രവി പൂജാരി സെനഗലിൽ അറസ്​റ്റിലായതായി സൂചന

മുംബൈ: കുപ്രസിദ്ധ അധോലോക കുറ്റവാളി രവി പൂജാരി ആഫ്രിക്കൻ രാജ്യമായ സെനഗലിൽ അറസ്​റ്റിലായതായി സൂചന. ഇൗയിടെ കൊച്ചിയിൽ അരങ്ങേറിയ ബ്യൂട്ടി പാർലർ വെടിവെപ്പു സംഭവത്തിനു പിന്നിൽ രവി പൂജാരിയാണെന്ന്​ സംശയമുണ്ടായിരുന്നു. നിലവിൽ എഴുപതോളം കേസുകളിൽ പ്രതിയായ ഇയാളെ ഇന്ത്യൻ അധികൃതർ നൽകിയ വിവരത്തി​​​​െൻറ അടിസ്​ഥാനത്തിൽ സെനഗൽ പൊലീസ്​ ആണ്​ അറസ്​റ്റ്​ ചെയ്​തു​ എന്നാണ്​ വിവരം.

തട്ടിക്കൊണ്ടുപോക്കും ഭീഷണിപ്പെടുത്തി പണം തട്ടലുമടക്കമുള്ള കേസുകളാണ്​ ഇയാള്‍ക്കെതിരെ കൂടുതലായും റെജിസ്റ്റര്‍ ചെയ്തിട്ടുള്ളത്​. ഇയാൾ സിനിമാ താരങ്ങളെയും ഭീഷണിപ്പെടുത്തി പണം തട്ടിയിട്ടുണ്ട്​. അതേസമയം, ഇന്ത്യൻ അധികൃതർ അറസ്​റ്റ്​ വിവരം സ്​ഥിരീകരിച്ചിട്ടില്ല.