ബ​ലാ​ത്സം​ഗ കേ​സി​ലെ പ്ര​തി​യെ ഇ​ര​യു​ടെ ബ​ന്ധു കു​ത്തി​ക്കൊ​ന്നു

ബം​ഗ​ളൂ​രു: പ​തി​നൊ​ന്നു​കാ​രി​യെ ബ​ലാ​ത്സം​ഗം ചെ​യ്ത കേ​സി​ലെ പ്ര​തി​യെ ഇ​ര​യു​ടെ ബ​ന്ധു കു​ത്തി​ക്കൊ​ല​പ്പെ​ടു​ത്തി. ക​ർ​ണാ​ട​ക ധാ​ർ​വാ​ഡി​ലെ നാ​വ​ൽ​ഗു​ണ്ഡി​ലെ ആ​ശു​പ​ത്രി​യി​ലാണ് സം​ഭ​വം. കേ​സി​ലെ പ്ര​തി​യാ​യ 55കാ​ര​നാ​യ ഹ​ക്കു​സാ​ബ് ന​ദാ​ഫാ​ണ് കൊ​ല്ല​പ്പെ​ട്ട​ത്. ഇ​യാ​ളും പെ​ൺ​കു​ട്ടി​യു​ടെ ബ​ന്ധു​വാ​ണ്.

വെ​ള്ളി​യാ​ഴ്ച ഹ​ക്കു​സാ​ബ് 11കാ​രി​യെ​ പീഡനത്തിനിരയാക്കിയത്​. തു​ട​ർ​ന്ന് കു​ട്ടി​യു​ടെ പി​താ​വും ബ​ന്ധു​ക്ക​ളും ഹ​ക്കു​സാ​ബി​നെ പി​ടി​കൂ​ടി കെ​ട്ടി​യി​ട്ട് മ​ർ​ദി​ച്ച​ശേ​ഷം പൊ​ലീ​സി​നു കൈ​മാ​റി. മ​ർ​ദ​ന​ത്തി​ൽ ഇ​യാ​ളു​ടെ മു​ഖ​ത്തി​ന് സാ​ര​മാ​യി പ​രി​ക്കേ​റ്റി​രു​ന്നു. ഹ​ക്കു​സാ​ബി​നെ​ അ​റ​സ്​​റ്റ്​ ചെ​യ്ത​ശേ​ഷം ചി​കി​ത്സ​ക്കാ​യി നാ​വ​ൽ​ഗു​ണ്ഡ് ഗ​വ. ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​തേ ആ​ശു​പ​ത്രി​യി​ലാ​ണ് പീ​ഡ​ന​ത്തി​നി​ര​യാ​യ പെ​ൺ​കു​ട്ടി​യെ​യും പ്ര​വേ​ശി​പ്പി​ച്ചി​രു​ന്ന​ത്.

ഇ​തി​നി​ട​യി​ലാ​ണ് കു​ട്ടി​യു​ടെ ബ​ന്ധു​വാ​യ 26കാ​ര​ൻ ആ​ശു​പ​ത്രി​യി​ലെ​ത്തി​യ​ത്. ഹ​ക്കു​സാ​ബ് കി​ട​ക്കു​ന്ന സ്ഥ​ല​ത്തേ​ക്ക് കു​തി​ച്ചെ​ത്തി​യ യു​വാ​വ്​ പ്ര​തി​ക്ക്​ കാ​വ​ൽ നി​ന്ന പൊ​ലീ​സ് കോ​ൺ​സ്​​റ്റ​ബി​ളി​നെ ത​ട്ടി​മാ​റ്റി കൈ​യി​ലു​ണ്ടാ​യി​രു​ന്ന ക​ത്തി​യെ​ടു​ത്ത് പ​ല​ത​വ​ണ കു​ത്തി.