Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightരാമ ക്ഷേത്രം...

രാമ ക്ഷേത്രം നിർമിക്കും; ക്ഷമയോടെ കാത്തിരിക്കൂ -യോഗി

text_fields
bookmark_border
രാമ ക്ഷേത്രം നിർമിക്കും; ക്ഷമയോടെ കാത്തിരിക്കൂ -യോഗി
cancel

ലഖ്​നോ: അയോധ്യയിലെ രാമ ക്ഷേത്ര നിർമാണവുമായി ബന്ധപ്പെട്ട വിഷയത്തിൽ ക്ഷമ പാലിക്കാൻ സന്യാസിമാരോട് ഉത്തർ പ്രദേശ്​ മുഖ്യമന്ത്രി​ യോഗി ആദിഥ്യനാഥ്​. ബി.ജെ.പിയുടെ തീരുമാനത്തിൽ മാറ്റമില്ല. അവിടെ രാമക്ഷേത്രം തന്നെ പണിയുമെന്നും യോഗി ഉറപ്പ്​ നൽകി. അയോധ്യയിൽ മഹാന്ദ്​ ന്രിത്യ ഗോപാൽ ദാസി​​​െൻറ 80ാം ജന്മദിനാഘോഷത്തിൽ പ​െങ്കടുത്ത് സംസാരിക്കുകയായിരുന്നു​ യോഗി. 

രാമ ക്ഷേത്രം നിർമാണം വൈകുന്ന സാഹചര്യത്തിൽ സന്യാസിമാർ അവരുടെ ശക്​തമായ എതിർപ്പ്​ പ്രകടിപ്പിച്ചിരുന്നു. എത്രയും പെട്ടന്ന്​ ക്ഷേത്രം നിർമിച്ചില്ലെങ്കിൽ അത്​ 2019 ലോക്​സഭാ തെരഞ്ഞെടുപ്പിനെ മോശമായി ബാധിക്കുമെന്നും അവർ വ്യക്​തമാക്കിയിരുന്നു.

ലോകത്തിലെ ഏറ്റവും വലിയ ജനാധിപത്യ രാജ്യത്തിലാണ്​ നാം വസിക്കുന്നത്​. ഇവിടെ നിയമത്തിനും ഭരണകർത്താക്കൾക്കും കോടതിക്കും അവരവരുടേതായ കർത്തവ്യമുണ്ട്​. ഇതൊക്കെ എല്ലാവരുടെയും മനസ്സിലുണ്ടാവണമെന്നും യോഗി പറഞ്ഞു. രാമക്ഷേത്ര നിർമാണവുമായി ബന്ധപ്പെട്ട വിധി താമസിപ്പിക്കുന്നത്​ കോൺഗ്രസ്​ ആണ്​. ഇത്തരത്തിൽ ക്ഷേത്രം നിർമാണം വൈകിപ്പിക്കുന്നവരെയും സമൂഹത്തിൽ വിഭാഗീയത സൃഷ്​ടിക്കാൻ ശ്രമിക്കുന്നവരെയും തിരിച്ചറിയണമെന്നും അദ്ദേഹം പറഞ്ഞു.

ലോക്​സഭാ തെരഞ്ഞെടുപ്പ്​ കഴിയും വ​െ​ര രാമ ക്ഷേത്രവുമായി ബന്ധപ്പെട്ട വാദം കേൾക്കൽ നീട്ടാൻ ഒരു മുതിർന്ന കോൺഗ്രസ്​ നേതാവ് കോടതിയോട്​ ആവശ്യപ്പെട്ടിരിക്കുകയാണെന്ന്​ കപിൽ സിബലി​​​െൻറ പേര്​ വെളിപ്പെടുത്താതെ യോഗി ആരോപിച്ചു. 

രാമ ജന്മഭൂമി ന്യാസി​​​െൻറ തലവനാണ്​  മഹാന്ദ്​ ന്രിത്യ ഗോപാൽ ദാസ്​. യു.പി മുഖ്യമന്ത്രിയുടെ സാന്നിധ്യത്തിൽ നടന്ന ഗോപാൽ ദാസി​​​െൻറ ജന്മദിനാഘോഷം വളരെ പ്രാധാന്യമുള്ള പരിപാടിയായാണ്​ കൊണ്ടാടിയത്​. 

Show Full Article
TAGS:Ram Mandir dispute Yogi Adityanath bjp rss india news malayalam news 
News Summary - Ram Mandir will be built but be patient Yogi-india news
Next Story