കേന്ദ്രമന്ത്രി രാംദാസ്​ അത്തേവാലക്ക്​ കോവിഡ്​

ന്യൂഡൽഹി: കേന്ദ്രമന്ത്രി രാംദാസ്​ അത്തേവാലക്ക്​ കോവിഡ്​ സ്​ഥിരീകരിച്ചു. ​ശരീരവേദനയും ചുമയും അനുഭവപ്പെട്ടതിനെ തുടർന്ന്​ നടത്തിയ പരിശോധനയിൽ കോവിഡ്​ സ്​ഥിരീകരിക്കുകയായിരുന്നു. കോവിഡ്​ പോസിറ്റീവായതിനെ തുടർന്ന്​ അത്തേവാലയെ മുംബൈയിലെ ആശുപത്രിയിൽ പ്രവേശിപ്പിച്ചു.

'എ​െൻറ കോവിഡ്​ പരിശോധനഫലം പോസിറ്റീവാണ്​. മുൻകരുതൽ നടപടികളുടെ ഭാഗമായി മെഡിക്കൽ ഉപദേശത്തി​െൻറ അടിസ്​ഥാനത്തിൽ ആശുപത്രിയിൽ പ്രവേശിച്ചു. ഇൗ സമയത്തിനുള്ളിൽ താനുമായി സമ്പർക്കം പുലർത്തിയവർ കൊറോണ മുൻകരുതൽ നടപടികൾ സ്വീകരിക്കണം. ആശങ്കവേണ്ട. നിലവിൽ ഷെഡ്യൂൾ ചെയ്​തിരുന്ന പരിപാടികൾ റദ്ദാക്കി' -അത്തേവാല ട്വിറ്ററിൽ കുറിച്ചു.

നടനും സംവിധായകനുമായ അനുരാഗ്​ കശ്യപിനെതിരെ ലൈംഗികാരോപണം നടത്തിയ നടി പായ​ൽ ഘോഷ്​ റി​പ്പബ്ലിക്കൻ പാർട്ടി ഒാഫ്​ ഇന്ത്യ (എ)യിൽ ചേരുന്നതി​െൻറ ചടങ്ങ്​ കഴിഞ്ഞദിവസം മും​ബൈയിൽവെച്ച്​ സംഘടിപ്പിച്ചതിൽ രാംദാസ്​ അത്തേവാലയും പ​​​െങ്കടുത്തിരുന്നു. അത്തേവാലയുടെ സാന്നിധ്യത്തിലായിരുന്നു പായലി​െൻറ പാർട്ടി പ്രവേശനം. നിരവധി പ്രമുഖരും ചടങ്ങിൽ പ​െങ്കടുത്തിരുന്നു.

തിങ്കളാഴ്​ച മഹാരാഷ്​ട്ര ഉപമുഖ്യമന്ത്രി അജിത്​ പവാറിന്​ കോവിഡ്​ സ്​ഥിരീകരിച്ചിരുന്നു. ഇദ്ദേഹത്തെ മുംബൈയിലെ ബ്രീച്ച്​ കാൻഡി ആശുപത്രിയിൽ പ്രവേശിപ്പിച്ചിരിക്കുകയാണ്​.