രാജീവ്​ ഗാന്ധിക്കെതിരായ പരാമർശം; സവർകറിനെ അധിക്ഷേപിച്ചതിനുള്ള വില- ശിവസേന

മുംബൈ: സ്വാതന്ത്ര്യ സമരസേനാനിയായ വീര സവർകറിനെ അപമാനിച്ചതി​​െൻറ വിലയാണ്​ രാജീവ്​ ഗാന്ധിക്കെതിരായുള്ള പരാമർ ശങ്ങളിലൂടെ കോൺഗ്രസ്​ അധ്യക്ഷൻ രാഹുൽ ഗാന്ധി നൽകേണ്ടിവരുന്നതെന്ന്​ ശിവസേന. മുൻ പ്രധാനമ​ന്ത്രി കൂടിയായിരുന്ന രാജീവ്​ ഗാന്ധി​ക്കെതിരായ നരേന്ദ്രമോദി നടത്തുന്ന പരാമർശങ്ങൾ മോശമാണെന്ന്​ തോന്നുവെങ്കിൽ രാഹുൽ ഗാന്ധി വീര സവർക​റിനെ അധിക്ഷേപിച്ചതിനെ മഹാമോശമെന്നാണ്​ പറയാനാവുക. ബ്രിട്ടീഷുകാരോട്​ മാപ്പിരന്ന്​ ജയിൽ മോചനം നേടിയെന്ന്​ സർവകറിനെ പറ്റി രാഹുൽ തരംതാഴ്​ന്ന രീതിയിൽ തമാശ പറയു​േമ്പാൾ അത്​ രാജ്യത്തിനായി പേരാടിയ എല്ലാ സ്വാതന്ത്ര്യസമര സേനാനികളെയും അപമാനിക്കുന്നതിന്​ തുല്യമാണ്​. രാഹ​ുലി​​െൻറ അത്തരം പ്രസ്​താവനകൾ എളുപ്പത്തിൽ അംഗീകരിക്കാൻ കഴിയില്ലെന്നും ശിവസേന മുഖപത്രമായ സാമ്​നയിലൂടെ തുറന്നടിച്ചു.

പ്രധാനമന്ത്രി നരേന്ദ്രമോദിയെ പൊതുറാലിയിൽ കള്ളൻ എന്നാണ്​ രാഹുൽ ഗാന്ധി അഭിസംബോധന ചെയ്യാറുള്ളത്​. അങ്ങനെ പെരുമാറു​േമ്പാൾ പ്രധാനമന്ത്രി അദ്ദേഹത്തെ ചായ സൽക്കാരത്തിനായി വിളിക്കുമെന്ന്​ ആരെങ്കിലും കരു​തുന്നുണ്ടോ​? രാഹുൽ ഗാന്ധിയുടെ അധിക്ഷേപങ്ങൾക്ക്​ മറുപടി പറയാൻ സവർകർ ജീവനോ​െടയില്ല. രാഹുലി​​െൻറ കർമ്മങ്ങൾക്ക്​ മോദി മറുപടി പറയുന്നുവെന്നേയുള്ളൂ. രാജീവ്​ ഗാന്ധി അധികാരത്തിലെത്തുന്നതിന്​ മുമ്പ്​ രാജ്യത്തിനായി മഹത്തരമായ ഒന്നും ചെയ്​തിട്ടില്ല. അ​ദ്ദേഹത്തി​​െൻറ മരണം അത്യന്തം ദുഃഖകരമായിരുന്നു. എന്നാൽ അതിനെ ത്യാഗമെന്ന രീതിയിൽ വിശേഷിപ്പിക്കാനില്ല. 14 വയസുമുതൽ അന്ത്യശ്വാസം വരെ സ്വാതന്ത്ര്യത്തിനായി പേരാടിയ വീര സവർകറി​​െൻറ ത്യാഗങ്ങൾ എക്കാലത്തും പ്രചോദനകരമാണെന്നും ശിവസേന ചൂണ്ടിക്കാട്ടുന്നു.

രാജീവ്​ ഗാന്ധിയെ സ്​തുതി പാഠകൾ മിസ്​റ്റർ ക്ലീൻ എന്ന്​ വിശേഷിപ്പിച്ചെങ്കിലും രാജ്യത്തെ ഒന്നാം നമ്പർ അഴിമതിക്കാരനായാണ്​ അദ്ദേഹം മരിച്ചതെന്നായിരുന്നു നരേന്ദ്ര മോദിയുടെ പ്രസ്​താവന. രാജീവ്​ ഗാന്ധിയും കുടുംബവും രാജ്യസുരക്ഷയിൽ വീഴ്​ച വരുത്തി ഐ.എൻ.എസ്​ വിരാടിൽ അവധി ആഘോഷിച്ചുവെന്നും മോദി ആരോപിച്ചിരുന്നു. രാജീവ്​ ഗാന്ധിക്കെതിരായ പരാമർശങ്ങൾക്കെതിരെ കോൺഗ്രസ്​ ശക്തമായി പ്രതികരിച്ചിരുന്നു.