പാകിസ്താന് തക്കതായ തിരിച്ചടി നൽകും, പ്രതിരോധ മന്ത്രിയെന്ന നിലയിൽ അതെന്‍റെ ഉത്തരവാദിത്തം -രാജ്നാഥ് സിങ്

ന്യൂഡൽഹി: 26 പേർ കൊല്ലപ്പെട്ട പഹൽഗാം ഭീകരാക്രമണത്തിന് മറുപടിയായി പാകിസ്താന് തക്കതായ തിരിച്ചടി നൽകുമെന്ന് കേന്ദ്ര പ്രതിരോധ മന്ത്രി രാജ്നാഥ് സിങ്. പ്രതിരോധ മന്ത്രിയെന്ന നിലയിൽ തന്‍റെ ഉത്തരവാദിത്തമാണ് ഇന്ത്യയെ ആക്രമിക്കുന്നവർക്ക് ശക്തമായ തിരിച്ചടി നൽകുകയെന്നത്. അതിർത്തി കാക്കുന്ന സൈനികർക്ക് പൂർണ്ണ പിന്തുണയെന്നും അദ്ദേഹം പറഞ്ഞു.

നമ്മുടെ പ്രധാനമന്ത്രിയെ നിങ്ങള്‍ക്ക് നന്നായി അറിയാം, അദ്ദേഹത്തിന്റെ പ്രവര്‍ത്തന ശൈലി, ദൃഢനിശ്ചയം എന്നിവ നിങ്ങള്‍ക്ക് പരിചിതമാണ്. മോദിയുടെ നേതൃത്വത്തില്‍ നിങ്ങള്‍ ആഗ്രഹിക്കുന്നത് തീര്‍ച്ചയായും സംഭവിക്കും - സംസ്‌കൃതി ജാഗരണ്‍ മഹോത്സവത്തെ അഭിസംബോധന ചെയ്തുകൊണ്ട് സംസാരിക്കവേ പ്രതിരോധ മന്ത്രി പറഞ്ഞു.

പ​ഹ​ൽ​ഗാം ഭീ​ക​രാ​ക്ര​മ​ണ​ത്തെ തു​ട​ർ​ന്ന് ഇന്ത്യ-പാക് ബന്ധം പൂർണമായും അറ്റിരിക്കുന്ന സാഹചര്യത്തിലാണ് വഷളായ സാഹചര്യത്തിലാണ് മന്ത്രിയുടെ വാക്കുകൾ. ഏറ്റവുമൊടുവിൽ പാ​കി​സ്താ​നി​ൽ നി​ന്നു​ള്ള എ​ല്ലാ ച​ര​ക്കു​ക​ളു​ടെ​യും ഇ​റ​ക്കു​മ​തി നി​രോ​ധി​ച്ച കേ​ന്ദ്ര സ​ർ​ക്കാ​ർ പാ​കി​സ്താ​നു​മാ​യു​ള്ള ക​ത്തു​ക​ളു​ടെ​യും പാ​ർ​സ​ല​​ു​ക​ളു​ടെ​യും വി​നി​മ​യ​വും വി​ല​ക്കി.

പാ​ക് ക​പ്പ​ലു​ക​ള്‍ ഇ​ന്ത്യ​യി​ലെ തു​റ​മു​ഖ​ങ്ങ​ളി​ല്‍ പ്ര​വേ​ശി​ക്കു​ന്ന​തി​നും വി​ല​ക്കു​ണ്ട്. ഇ​ന്ത്യ​യു​മാ​യു​ള്ള എ​ല്ലാ വ്യാ​പാ​ര​ങ്ങ​ളും പാ​കി​സ്താ​ൻ നി​ർ​ത്തി​വെ​ച്ചി​രി​ക്കു​ക​യാ​ണ്. ഇ​ന്ത്യ​യു​ടെ ഭാ​ഗ​ത്തു​നി​ന്നു​ള്ള ഈ ​തീ​രു​മാ​ന​ങ്ങ​ൾ കൂ​ടി​യാ​യ​തോ​ടെ ഇ​ന്ത്യ-​പാ​ക് ബ​ന്ധം പൂ​ർ​ണ​മാ​യും അ​റ്റു.

പാ​കി​സ്താ​നി​ല്‍ ഉ​ൽ​പാ​ദി​പ്പി​ക്കു​ക​യോ, അ​വി​ടെ​നി​ന്ന് ക​യ​റ്റി അ​യ​ക്കു​ക​യോ ചെ​യ്ത ച​ര​ക്കു​ക​ളു​ടെ നേ​രി​ട്ടും അ​ല്ലാ​തെ​യു​മു​ള്ള ഇ​റ​ക്കു​മ​തി ത​ട​യു​ക​യാ​ണെ​ന്ന് വി​ജ്ഞാ​പ​നം വ്യ​ക്ത​മാ​ക്കി. ദേ​ശ​സു​ര​ക്ഷ​യും പൊ​തു​ന​യ​വും ക​ണ​ക്കി​ലെ​ടു​ത്ത് കൈ​ക്കൊ​ണ്ട തീ​രു​മാ​ന​മാ​ണി​തെ​ന്നും ഇ​നി​യൊ​രു അ​റി​യി​പ്പ് ഉ​ണ്ടാ​കു​ന്ന​തു​വ​രെ നി​രോ​ധ​നം തു​ട​രു​മെ​ന്നും വി​ജ്ഞാ​പ​ന​ത്തി​ലു​ണ്ട്. കേ​ന്ദ്ര സ​ര്‍ക്കാ​റി​ന്റെ മു​ന്‍കൂ​ട്ടി​യു​ള്ള അ​നു​മ​തി വാ​ങ്ങാ​തെ ഇ​ക്കാ​ര്യ​ത്തി​ല്‍ ഒ​രു ഇ​ള​വും അ​നു​വ​ദി​ക്കി​ല്ലെ​ന്നും കേ​ന്ദ്ര വാ​ണി​ജ്യ വ്യ​വ​സാ​യ മ​ന്ത്രാ​ല​യം കൂ​ട്ടി​ച്ചേ​ർ​ത്തു.