Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരക്​ബറി​െൻറ പിതാവ്​...

രക്​ബറി​െൻറ പിതാവ്​ ചോദിക്കുന്നു, ഇൗ കുഞ്ഞുങ്ങളെയുംകൂടി കൊന്നൂടേ...​

text_fields
bookmark_border
രക്​ബറി​െൻറ പിതാവ്​ ചോദിക്കുന്നു, ഇൗ കുഞ്ഞുങ്ങളെയുംകൂടി കൊന്നൂടേ...​
cancel

അൽവാർ (രാജസ്ഥാൻ): ‘‘ഗോരക്ഷക ഗുണ്ടകൾക്ക്​ രക്​ബറി​​​െൻറ കുഞ്ഞുങ്ങളെക്കൂടി കൊല്ലാമായിരുന്നില്ലേ? ഞങ്ങളെല്ലാം പട്ടിണികിടന്ന്​ മരിക്കാൻ പോവുകയാണ്​.  മകനും എല്ലാ സമ്പാദ്യങ്ങളും ഞങ്ങൾക്ക്​ നഷ്​ടമായി. അവ​​​െൻറ മക്കളെ ഞങ്ങളിനി എങ്ങനെ പോറ്റും? ഏറ്റവും ഇളയതിന്​ രണ്ടുവയസ്സേ ആയുള്ളൂ’’ -ഗോരക്ഷക ഗുണ്ടകളാൽ കൊല്ലപ്പെട്ട രക്​ബർ ഖാ​​​െൻറ പിതാവ്​ ശഫീഖ്​ ഖാ​ൻ ചോദിക്കുന്നു.

ഇൗ ആറു മക്കളുടെ പിതാവിന്​ 28കാരനായ മകനെ നഷ്​ടപ്പെട്ടതി​​​െൻറ വേദന അടക്കാനാവുന്നില്ല. ‘‘ഞങ്ങൾ കാലങ്ങളായി ചെയ്യുന്ന തൊഴിലാണിത്​. ഇനിയുമത്​ തുടരും.  ഞങ്ങൾക്ക്​ രണ്ട്​ പശുക്കളുണ്ട്​. ആടുകളെ വാങ്ങാനാണ്​ അവൻ പോയത്​. എന്നാൽ, ഇത്രയും നാളത്തെ സമ്പാദ്യമായ 60,000 രൂപ നൽകി രണ്ട്​ കറവപ്പശുക്കളെയാണ്​ അവൻ വാങ്ങിയത്​. കച്ചവടം അൽപം മെച്ച​െപ്പടുത്തണമെന്ന മോഹം കൊണ്ടായിരുന്നു അത്​. ഞങ്ങൾ മുസ്​ലിംകളാണെന്നതിനർഥം പശുക്കളെ സം​രക്ഷിക്കില്ലെന്നല്ല. ഇറച്ചി കഴിക്കാൻ അനുവാദമുള്ളവരെന്നാൽ കിട്ടുന്ന എല്ലാ പശുക്കളെയും അറുക്കുന്നവരാണെന്നല്ല’’ -ശഫീഖ്​ ഖാൻ വിലപിക്കുന്നു.

ഇതിനിടെ, കൊലപാതകം ഗോരക്ഷക ഗുണ്ടകളുടെ കൈക്കൊണ്ടല്ലെന്ന്​ വരുത്താനും ബി.ജെ.പി എം.എൽ.എയുടെ നേതൃത്വത്തിൽ ശ്രമം തുടങ്ങിയിട്ടുണ്ട്​​. പൊലീസ്​ മർദനമേറ്റാണ്​ രക്​ബർ മരിച്ചതെന്ന്​ എം.എൽ.എ ഗ്യാൻദേവ് അഹൂജ​ ആരോപിച്ചു. രക്​ബർ അനധികൃത കാലിക്കടത്തുകാരനായിരുന്നുവെന്നും അദ്ദേഹം കുറ്റപ്പെടുത്തി.

എന്നാൽ, ത​​​െൻറ ഗുണ്ടകളെ സംരക്ഷിക്കാനാണ്​ ഗ്യാൻദേവ്​ നുണപ്രചരിപ്പിക്കുന്നതെന്ന്​ ശഫീഖ്​ ഖാൻ പറഞ്ഞു. അൽവാറിൽതന്നെ കഴിഞ്ഞവർഷം പെഹ്​ലുഖാൻ കൊല്ലപ്പെട്ടപ്പോഴും ഇ​​തേ ആരോപണമാണ്​ പ്രചരിപ്പിക്കപ്പെ​ട്ടതെന്ന്​​ നാട്ടുകാരും ചൂണ്ടിക്കാട്ടുന്നു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Rajasthanchildrenmalayalam newscow raksha attackrakber
News Summary - rakber's father sad about rakber's wife and children-india news
Next Story