Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഎല്ലാ രാഷ്​ട്രീയ...

എല്ലാ രാഷ്​ട്രീയ തടവുകാരെയും വിട്ടയക്കണമെന്ന്​ സി.പി.എം

text_fields
bookmark_border
എല്ലാ രാഷ്​ട്രീയ തടവുകാരെയും വിട്ടയക്കണമെന്ന്​ സി.പി.എം
cancel

ന്യൂഡൽഹി: കോവിഡ്​ പശ്​ചാത്തലത്തിൽ രാജ്യത്തെ എല്ലാ രാഷ്​ട്രീയ തടവുകാരെയും വിട്ടയക്കണമെന്ന്​ സി.പി.എം പോളിറ്റ്​ ബ്യൂ​േറാ. ജയിലുകളില്‍ കഴിയുന്ന നിരവധി രാഷ്ട്രീയ തടവുകാരുടേയും മനുഷ്യാവകാശ പ്രവര്‍ത്തകരുടേയും ആരോഗ്യനില വഷളാകുന്നതിൽ പൊളിറ്റ് ബ്യൂറോ ആശങ്ക പ്രടിപ്പിച്ചു. 

അസമിലെ അഖിൽ ഗോഗോയ് ഉൾപ്പെ​ടെ പലർക്കും കോവിഡ് -19 ബാധിച്ചതായി റിപ്പോർട്ടുണ്ട്. തിങ്ങിനിറഞ്ഞ ജയിലുകളിലെ പരിതാപകരമായ അവസ്ഥയും അടിസ്ഥാന സൗകര്യങ്ങൾ പോലും ഇല്ലാത്തതും രോഗവ്യാപനത്തിന്​ ഇടയാക്കും. മിക്കവരെയും വിവിധ രോഗങ്ങൾ അലട്ടുന്നുണ്ട്​. ദീർഘകാലമായി മരുന്ന്​ കഴിക്കുന്നവരാണ്​ പലരും. 

വരവര റാവുവി​​െൻറ ആരോഗ്യസ്ഥിതിയും അപകടകരമാണെന്നാണ്​ വിവരം. പ്രമുഖ മനുഷ്യാവകാശ പ്രവർത്തകരായ ഗൗതം നവ്​ലഖ, അനിൽ തെൽതുമ്പ്​ഡെ, സുധ ഭരദ്വാജ്, ഷോമ സെൻ തുടങ്ങിയവർക്ക്​ ജയിലിലെ വൃത്തിഹീനമായ അന്തരീക്ഷത്തിൽ രോഗം പിടിപെടാൻ സാധ്യത കൂടുതലാണ്​.  മറ്റ് രാഷ്ട്രീയ തടവുകാരിൽ പ്രഫ. സായിബാബയുടെ അവസ്ഥ ഇതിലും മോശമാണ്. 90 ശതമാനം വൈകല്യമുള്ള ഇദ്ദേഹത്തിന്​ ഗുരുതരമായ 19 രോഗങ്ങളാണുള്ളത്​.  ആരോഗ്യസ്ഥിതി പരിഗണിച്ച്​ അദ്ദേഹത്തെ മോചിപ്പിക്കണമെന്ന് യു.എൻ മനുഷ്യാവകാശ വിഭാഗം കഴിഞ്ഞ വർഷം ആവശ്യപ്പെട്ടിരുന്നതായും വാർത്താ കുറിപ്പിൽ ചൂണ്ടിക്കാട്ടി. 

എല്ലാ രാഷ്ട്രീയ തടവുകാരെയും ഉടൻ ജാമ്യത്തിൽ വിടണമെന്നും വൈദ്യസഹായം നൽകണമെന്നും പൊളിറ്റ് ബ്യൂറോ ആവശ്യപ്പെട്ടു.

Show Full Article
TAGS:Varavara Rao uapa Akhil Gogoi 
News Summary - Release All Political Prisoners -cpm
Next Story