അധോലോക കുറ്റവാളി രവി പൂജാരി സെനഗലിൽ അറസ്റ്റിൽ

മുംബൈ: അധോലോക നേതാവ്​ രവി പൂജാരി വീണ്ടും അറസ്​റ്റിൽ. കഴിഞ്ഞ വർഷം ജനുവരി 21ന്​ സെനഗാളിൽ അറസ്​റ്റിലായശേഷം ജാമ് യത്തിലിറങ്ങി മുങ്ങിയ പൂജാരിയെ ശനിയാഴ്​ച രാവിലെ ദക്ഷിണാഫ്രിക്കയിലെ കുഗ്രാമത്തിൽനിന്നാണ്​ പിടികൂടിയത്​. റോ നൽകിയ വിവരത്തി‍​െൻറ അടിസ്​ഥാനത്തിൽ സെനഗാൾ പൊലീസാണ്​ അറസ്​റ്റ്​ ചെയ്​തത്​.

കൊലപാതകമുൾപ്പെടെ 200േലറെ കേസ ുകളിൽ പ്രതിയായ പൂജാരിയെ ഇന്ത്യയിലെത്തിക്കാൻ അധികൃതർ ശ്രമം ശക്തമാക്കി. കൈമാറ്റത്തിനു​ പകരം പൂജാരിയെ ഇന്ത്യയിലേക്ക്​ നാടുകടത്തിക്കാൻ കേന്ദ്ര സർക്കാർ​ ​െസനഗാൾ അധികൃതരിൽ സമ്മർദം ചെലുത്തുന്നുണ്ട്​. സെനഗാളിൽ വഞ്ചനാകേസുള്ളതിനാൽ ചട്ടപ്രകാരമുള്ള കൈമാറ്റം വൈകുമെന്നതിനാലാണ്​ ഇത്​.

ഇന്ത്യക്ക്​ കൈമാറുന്നത്​ തടയാൻ പൂജാരി തന്നെ മുൻകൈയെടുത്ത്​ കേസുണ്ടാക്കിയതാണെന്ന്​ സംശയമുണ്ട്​. മാത്രമല്ല, ബുർകിനഫാസോ പൗരനായ ആൻറണി ഫെർണാണ്ടസ്​ എന്ന പേരിലാണ്​ പൂജാരിയുടെ പാസ്​പോർട്ട്​ എന്നതും കൈമാറ്റത്തിന്​ തടസ്സമാകും.

മംഗലാപുരത്തെ മാൽപെയിൽ ജനിച്ച പൂജാരി ​ 90 കളിലാണ്​ മുംബൈയിലെ അന്ധേരിയിലെത്തിയത്​. പ്രദേശത്തെ ഗുണ്ടയെ വകവരുത്തിയ പൂജാരി ഛോട്ടാ രാജ​​െൻറ സംഘത്തിലെത്തി. 2000ത്തിൽ ഛോട്ടാ രാജനുമായി വഴിപിരിഞ്ഞശേഷം സ്വന്തം സംഘത്തിന്​ രൂപം നൽകുകയായിരുന്നു. സിനിമ, രാഷ്​ട്രീയ, വ്യവസായ രംഗത്തെ പ്രമുഖരെ ഭീഷണിപ്പെടുത്തി പണംതട്ടുന്നതിൽ കുപ്രസിദ്ധനാണ്​. ഇതിനിടെ, ദാവൂദ്​ ഇബ്രാഹിമുമായി ബന്ധമുള്ളവരെ മാത്രമാണ്​ താൻ ലക്ഷ്യമിടുന്നതെന്ന്​ പറഞ്ഞ്​ സ്വയം ദേശസ്​നേഹിയായും അവതരിച്ചു.