രതൻ ലാലിനെ രക്തസാക്ഷിയായി പ്രഖ്യാപിക്കണം; ക​ുടുംബം റോഡ്​ ഉപരോധിക്കുന്നു

ന്യൂഡൽഹി: ഡൽഹിയിൽ പൗരത്വ പ്രതിഷേധക്കാർക്കുനേരെയുണ്ടായ ആക്രമണത്തി​നിടെ കൊല്ലപ്പെട്ട പൊലീസുകാരൻ രതൻ ലാലിന െ രക്തസാക്ഷിയായി പ്രഖ്യാപിക്കണമെന്ന ആവശ്യം ഉന്നയിച്ച്​ നാട്ടുകാരും ബന്ധുക്കളും ചേർന്ന്​ റോഡ്​ ഉപരോധിക്കു ന്നു. രാജസ്​ഥാനിൽ രതൻ ലാലിൻെറ ഗ്രാമത്തിലേക്കുള്ള റോഡിലാണ്​ പ്രതിഷേധം.

രക്തസാക്ഷിയായി പ്രഖ്യാപിക്കാതെ രതൻ ലാലിൻെറ മൃതദേഹം സംസ്​കരിക്കില്ലെന്നാണ്​​ പ്രതിഷേധക്കാർ പറയുന്നത്​. രാജസ്​ഥാനി​െല സികർ ജില്ലയിൽ സദിൻസർ വില്ലേജ്​ റോഡാണ്​ ഇവർ ഉപരോധിക്കുന്നത്​. മുതിർന്ന പൊലിസ്​ ഉദ്യോഗസ്​ഥരും ജില്ല ഭരണകൂടവും കുടുംബത്തെയും നാട്ടുകാരെയും അനുനയിപ്പിക്കാൻ ശ്രമിക്കുന്നുണ്ടെങ്കിലും ആവശ്യം അംഗീകരിക്കാതെ പിൻമാറാൻ തയാറല്ലെന്നാണ്​ ഇവർ പറയുന്നത്​.

ചാന്ദ്​ ബാഗിലുണ്ടായ ആക്രമണത്തിനിടെ കല്ലേറിൽ പരിക്കേറ്റ 42 കാരനായ രതൻ ലാൽ മരിക്കുകയായിരുന്നു. മൂന്നു കുട്ടികളും ഭാര്യയുമടങ്ങുന്നതാണ്​ ഇദ്ദേഹത്തിൻെറ കുടുംബം. ചൊവ്വാഴ്​ച രതൻ ലാലിൻെറ ഡൽഹിയ​ിലെ വീട്ടിലെത്തിയ ഡൽഹി മുഖ്യമന്ത്രി അരവിന്ദ്​ കെജ്​രിവാളിനെതിരെ പ്രതിഷേധം ഉയർന്നിരുന്നു.