വിശ്വഹിന്ദു മഹാസഭാ നേതാവിൻെറ കൊലപാതകം മൂന്ന്​ പേർ അറസ്​റ്റിൽ

മുംബൈ: വിശ്വഹിന്ദു മഹാസഭാ​ നേതാവ്​ രഞ്​ജിത്​ ബച്ചൻെറ കൊലപാതകവുമായി ബന്ധപ്പെട്ട്​ മൂന്ന്​ പേർ മുംബൈയിൽ അറസ് ​റ്റിൽ. ബച്ചനെതിരെ വെടിവെച്ചയാൾ ഉൾപ്പടെയാണ്​ മുംബൈയിൽ അറസ്​റ്റിലായത്​. ഇവരെ ഇന്ന്​ തന്നെ യു.പിയിലെത്തിക്കുമെന്ന്​ പൊലീസ്​ അറിയിച്ചു.

രഞ്​ജിത്​ ബച്ചൻെറ ബന്ധുക്കളുടെ ഫോൺരേഖകൾ പരിശോധിച്ച്​ നടത്തിയ അന്വേഷണത്തിലാണ്​ പ്രതികൾ പിടിയിലായത്​. കൊലപാതകം നടത്തിയതിന്​ ശേഷം പ്രതികൾ മുംബൈയിലേക്ക്​ പോവുകയായിരുന്നു.

കേസുമായി ബന്ധപ്പെട്ട്​ രണ്ട്​ പേരെ യു.പിയിൽ നിന്നും പൊലീസ്​ കസ്​റ്റഡിയിൽ എടുത്തിരുന്നു. ഗോരഖ്​പൂർ, റായ്​ബറേലി എന്നിവടങ്ങളിൽ നിന്നാണ്​ പ്രതികളെ പൊലീസ്​ കസ്​റ്റഡിയിലെടുത്തത്​. കഴിഞ്ഞ ദിവസമാണ്​ ഹിന്ദുമഹാസഭാ നേതാവായിരുന്ന രഞ്​ജിത്​ ബച്ചനെ കൊലപ്പെടുത്തിയത്​.