ഇത്​ ശരിക്കും സത്യമാണോ? ആരലിനെ പിടിക്കാൻ 'പുക' വിട്ട്​ മത്സ്യം- ഞെട്ടിക്കുന്ന വീഡിയോ വൈറൽ

ലണ്ടൻ: ശരിക്കും പുകവിട്ട്​ അലസമായി നടക്കുന്ന മത്സ്യം ഉണ്ടാകുമോ? അതും ശത്രുവിനെ നേരിടു​േമ്പാൾ. പഴയ സിനിമകളിലെ വില്ലന്മാർ ഇതും ഇതിലേറെയും ചെയ്യുന്നത്​ പതിവു കാഴ്​ചയായിരുന്നുവെന്നത്​ സത്യം. പക്ഷേ, ഇത്തവണ വില്ലൻ വേഷം കെട്ടുന്നത്​ ഒരു മത്സ്യമാണ്​. മാളത്തിൽ ഒളിച്ചിരിക്കുന്ന ഇരയായ ആരൽ മത്സ്യത്തെ പുറത്തുചാടിച്ച്​ പിടിക്കാൻ മറ്റൊരു വലിയ മത്സ്യം പുക വിട്ട്​ 'ഭീകരാന്തരീക്ഷം' സൃഷ്​ടിക്കുന്ന ദൃശ്യങ്ങളാണ്​ പ്രചരിക്കുന്നത്​.

ജലത്തിനടിയിൽ മണ്ണുപുതഞ്ഞ സ്​ഥലത്തെ മാളത്തിലോ അതോ കുഴിവീണ മരത്തടിക്കുള്ളിലോ ആരൽ ഒളിഞ്ഞിരിക്കുകയാണ്​. പെ​ട്ടെന്ന്​, സ്​ഥലത്തെത്തുന്ന ഒരു മത്സ്യം പലവട്ടം ശക്​തിയായി മാളത്തിനുള്ളിലേക്ക്​ പുകയൂതുന്നു. ഇതിൽ ചകിതമായിട്ടാകണം, ആരൽ പുറത്തുവരുന്നു.

പിന്നീട്​, കുറച്ചുനേരം നടക്കുന്നത്​ എലിയും പൂച്ചയും കളിയാണ്​. മാളത്തിന്​ പുറത്ത്​ മത്സ്യം കാത്തിരിക്കുന്നു. ആരൽ പുറത്തെത്തുംനേരം മത്സ്യം പിന്തുടരുന്നു. വീണ്ടും ഉൾവലിയുന്ന ആരൽ എല്ലാം അവസാനിച്ചെന്ന്​ കരുതി അവസാന തവണയും പുറത്തെത്തുന്നു. പക്ഷേ, രക്ഷപ്പെടാൻ പഴുതു നൽകാതെ മത്സ്യം മുഴുവനായി മീനിനെ അകത്താക്കുന്നു.

അൽപം പഴക്കമുള്ളതെന്ന്​ തോന്നിക്കുന്ന വിഡിയോ ഒരു ഐ.എഫ്​.എസ്​ ഓഫീസറാണ്​ ട്വിറ്ററിൽ പങ്കുവെച്ചത്​.

സമാനമായ മീൻപിടിത്തത്തി​െൻറ വിഡിയോകൾ അനുബന്ധമായി മറ്റു പലരും പങ്കുവെക്കുന്നുണ്ട്​. എന്നാൽ, ആദ്യ പുകവിട്ട്​ ഇരയെ പിടിക്കുന്ന വിഡിയോ ഒരിക്കലും സത്യമാകില്ലെന്നും മത്സ്യത്തിന്​ അങ്ങനെയൊന്നും ആകില്ലെന്നും സ്​ഥിരീകരിക്കുന്നു ചിലർ.

സത്യവും അസത്യവും തിരഞ്ഞ്​ അന്വേഷണം സജീവമാണെങ്കിലും വിഡിയോ അതിവേഗം ഓടിനടക്കുന്നുണ്ട്​, സമൂഹ മാധ്യമങ്ങളിൽ.