രാജ്യസഭ ഉപതെരഞ്ഞെടുപ്പ്​; ബി.ജെ.പി പിന്മാറി; കോൺഗ്രസിന്‍റെ രജനി പാട്ടീലിന്​ വിജയം

മുംബൈ: കോൺഗ്രസ്​ നേതാവ്​ രാജീവ്​ സാതവി‍െൻറ മരണത്തെ തുടർന്നുള്ള രാജ്യസഭ ഉപതെരഞ്ഞെടുപ്പിൽനിന്ന്​ ബി.ജെ.പി പിന്മാറി. ഇതോടെ കോൺഗ്രസിലെ മുതിർന്ന വനിതാ നേതാവ്​ രജനി പാട്ടീൽ എതിരില്ലാതെ തെരഞ്ഞെടുക്കപ്പെട്ടു. പാർട്ടി നിർദേശത്തെ തുടർന്ന്​ തിങ്കളാഴ്​ച ബി.ജെ.പി സ്​ഥാനാർഥി സഞ്​ജയ്​ ഉപാധ്യായ്​ പത്രിക പിൻവലിക്കുകയായിരുന്നു.

കോൺഗ്രസ്​ സംസ്​ഥാന അധ്യക്ഷൻ നാന പടോലെയും മന്ത്രി ബാലാസഹെബ്​ തോറാട്ടും കഴിഞ്ഞ ദിവസം ബി.ജെ.പി നേതാവും പ്രതിപക്ഷ നേതാവുമായ ദേവേന്ദ്ര ഫഡ്നാവിസിനെ കണ്ടിരുന്നു. വോട്ട്​ ചെയ്യേണ്ട 288 നിയമസഭാംഗങ്ങളിൽ 169 പേർ ഭരണപക്ഷ പാർട്ടി അംഗങ്ങളും അവരെ പിന്തുണക്കുന്ന സ്വതന്ത്രരുമാണ്​. 14 സ്വതന്ത്രരുൾപടെ 120 പേരുടെ അംഗബലമേ ബി.ജെ.പിക്കുള്ളു.