ഓപറേഷൻ ഗംഗ അവസാനഘട്ടത്തിൽ; ശേ​ഷി​ക്കു​ന്ന ഇ​ന്ത്യ​ക്കാ​ർ വി​വ​രം അ​റി​യി​ക്ക​ണം

ന്യൂ​ഡ​ൽ​ഹി: യു​ക്രെ​യ്നി​ൽ കു​ടു​ങ്ങി​യ ഇ​ന്ത്യ​ക്കാ​രു​ടെ ഒ​ഴി​പ്പി​ക്ക​ൽ അ​ന്ത്യ​ത്തി​ലേ​ക്ക്. യു​ക്രെ​യ്നി​ലെ​യും ഹം​ഗ​റി​യി​ലെ​യും ഇ​ന്ത്യ​ൻ എം​ബ​സി​ക​ളാ​ണ്​ ഇ​ക്കാ​ര്യം വ്യ​ക്​​ത​മാ​ക്കി​യ​ത്. 'ഓ​പ​റേ​ഷ​ൻ ഗം​ഗ'​യു​ടെ ഹം​ഗ​റി​യി​ൽ നി​ന്നു​ള്ള അ​വ​സാ​നഘ​ട്ടം ഞാ​യ​റാ​ഴ്ച​യാ​യി​രി​ക്കു​മെ​ന്ന്​ ഹം​ഗ​റി​യി​ലെ ഇ​ന്ത്യ​ൻ എം​ബ​സി അ​റി​യി​ച്ചു. ഹം​ഗ​റി​യി​ൽ നി​ന്നു​ള്ള അ​വ​സാ​ന വി​മാ​ന​മാ​യി​രി​ക്കും ഞാ​യ​റാ​ഴ്ച​ത്തേ​തെ​ന്ന്​ കേ​ന്ദ്ര മ​ന്ത്രി ഹ​ർ​ദീ​പ്​ സി​ങ്​ പു​രി​യും പ​റ​ഞ്ഞു. ​

ഇ​നി​യും കു​ടു​ങ്ങി​ക്കി​ട​ക്കു​ന്ന ഇ​ന്ത്യ​ക്കാ​ർ അ​വ​രു​ടെ വി​വ​ര​ങ്ങ​ൾ ത​ങ്ങ​ൾ ട്വി​റ്റ​റി​ലൂ​ടെ പ​ങ്കു​വെ​ച്ച 'ഗൂ​ഗ്​​ൾ ഫോം' ​വ​ഴി അ​ടി​യ​ന്ത​ര​മാ​യി അ​റി​യി​ക്ക​ണ​മെ​ന്ന്​ യു​​ക്രെ​യ്​​നി​ലെ എം​ബ​സി​യും ആ​വ​ശ്യ​പ്പെ​ട്ടു. ഓ​പ​റേ​ഷ​ൻ ഗം​ഗ​യി​ലൂ​ടെ ഞാ​യ​റാ​ഴ്ച വ​രെ 76 വി​മാ​ന​ങ്ങ​ളി​ലാ​യി 15,920ഓ​ളം പൗ​ര​ന്മാ​രെ ഇ​ന്ത്യ​യി​ലെ​ത്തി​ച്ചെ​ന്നാ​ണ്​ വ്യോ​മ​യാ​ന മ​ന്ത്രാ​ല​യ​ത്തി​ന്‍റെ ക​ണ​ക്ക്.

കി​യ​വി​ൽ വെ​ടി​യേ​റ്റ്​ ചി​കി​ത്സ​യി​ൽ ക​ഴി​യു​ന്ന ഹ​ർ​ജോ​ത്​ സി​ങ്​ തി​ങ്ക​ളാ​ഴ്ച ഇ​ന്ത്യ​യി​ലെ​ത്തു​മെ​ന്ന്​ കേ​ന്ദ്ര മ​ന്ത്രി വി.​കെ. സി​ങ്​ പ​റ​ഞ്ഞു. ഓ​പ​റേ​ഷ​ൻ ഗം​ഗ അ​ന്ത്യ​ഘ​ട്ട​ത്തി​ലേ​ക്ക്​ നീ​ങ്ങു​ക​യാ​ണെ​ന്ന്​ വി​ദേ​ശ​കാ​ര്യ മ​ന്ത്രാ​ല​യം അ​റി​യി​ക്കു​മ്പോ​ൾ സു​മി​യി​ൽ ബ​ങ്ക​റു​ക​ളി​ൽ ക​ഴി​യു​ന്ന മ​ല​യാ​ളി​ക​ൾ അ​ട​ക്ക​മു​ള്ള 1000ത്തോ​ളം ഇ​ന്ത്യ​ൻ വി​ദ്യാ​ർ​ഥി​ക​ൾ പു​റ​ത്തി​റ​ങ്ങാ​ൻ മാ​ർ​ഗ​മി​ല്ലാ​തെ തു​ട​രു​ക​യാ​ണ്.

ഒഴിപ്പിക്കൽ വിജയകാരണം ഇന്ത്യയുടെ സ്വാധീനം -മോദി

പു​ണെ: ഇ​ന്ത്യ​ക്കാ​രെ ഒ​ഴി​പ്പി​ക്കാ​നു​ള്ള 'ഓ​പ​റേ​ഷ​ൻ ഗം​ഗ' വി​ജ​യി​ക്കാ​ൻ കാ​ര​ണം ഇ​ന്ത്യ​യു​ടെ വ​ർ​ധി​ച്ചു​വ​രു​ന്ന സ്വാ​ധീ​ന​മാ​ണെ​ന്ന് ​​പ്ര​ധാ​ന​മ​ന്ത്രി ന​രേ​ന്ദ്ര​മോ​ദി. ഓ​പ​റേ​ഷ​ൻ ഗം​ഗ​യി​ലൂ​ടെ ആ​യി​ര​ങ്ങ​ളെ സു​ര​ക്ഷി​ത​മാ​യി ഒ​ഴി​പ്പി​ക്കു​ന്ന​താ​യും സിം​ബ​യോ​സി​സ് സ​ർ​വ​ക​ലാ​ശാ​ല​യു​ടെ​യും ആ​രോ​ഗ്യം ധാ​മി​​ന്റെ​യും സു​വ​ർ​ണ​ജൂ​ബി​ലി ആ​ഘോ​ഷം ഉ​ദ്ഘാ​ട​നം ചെ​യ്ത​ശേ​ഷം അ​ദ്ദേ​ഹം പ​റ​ഞ്ഞു. പ​ല വ​ലി​യ രാ​ജ്യ​ങ്ങ​ളും പൗ​ര​ന്മാ​രു​ടെ കാ​ര്യ​ത്തി​ൽ ബു​ദ്ധി​മു​ട്ടു​ക​ൾ നേ​രി​ടു​ന്നു​ണ്ട്. സ്വ​ന്തം കാ​ലി​ൽ നി​ൽ​ക്കു​മെ​ന്ന് ചി​ന്തി​ക്കാ​ത്ത മേ​ഖ​ല​ക​ളി​ൽ ഇ​പ്പോ​ൾ ലോ​ക​ത്തി​ലെ മു​ൻ​നി​ര​ക്കാ​രാ​യി നാം മാ​റു​ക​യാ​ണ്. മൊ​ബൈ​ൽ, ഇ​ല​ക്ട്രോ​ണി​ക് ഉ​ൽ​പാ​ദ​നം, പ്ര​തി​രോ​ധ മേ​ഖ​ല​ക​ൾ എ​ന്നി​വ അ​ദ്ദേ​ഹം ഉ​ദാ​ഹ​ര​ണ​മാ​യി ചൂ​ണ്ടി​ക്കാ​ട്ടി.