'അർണബിനല്ല, വേട്ടയാടപ്പെടു​േമ്പാഴും കരയാത്ത, കരളുറപ്പുള്ള സഞ്​ജീവ്​ ഭട്ടിനാണ്​ നീതി വേണ്ടത്​'

ന്യൂഡൽഹി: വ്യക്​തമായ തെളിവുകളുടെ അടിസ്​ഥാനത്തിൽ ആത്​മഹത്യ പ്രേരണക്ക്​ അറസ്​റ്റ്​ ചെയ്യപ്പെട്ട അർണബ്​ ഗോസ്വാമിക്ക്​ നീതി വേണമെന്ന്​ മുറവിളി ഉയർത്തുന്നവർ സഞ്​ജീവ്​ ഭട്ട്​ ഐ.പി.എസിനെക്കുറിച്ചാണ്​ ആദ്യം ചിന്തിക്കേണ്ടതെന്ന്​ സാമൂഹിക മാധ്യമങ്ങളിൽ ആവശ്യം. 'സഞ്​ജീവ്​ ഭട്ടിനെ വിട്ടയക്കുക' എന്ന ഹാഷ്​ടാഗിൽ ട്വിറ്ററിൽ ഈ വിഷയം ട്രെൻഡിങ്ങാണ്​.

അൻവയ്​ നായ്​ക്​ ആത്​മഹത്യ പ്രേരണ കേസിൽ കുറച്ചു ദിവസത്തേക്ക്​ റിമാൻഡ്​ ചെയ്യ​പ്പെട്ടപ്പോൾ ജീവിതം അപകടത്തിലാണെന്നും രക്ഷിക്കണേയെന്നും പറഞ്ഞ്​ കരയുന്ന റിപ്പബ്ലിക്​ ടി.വി എഡിറ്റർ അർണബ്​ ഗോസ്വാമിയുമായി താരതമ്യം ചെയ്​താണ്​ സഞ്​ജീവി​െൻറ ധീരതയെയും ഇച്​ഛാശക്​തിയെയും ആളുകൾ പുകഴ്​ത്തുന്നത്​. ആത്​മഹത്യ കു​റിപ്പിൽ അർണബി​െൻറ പേര്​ എഴുതിവെച്ചാണ്​ അൻവയ്​ ആത്​മഹത്യ ചെയ്​തത്​. ഈ കേസിൽ മുംബൈ പൊലീസ്​ അറസ്​റ്റ്​ ചെയ്​ത അർണബ്​ റിമാൻഡിലാണിപ്പോൾ.

'രണ്ട്​ പുരുഷന്മാർ! ഒരാൾ ​രാജ്യത്തെ ഉന്നത ഭരണാധികാരികളാലും കോടതികളാലും മുഴുവൻ ബി.ജെ.പി സംവിധാനങ്ങളാലും നിരന്തരം വേട്ടയാടപ്പെടുന്നയാൾ. കാലങ്ങളായി ജാമ്യം കിട്ടാതെ, സ്വന്തം കുടുംബാംഗങ്ങളെപ്പോലും കാണാനാവാതെ കഴിയു​േ​മ്പാഴും നെഞ്ചുയർത്തിപ്പിടിച്ച്​, ഒരു തുള്ളി കണ്ണു​നീർ പോലും പൊഴിക്കാതെ ധീരനാണയാൾ. അപരനാവ​ട്ടെ, ഭരണാധികാരികളുടെ ഓമനയായിട്ടും നേരിയൊരു തിരിച്ചടിയിൽപോലും പട്ടിക്കുഞ്ഞിനെപ്പോലെ മോങ്ങുകയാണ്​' -ഒരാൾ ട്വിറ്ററിൽ കുറിച്ചതിങ്ങനെ.

പൊലീസുകാർക്ക്​ നടുവിൽ പുഞ്ചിരിയോടെ നിൽക്കുന്ന സഞ്​ജീവ്​ ഭട്ടി​െൻറ ചിത്രവും പൊലീസ്​ വാനിനുള്ളിൽ കരയുന്ന അർണബി​െൻറ ചിത്രവും ചേർത്തുവെച്ച്​​ ട്വീറ്റ്​ ചെയ്​ത കോൺഗ്രസ്​ നേതാവ്​ ശ്രീവത്​സ സഞ്​ജീവിന്​ 'ഹീറോ' എന്നും അർണബിന്​ 'സീറോ' എന്നും അടിക്കുറിപ്പ്​ നൽകി.

രണ്ടു വർഷം പഴക്കമുള്ള കേസിൽ അർണബിനെ അറസ്​റ്റ്​ ചെയ്​തത്​ വലിയ പാതകമായിപ്പോയെന്ന്​ പറയുന്നവർക്ക്​ മുന്നിൽ സഞ്​ജീവി​െൻറ ദുരവസ്​ഥ ചൂണ്ടിക്കാട്ടിയാണ്​ ട്വിറ്ററാറ്റികൾ മറുപടി നൽകുന്നത്​. 1990ലെ ഒരു കസ്​റ്റഡി മരണത്തിൽ പ്രതി ചേർത്താണ്​ സഞ്​ജീവ്​ ഭട്ടിനെ അറസ്​റ്റ്​ ചെയ്​തത്​. അന്വേഷണം അവസാനിപ്പിച്ച കേസ്​ ഏറെക്കാലത്തിനുശേഷം 2012ൽ വീണ്ടും തുറന്ന്​ സഞ്​ജീവിനെ അറസ്​റ്റ്​ ചെയ്യുകയായിരുന്നു. സഞ്​ജീവി​െൻറ അറസ്​റ്റിനെ വലിയ തോതിൽ പ്രകീർത്തിച്ചയാളാണ്​ അർണബെന്നും ട്വിറ്ററാറ്റികൾ ചൂണ്ടിക്കാട്ടുന്നു. ഗുജറാത്ത്​ കലാപക്കേസിൽ അന്നത്തെ മുഖ്യമന്ത്രിയായിരുന്ന നരേന്ദ്ര മോദിക്ക്​ പങ്കുണ്ടെന്ന്​ പറഞ്ഞതാണ്​ സഞ്​ജീവിനെതിരായ അധികൃതരുടെ നടപടികൾക്ക്​ പിന്നിലെന്നാണ്​ ആരോപണം.