Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകേന്ദ്ര മന്ത്രി രാം...

കേന്ദ്ര മന്ത്രി രാം വിലാസ്​​ പാസ്വാൻ അന്തരിച്ചു

text_fields
bookmark_border
കേന്ദ്ര മന്ത്രി രാം വിലാസ്​​ പാസ്വാൻ അന്തരിച്ചു
cancel

ന്യൂഡൽഹി: കേന്ദ്ര മന്ത്രിയും എൽ.ജെ.പി നേതാവുമായ രാം വിലാസ്​​ പാസ്വാൻ (74) അന്തരിച്ചു. ഹൃദയശസ്​ത്രക്രിയക്ക്​ ശേഷം ഡൽഹിയിലെ ആശുപത്രിയിൽ ചികിൽസയിലിരിക്കെയാണ്​ അന്ത്യം. അഞ്ച്​ ദശാബ്​ദക്കാലമായി രാഷ്​ട്രീയത്തിലുണ്ടായിരുന്ന അദ്ദേഹം ഇന്ത്യയിലെ അറിയപ്പെടുന്ന ദലിത്​ നേതാവ്​ കൂടിയാണ്​.

ലോക്​ ജനശക്​തി പാർട്ടി പ്രസിഡൻറായ പാസ്വാൻ എട്ട്​ തവണ ലോക്​സഭയിലേക്ക്​ തെരഞ്ഞെടുക്കപ്പെട്ടിട്ടുണ്ട്​. നിലവിൽ രാജ്യസഭ എം.പിയാണ്​. സംയുക്​ത സോഷ്യലിസ്​റ്റ്​ പാർട്ടി എം.എൽ.എയായി 1969ൽ ബിഹാർ നിയമസഭയിലേക്ക്​ തെരഞ്ഞെടുക്കപ്പെട്ടതോടെയാണ്​ അദ്ദേഹത്തി​െൻറ രാഷ്​ട്രീയ ജീവിതം ആരംഭിക്കുന്നത്​. 1974 ലോക്​ ദള്ളിലേക്ക്​ മാറിയ അദ്ദേഹം പാർട്ടി ജനറൽ സെക്രട്ടറിയാവുകയും അടിയന്തരാവസ്ഥക്കെതിരെ സമരം നയിക്കുകയും ചെയ്​തു. 1977ലാണ്​ ആദ്യമായി ലോക്​സഭയിലെത്തുന്നത്​. ജനത പാർട്ടി അംഗമായി ഹാജിപൂർ മണ്ഡലത്തിൽ നിന്നായിരുന്നു ലോക്​സഭ പ്രവേശനം. 1980, 1989, 1996, 1999, 2004, 2014 വർഷങ്ങളിൽ അദ്ദേഹം ലോക്​സഭയിലേക്ക്​ തെരഞ്ഞെടുക്കപ്പെട്ടു.

2000ത്തിലാണ്​ അദ്ദേഹം ലോക്​ ജനശക്​തി പാർട്ടി രൂപീകരിക്കുന്നത്​. 2004ൽ യു.പി.എ പിന്തുണയിൽ ലോക്​സഭയിലേക്ക്​ ജയിച്ചു കയറിയ അദ്ദേഹം കേന്ദ്രമന്ത്രിയായി. രാസവള, സ്​റ്റീൽ വകുപ്പുകളുടേതായിരുന്നു ചുമതല. 2009ൽ മത്സരിച്ചുവെങ്കിലും പരാജയപ്പെട്ടു. എന്നാൽ 2014ൽ വീണ്ടും ഹാജിപൂർ മണ്ഡലത്തിൽ നിന്ന്​ ജയിച്ചു.

Show Full Article
TAGS:ram vilas paswan Union Consumer Affairs Minister 
Next Story