റഫാൽ: രാഹുൽ പൊതുജനങ്ങളോട്​ മാപ്പ്​ പറയണം- രാജ്​നാഥ്​ സിങ്​

ന്യൂഡൽഹി: റഫാൽ കരാറിലെ കോടതി മേൽനോട്ടത്തിൽ അന്വേഷണം വേണ്ടെന്ന സുപ്രീംകോടതി ഉത്തരവ്​ പുറത്ത്​ വന്നതിന്​ പിന്നാലെ ഇക്കാര്യത്തിൽ പ്രതികരണവുമായി കേന്ദ്ര ആഭ്യന്തര മന്ത്രി രാജ്​നാഥ്​ സിങ്​. ആരോപണങ്ങളിൽ രാഹുൽ ഗാന്ധി പാർലമ​​െൻറിനോടും പൊതുജനങ്ങളോടും മാപ്പ്​ പറയാൻ തയാറാവണമെന്ന്​ രാജ്​നാഥ്​ സിങ്​ ആവശ്യപ്പെട്ടു.

രാഷ്​ട്രീയ നേട്ടത്തിനായി പൊതുജനങ്ങളെ തെറ്റിദ്ധരിപ്പിക്കാനായിരുന്നു രാഹുലി​​​െൻറ ശ്രമം. റഫാൽ ഇടപാടിലെ രാഹുൽ ഗാന്ധിയുടെ ആരോപണങ്ങൾ ആഗോളതലത്തിൽ ഇന്ത്യയുടെ പ്രതിഛായ മോശമാക്കിയെന്നും രാജ്​നാഥ്​ സിങ്​ ആരോപിച്ചു.