‘റെ​ഡ് ആ​ൻ​ഡ് വൈ​റ്റ്' പോ​രാ​ട്ട​ത്തി​ന്​ സെ​വ​ൻ​രാ​ജ്

ബം​ഗ​ളൂ​രു: ചു​വ​പ്പി​ലെ​യും വെ​ള്ള​യി​ലെ​യും ഭാ​ഗ്യം തെ​ര​ഞ്ഞെ​ടു​പ്പ് ഗോ​ദ​യി​ൽ പ​രീ​ക്ഷി​ക്കു​ക​യാ​ണ് മ​ല​യാ​ളി​യാ​യ സെ​വ​ൻ​രാ​ജ്. ബം​ഗ​ളൂ​രു​വി​ലെ റെ​ഡ് ആ​ൻ​ഡ് വൈ​റ്റ് ഫാ​മി​ലി എ​ന്ന​റി​യ​പ്പെ​ടു​ന്ന സെ​വ​ൻ​രാ​ജി​നി​ത് ക​ന്നി​യ​ങ്ക​മാ​ണ്. അ​തും ര​ണ്ടു മ​ല​യാ​ളി സ്ഥാ​നാ​ർ​ഥി​ക​ളു​ടെ മ​ത്സ​രം കൊ​ണ്ട് ശ്ര​ദ്ധേ​യ​മാ​യ ബം​ഗ​ളൂ​രു​വി​ലെ ശാ​ന്തി​ന​ഗ​ർ നി​യ​മ​സ​ഭ മ​ണ്ഡ​ല​ത്തി​ൽ. ചു​വ​പ്പി​ലെ​യും വെ​ള്ള​യി​ലെ​യും ഭാ​ഗ്യം നി​യ​മ​സ​ഭ തെ​ര​ഞ്ഞെ​ടു​പ്പി​ലും ല​ഭി​ക്കു​മെ​ന്ന പ്ര​തീ​ക്ഷ​യി​ൽ വെ​ള്ള കു​ർ​ത്ത​യും ചു​വ​പ്പു ഒാ​വ​ർ​ക്കോ​ട്ടും അ​ണി​ഞ്ഞ് ത‍​​െൻറ ചു​വ​പ്പും വെ​ള്ള​യും നി​റ​ഞ്ഞ കാ​റി​ൽ പ്ര​ചാ​ര​ണ രം​ഗ​ത്ത് സ​ജീ​വ​മാ​ണ് സെ​വ​ൻ​രാ​ജ്. 

ഒ​രു നി​റ​ം കൂടുതൽ ഇ​ഷ്​​​ട​പ്പെ​ടു​ന്ന ഒ​രു​പാ​ടു​പേ​രു​ണ്ട്. എ​ന്നാ​ൽ, ജീ​വി​ത​ത്തി​ലെ എ​ല്ലാ​റ്റിലും ചു​വ​പ്പും വെ​ളു​പ്പും ഇ​ട​ക​ല​ർ​ത്തി ക​ള​ർ​ഫു​ൾ ജീ​വി​തം ന​യി​ക്കു​ന്ന സെ​വ​ൻ​രാ​ജും കു​ടും​ബ​വും വ്യ​ത്യ​സ്ത​രാ​ണ്. വീ​ട്, കാ​റ്, ടി.​വി, വ​സ്ത്രം, ചെ​രു​പ്പ്, വാ​ച്ച്, പെ​ട്ടി, ബാ​ഗ്, സ്കൂ​ട്ട​ർ, ക്ലോ​ക്ക്, ടൂ​ത്ത് പേ​സ്​​റ്റ്, ഡൈ​നി​ങ് ടേ​ബി​ൾ,പേ​ന, മൊ​ബൈ​ൽ േഫാ​ൺ, കൂ​ളി​ങ് ക്ലാ​സ് എ​ന്നി​ങ്ങ​നെ സെ​വ​ൻ​രാ​ജ് ജീ​വി​ത​ത്തി​ൽ ഉ​പ​യോ​ഗി​ക്കു​ന്ന സ​ക​ല സാ​ധ​ന​ങ്ങ​ളു​ടെ​യും നി​റം ചു​വ​പ്പും വെ​ള്ള​യു​മാ​ണ്. ബം​ഗ​ളൂ​രു​വി​ൽ റി​യ​ൽ എ​സ്​​റ്റേ​റ്റ് ഏ​ജ​ൻ​സി ഉ​ട​മ​യാ​ണ് സെ​വ​ൻ​രാ​ജ്. 

എം.​എ​ൽ.​എ​യും കോ​ൺ​ഗ്ര​സ്​ സ്​​ഥാ​നാ​ർ​ഥി​യു​മാ​യ കാ​സ​ർ​കോ​ട്​ കീ​ഴൂ​ർ നാ​ല​പ്പാ​ട്​ കു​ടും​ബാം​ഗ​മാ​യ എ​ൻ.​എ. ഹാ​രി​സ്, ആം ​ആ​ദ്​​മി പാ​ർ​ട്ടി ടി​ക്ക​റ്റി​ൽ മ​ത്സ​രി​ക്കു​ന്ന പാ​ല​ക്കാ​ട്​ മാ​ങ്കു​റു​ശ്ശി സ്വ​ദേ​ശി​യാ​യ രേ​ണു​ക വി​ശ്വ​നാ​ഥ​ൻ എ​ന്നി​വ​രാ​ണ് ശാ​ന്തി​ന​ഗ​റി​ൽ മ​ത്സ​രി​ക്കു​ന്ന മ​റ്റു ര​ണ്ടു മ​ല​യാ​ളി​ക​ൾ. 

ക​ർ​ണാ​ട​ക പ്ര​ജ്ഞാ​വ​ന്ത ജ​ന​ത പാ​ർ​ട്ടി(​കെ.​പി.​ജെ.​പി)​യു​ടെ സ്ഥാ​നാ​ർ​ഥി​യാ​യി ഒാ​ട്ടോ ചി​ഹ്ന​ത്തി​ലാ​ണ്, താ​ൻ ജ​നി​ച്ചു​വ​ള​ർ​ന്ന ശാ​ന്തി​ന​ഗ​റി​ൽ സെ​വ​ൻ​രാ​ജ് മ​ത്സ​രി​ക്കു​ന്ന​ത്. തി​രു​വ​ന​ന്ത​പു​രം പൂ​ജ​പ്പു​ര സ്വ​ദേ​ശി​യാ​യ പ​രേ​ത​നാ​യ വി. ​രാ​മ​ലിം​ഗ​ത്തി​​െൻറ​യും എ​സ്. മാ​ധ​വി​യു​ടെ​യും മ​ക​നാ​ണ് സെ​വ​ൻ​രാ​ജ്. ഏ​ഴാ​മ​ത്തെ മ​ക​ന് സെ​വ​ൻ എ​ന്ന് പേ​രി​ടാ​ൻ രാ​മ​ലിം​ഗം തീ​രു​മാ​നി​ക്കു​ക​യാ​യി​രു​ന്നു.  

തൃ​ശൂ​ർ സ്വ​ദേ​ശി​യാ​യ പു​ഷ്പ​യാ​ണ് ഭാ​ര്യ. മ​ക്ക​ൾ: ഭ​ര​ത് രാ​ജ്, മ​നീ​ഷ രാ​ജ്. സെ​വ​ൻ​രാ​ജ് ആ​ർ​ട്ടി​സ്​​റ്റും മി​ക​ച്ച ഡാ​ൻ​സ​റു​മാ​ണ്. എം.​ജി.​ആ​ർ, ഗാ​ന്ധി ഇ​വ​രെ​ല്ലാം അ​വ​രു​ടെ മേ​ഖ​ല​യി​ൽ വ്യ​ത്യ​സ്ത​രാ​യി​രു​ന്നു. അ​തു​പോ​ലെ രാ​ഷ്​​​ട്രീ​യ​ത്തി​ലും ത‍​​െൻറ​താ​യ വ്യ​ക്തി​മു​ദ്ര പ​തി​പ്പി​ക്ക​ണ​മെ​ന്നാ​ണ് സെ​വ​ൻ​രാ​ജ് ആ​ഗ്ര​ഹി​ക്കു​ന്ന​ത്.