യു.പിയിൽ ജനങ്ങൾ അവശേഷിക്കുന്നത്​ ദൈവകൃപയാൽ; സർക്കാറിനെതിരെ ഹൈകോടതി

അലഹാബാദ്​: കോവിഡ്​ പ്രതി​േരാധ പ്രവർത്തനങ്ങളിൽ ഉത്തർപ്രദേശ്​ സർക്കാറിനെതിരെ വീണ്ടും അലഹബാദ്​ ഹൈകോടതി. ആശുപത്രിയിൽ ചികിത്സയിലിരുന്നയാളുടെ മൃതദേഹം അജ്ഞാതനെന്ന പേരിൽ എഴുതിതള്ളിയ കേസ്​ പരിഗണിക്കവേയാണ്​ കോടതിയുടെ പരാമർശം.

ദൈവത്ത​ിന്‍റെ കൃപയാൽ മാത്രമാണ്​ സംസ്​ഥാനത്ത്​ ആളുകൾ അവശേഷിക്കുന്നതെന്നായിരുന്നു കോടതിയുടെ പരാമർശം. അതിനായി 'രാം ബറോസ്​' (ദൈവ കൃപയാൽ) എന്ന പ്രമുഖ ഹിന്ദി വാക്യം ഉപ യോഗിച്ചായിരുന്നു കോടതിയുടെ നിരീക്ഷണം.

രണ്ടംഗ ബെഞ്ചിലെ ജസ്റ്റിസുമാരായ സിദ്ധാർഥ്​ വർമയും അജിത്​ കുമാറുമാണ്​ പരാതി പരിഗണിച്ചത്​. സംസ്​ഥാനത്ത്​ കോവിഡ്​ രോഗികൾക്ക്​ മികച്ച ചികിത്സ ഉറപ്പാക്കണമെന്നായിരുന്നു പരാതിയിലെ ആവശ്യം. യു.പിയിലെ ചെറിയ നഗരങ്ങളിലെയും ഗ്രാമങ്ങള​ിലെയും ആരോഗ്യ സംവിധാനങ്ങൾ കണക്കി​െലടുക്കു​േമ്പാൾ സംസ്​ഥാനത്ത്​ ജനങ്ങൾ അവശേഷിക്കുന്നത്​ ദൈവത്തിന്‍റെ കൃപയാൽ ആണെന്നായിരുന്നു പരാതി പരിഗണിച്ചുകൊണ്ടുള്ള കോടതിയുടെ നിരീക്ഷണം.

മീററ്റിൽ ഏപ്രിലിലുണ്ടായ സംഭവമാണ്​​ പരാമർശത്തിന്​ ആധാരം. ഏപ്രിലിൽ സന്തോഷ്​ കുമാർ എന്ന രോഗി മീററ്റിലെ ആശുപത്രിയിൽ ചികിത്സ തേടിയിരുന്നു. വിശ്രമമുറിയിൽ കുഴഞ്ഞുവീണ അദ്ദേഹത്തിന്‍റെ ജീവൻ രക്ഷിക്കാൻ ശ്രമിച്ചെങ്കിലും മരണത്തിന്​ കീഴടങ്ങുകയായിരുന്നു. മരണശേഷം അദ്ദേഹം അദ്ദേഹത്തിന്‍റെ മൃതദേഹം തിരിച്ചറിയാത്തവരുടെ പട്ടികൾ ഉൾപ്പെടുത്തുകയായിരുന്നു. രാത്രിയിൽ ​ഡ്യൂട്ടിയിലുണ്ടായിരുന്ന ഡോക്​ടർമാരുടെ അനാസ്​ഥയായി സ​ംഭവത്തെ കോടതി നിരീക്ഷിച്ചു.

സംസ്​ഥാനത്തെ ആരോഗ്യ അടിസ്​ഥാന സൗകര്യങ്ങൾ ഇന്നത്തെ അവസ്​ഥയിൽ അതി ദുർബലവും ലോലവും തകർന്നടിഞ്ഞതുമാണെന്നും കുറച്ചു മാസങ്ങൾക്കുള്ളിൽ തങ്ങൾക്ക്​ അവ മനസിലായെന്നും കോടതി ചൂണ്ടിക്കാട്ടി.

സാധാരണ മെഡിക്കൽ ആവശ്യങ്ങൾ നിറവേറ്റാൻ കഴിയാതിരുന്നിടത്ത്​, ഇത്തരമൊരു മഹാമാരി സാഹചര്യം കൂടി ഉടലെടുക്കു​േമ്പാൾ സംവിധാനം മുഴുവൻ തകരുമെന്നും കോടതി കൂട്ടിച്ചേർത്തു. ബിജ്​നോർ ഉൾപ്പെടെയുള്ള നഗരങ്ങളിലെ ആരോഗ്യ സംവിധാനങ്ങളുടെ അസൗകര്യങ്ങളും കോടതി ചൂണ്ടിക്കാട്ടി.

ഉത്തർപ്രദേശിൽ 16.19 ലക്ഷം പേർക്കാണ്​ ഇതുവരെ കോവിഡ്​ ബാധിച്ചത്​. പ്രതിദിനം 20,000 ത്തോളം പേർക്കാണ്​ രോഗം സ്​ഥിരീകരിക്കുന്നതും. ആരോഗ്യ സംവിധാനങ്ങളുടെ അഭാവവും ഓക്​സിജൻ ക്ഷാമവുമെല്ലാം സംസ്​ഥാനത്ത്​ സ്​ഥിതി രൂക്ഷമാക്കിയിരുന്നു.