ദീപക് മി​ശ്രക്കെതിരായ ഇംപീച്ച്​​മെൻറ്​ പ്രമേയം തള്ളി

ന്യൂഡൽഹി: നടപടിത്തെറ്റിന്​ സുപ്രീംകോടതി​ ചീഫ്​ ജസ്​റ്റിസ് ദീപക്​ മി​​​​​ശ്രയെ കുറ്റവിചാരണ (ഇംപീച്ച്​) ചെയ്യാൻ ​ഏഴു പാർട്ടികളിലെ എം.പിമാർ സമർപ്പിച്ച നോട്ടീസ്​ രാജ്യസഭ അധ്യക്ഷൻ വെങ്കയ്യ നായിഡു തള്ളി. ഉന്നയിച്ച കുറ്റാരോപണങ്ങളിൽ എം.പിമാർക്കുതന്നെ ഉറപ്പില്ലെന്ന്​ ചൂണ്ടിക്കാട്ടിയാണ്​ നായിഡു നോട്ടീസ്​ തള്ളിയത്​. എന്നാൽ, നായിഡുവി​​​െൻറ നടപടി നിയമവിരുദ്ധമാണെന്നും ഇതിനെതിരെ സുപ്രീംകോടതിയെ സമീപിക്കുമെന്നും കോൺഗ്രസ്​ വ്യക്തമാക്കി. ഹൈദരാബാദ്​ സന്ദർശനം വെട്ടിച്ചുരുക്കി ഞായറാഴ്​ച ഡൽഹിയിലെത്തിയ വെങ്കയ്യ നായിഡു കേന്ദ്ര സർക്കാറ​ുമായി ബന്ധപ്പെട്ടവരും നിയമവൃത്തങ്ങളുമായി നടത്തിയ തിരക്കിട്ട കൂടിയാലോചനകൾക്കുശേഷം തിങ്കളാഴ്​ച രാവിലെയാണ്​  നോട്ടീസ്​ തള്ളി 10 പേജുള്ള ഉത്തരവിറക്കിയത്​.

ചീഫ്​ ജസ്​റ്റിസി​​​െൻറ നടപടിക്രമങ്ങളിലെ പാളിച്ചയോ സ്വഭാവദൂഷ്യമോ കഴിവുകേടോ സൂചിപ്പിക്കുന്ന വിശ്വാസയോഗ്യമോ പരിശോധിക്കാവുന്നതോ ആയ വിവരങ്ങളുടെ അഭാവത്തിൽ എം.പിമാരുടെ പരാതി സ്വീകരിക്കുന്നത്​ അനുചിതവും നിരുത്തരവാദപരവുമായിരിക്കുമെന്ന്​ വെങ്കയ്യ ഉത്തരവിൽ വ്യക്തമാക്കി. അറ്റോണി ജനറൽ കെ.കെ. വേണുഗോപാൽ, മുൻ സുപ്രീംകോടതി ജഡ്​ജി ബി. സുദർശൻ റെഡ്​ഡി, മുൻ ലോക്​സഭ സെക്രട്ടറി ജനറൽ സുഭാഷ്​ കശ്യപ്​, മുൻ നിയമ സെക്രട്ടറി പി.കെ. മൽഹോത്ര, മുൻ ലെജിസ്​ലേറ്റിവ്​ സെക്രട്ടറി സഞ്​ജയ്​ സിങ്​​ തുടങ്ങിവരുമായായിരുന്നു അദ്ദേഹത്തി​​​െൻറ കൂടിയാലോചന. 

ചീഫ്​ ജ്​സ്​റ്റിസിനെതിരായ ആരോപണങ്ങൾ അഭ്യൂഹങ്ങളും അനുമാനങ്ങളുമാണെന്ന്​ വെങ്കയ്യ പറഞ്ഞു. പ്രസാദ്​ എജുക്കേഷനൽ ട്രസ്​റ്റുമായി ബന്ധപ്പെട്ട വസ്​തുതകളും സാഹചര്യങ്ങളും പ്രഥമദൃഷ്​ട്യാ,  ദീപക്​ മിശ്ര നിയമവിരുദ്ധമായ പ്രതിഫലത്തിനായി നടത്തിയ ഗൂഢാലോചനയിൽ ഉൾപ്പെട്ടിരിക്കാം എന്നാണ്​ ഇംപീച്ച്​മ​​െൻറ്​  നോട്ടീസിൽ പറയുന്നത്​. തുടർന്ന്​ അന്വേഷണത്തി​​​െൻറ പരിധിയിൽ ചീഫ്​ ജസ്​റ്റിസും വരേണ്ടതായിരുന്നു എന്നും പറയുന്നു. സുപ്രീംകോടതിയിലെ ഒരുത്തരവിൽ ചീഫ്​ ജസ്​റ്റിസ്​ മുൻദിവസത്തെ തീയതിയാണ്​ രേഖപ്പെടുത്തിയതെന്നും​ പരാതിയുണ്ട്​. ഇതെല്ലാം സംശയങ്ങളും ധാരണകളുമാണെന്ന്​ നായിഡു കൂട്ടിച്ചേർത്തു.  ഭരണഘടനയുടെ 124ാം അനുച്ഛേദമനുസരിച്ച്​ ജഡ്​ജിയെ കുറ്റവിചാരണ ചെയ്യാൻ അ​ദ്ദേഹത്തി​​​െൻറ തെളിയിക്കപ്പെട്ട  നടപടിത്തെറ്റ്​  വേണം.

എന്നാൽ, ചീഫ്​ ജസ്​റ്റിസിനെതിരെ ഉന്നയിച്ച പരാതികൾക്ക്​ തെളി​വൊന്നുമില്ല. വിശ്വാസ്യതയില്ലാത്ത ഏതെങ്കിലും മൂന്നാം കക്ഷികൾക്കിടയിൽ നടന്ന സംഭാഷണങ്ങൾ തെളിവാകില്ലെന്നും അദ്ദേഹം പറഞ്ഞു. നോട്ടീസിനൊപ്പം എം.പിമാർ സമർപ്പിച്ച ഫോൺ സംഭാഷണത്തി​​​െൻറ ടേപ്പ്​ നായിഡു മുഖവിലക്കെടുത്തില്ല. കേസുകൾ ഏതൊക്കെ ജഡ്​ജിമാർക്ക്​ വക തിരിച്ചുകൊടുക്കണമെന്ന കാര്യത്തിൽ പരമാധികാരി ചീഫ്​ ജസ്​റ്റിസാണ്​. ഇക്കാര്യത്തിൽ സുപ്രീംകോടതി ഉത്തരവുണ്ട്​. രാജ്യസഭ അംഗങ്ങളുടെ കൈപ്പുസ്​തകത്തിലെ 2.2 ഖണ്ഡികയിൽ പറഞ്ഞ കീഴ്​വഴക്കം ലംഘിച്ചാണ്​ എം.പിമാർ ചെയർമാൻ അംഗീകരിച്ച്​​ അംഗങ്ങൾക്ക്​ വിതരണം ചെയ്യും മുമ്പ്​ നോട്ടീസ്​ പരസ്യപ്പെടുത്തിയതെന്നും വെങ്കയ്യ വിമർശിച്ച​ു. ഏതെങ്കിലും തരത്തിലുള വാക്കോ പ്രവൃത്തിയോ ചിന്തയോകൊണ്ട്​ ഭരണവ്യവസ്​ഥയുടെ സ്​തംഭങ്ങളെ ദുർബലപ്പെടുത്താൻ അനുവദിക്കില്ലെന്ന്​ വെങ്കയ്യ നായിഡു ഒാർമിപ്പിച്ചു. 

രാജ്യത്തി​​​െൻറ ചരി​ത്രത്തിൽ ആദ്യമായാണ്​  ചീഫ്​ ജസ്​റ്റിസി​​​െൻറ പദവിയിലിരിക്കേ ഒരു ന്യായാധിപനു​ മേൽ  അഞ്ച്​ കുറ്റങ്ങൾ ആരോപിച്ച്​ പ്രതിപക്ഷ എം.പിമാർ വെള്ളിയാഴ്​ച നോട്ടീസ്​ നൽകിയത്​. കുറ്റവിചാരണ പ്രമേയത്തിനുള്ള നോട്ടീസ്​ പ്രഥമദൃഷ്​ട്യാ തള്ളുന്നതും ഇതാദ്യമാണ്​.