മാധ്യമപ്രവർത്തകൻ രവീഷ് കുമാറിന് മഗ്സസെ പുരസ്കാരം

ന്യൂഡൽഹി: മുതിർന്ന മാധ്യമപ്രവർത്തകനും എൻ.ഡി.ടി.വി മാനേജിങ് എഡിറ്ററുമായ രവീഷ് കുമാറിന് 2019ലെ രമൺ മഗ്സസെ പുരസ്കാരം. അഞ്ചു പേർക്കാണ് ഈ വർഷം പുരസ്കാരം ലഭിച്ചിരിക്കുന്നത്.

കോ സ്വെ വിൻ (മ്യാൻമർ), അങ്ഖാന നീലാപയിജിത് (തായ് ലൻഡ്), റേയ്മുണ്ടോ പുജാന്‍റെ കായാബ്യാബ് (ഫിലിപ്പീൻസ്), കിം ജോങ്-കി (ദക്ഷിണ കൊറിയ) എന്നിവരാണ് മറ്റു പുരസ്കാര ജേതാക്കൾ.

ഫിലിപ്പീൻ പ്രസിഡന്‍റായിരുന്ന രമൺ മഗ്സസെയുടെ സ്മരണാർത്ഥം 1957 മുതലാണ് പുരസ്കാരം നൽകിവരുന്നത്. പൊതുസേവനം, സാമുദായിക നേതൃത്വം, മാധ്യമപ്രവർത്തനം, സമാധാനം എന്നീ മേഖലകളിലെ സംഭാവനക്കാണ് പുരസ്കാരം നൽകുന്നത്.