ഞു.

കശ്​മീർ വിഷയവും ഫലസ്​തീനും തമ്മിൽ യാതൊരുതരത്തിലും ബന്ധപ്പെടുത്താനാകില്ലെന്ന നിലപാടാണ്​ കേന്ദ്രസർക്കാറി​േൻറത്​. ഇതിന്​ വിരുദ്ധമായ പ്രസ്​താവനയാണ്​ സ്ഥാനപതി നടത്തിയത്​. എന്നാൽ വിദേശകാര്യ മന്ത്രാലയം വിഷയത്തിൽ പ്രതികരണം നടത്തിയിട്ടില്ല.

സംഭവം വിവാദമായതോടെ ത​​​െൻറ പ്രസംഗത്തിലെ ഒരു ഭാഗം മാത്രമെടുത്ത്​ പ്രസ്​താവന തെറ്റായി വ്യാഖ്യാനിച്ചതാണെന്ന വിശദീകരണവുമായി സന്ദീപ്​ ചക്രബർത്തി രംഗത്തെത്തി. താഴ്​വരയിൽ പാകിസ്​താ​​​െൻറ സഹായത്തോടെ തീവ്രവാദ സംഘടനകൾ പ്രവർത്തിക്കുന്നതിനാൽ ജീവിതം ദുഃസഹമാണെന്ന കശ്​മീരി പണ്ഡിറ്റുകളുടെ ആശങ്കകൾക്ക്​ മറുപടി പറയുകയായിരുന്നു താനെന്നും അദ്ദേഹം വിശദീകരിച്ചു.

Show Full Article
TAGS:Israelis Kashmir Pandits Distorted indian consul general india news 
News Summary - Remarks on Israelis , Kashmir Pandits, Distorted : Indian Consul General - India news
Next Story