രാഹുലിനെ തെരഞ്ഞെടുത്തത്​ കേരളം ചെയ്​ത വിനാശകരമായ കാര്യം -രാമചന്ദ്ര ഗുഹ

കോഴിക്കോട്​: രാഹുൽ ഗാന്ധിയെ എം.പിയായി തെരഞ്ഞെടുത്തതാണ്​ കേരളം ചെയ്​ത വിനാശകരമായ കാര്യമെന്ന്​ ചരിത്രകാരൻ ര ാമ​ചന്ദ്ര ഗുഹ. ഇന്ത്യൻ രാഷ്​ട്രീയത്തിൽ നരേന്ദ്രമോദിക്കെതിരെ രാഹുലിന്​ ഒരു സാധ്യതയുമില്ലെന്നും അദ്ദേഹം വ്യ ക്​തമാക്കി.

സ്വാതന്ത്ര്യസമരകാലത്ത്​ പാരമ്പര്യമുള്ള പാർട്ടിയായിരുന്നു കോൺ​ഗ്രസ്​. എന്നാൽ, ഇപ്പോഴത്​ കുടുംബാധിപത്യം മാത്രമുള്ള പാർട്ടിയായി അധഃപതിച്ചു. ഇതാണ്​ ഇന്ത്യയിൽ ഹിന്ദുത്വ രാഷ്​ട്രീയം വളരാനുള്ള പ്രധാനകാരണമെന്നും രാമച​ന്ദ്ര ഗുഹ വ്യക്​തമാക്കി.

ഞാൻ രാഹുൽ ഗാന്ധിക്കെതി​രല്ല. അദ്ദേഹം നല്ലൊരു മനുഷ്യനാണ്​. ഇന്ത്യയിലെ യുവാക്കൾക്ക്​ അഞ്ചാം തലമുറ കുടുംബാധിപത്യത്തിലുള്ള നേതാവിനെയല്ല ആവശ്യം. രാഹുൽ ഗാന്ധിയെ മലയാളികൾ വീണ്ടും തെരഞ്ഞെടുക്കകയാണെങ്കിൽ മോദിക്ക്​ 2024ൽ കാര്യങ്ങൾ കൂടുതൽ എളുപ്പമാവുമെന്നും അദ്ദേഹം പറഞ്ഞു. കേരളത്തിൽ നടക്കുന്ന പൗരത്വ പ്രതിഷേധങ്ങളെയും അദ്ദേഹം അഭിനന്ദിച്ചു.